Saina Nehwal: క్రికెట్‌పై కీలక వ్యాఖ్యలు.. కట్‌చేస్తే.. సైనా నెహ్వాల్‌పై ఫ్యాన్స్ ఫైర్.. అసలే మ్యాటర్ ఏంటంటే?

Saina Nehwal Comment on Cricket: టీ20 ప్రపంచకప్ 2024 గెలిచి కోట్లాది మంది క్రికెట్ అభిమానులను గర్వపడేలా చేసింది టీమిండియా. 17 ఏళ్ల తర్వాత టీ20 ప్రపంచ ఛాంపియన్‌గా నిలిచిన టీమ్‌ఇండియా.. 11 ఏళ్ల తర్వాత ఐసీసీ టోర్నీని కైవసం చేసుకుంది. రోహిత్ శర్మ, విరాట్ కోహ్లి, జస్ప్రీత్ బుమ్రా వంటి ఆటగాళ్లపై ప్రశంసల వర్షం కురుస్తోంది. అయితే, అదే సమయంలో, బ్యాడ్మింటన్ స్టార్ సైనా నెహ్వాల్ వ్యాఖ్యలతో అభిమానులు కోప్పడుతున్నారు. ఒక పోడ్‌కాస్ట్‌లో, సైనా నెహ్వాల్ క్రికెట్ కంటే బ్యాడ్మింటన్, టెన్నిస్, బాస్కెట్‌బాల్ క్రీడలకు ఎక్కువ డిమాండ్ ఉందని తెలిపారు.

సైనా నెహ్వాల్ వివాదాస్పద వ్యాఖ్యలు..

క్రికెట్ అనేది కేవలం నైపుణ్యాల ఆట మాత్రమే అని, దీనికి టెన్నిస్, బ్యాడ్మింటన్ వంటి హార్డ్ వర్క్ అవసరం లేదంటూ సైనా నెహ్వాల్ చెప్పుకొచ్చింది. క్రికెట్‌కు ఇంత ప్రాధాన్యత ఇస్తున్నారని కొన్నిసార్లు బాధగా అనిపిస్తుంది. బ్యాడ్మింటన్, బాస్కెట్ బాల్, టెన్నిస్‌లను చూస్తే శారీరకంగా చాలా కష్టంగా ఉంటుంది. మాకు షటిల్ పట్టుకుని సర్వ్ చేసే అవకాశం చాలా తక్కువగా ఉంటుంది. మా శ్వాస శ్రమతో కూడుకున్నది. 20 సెకన్ల అంతా మారిపోతుంది. స్కిల్స్‌తో కూడిన క్రికెట్‌ లాంటి గేమ్‌కు చాలా ప్రాధాన్యత ఉంటుందంటూ పేర్కొంది.

సైనా నెహ్వాల్‌పై క్రికెట్ అభిమానుల ఫైర్..

What’s your opinion on the POV that cricket is more skill based and requires less hardwork onfield compared to other sports ? pic.twitter.com/SAQZWWlhvB

— Out Of Context Cricket (@GemsOfCricket) July 12, 2024

సైనా నెహ్వాల్‌కి సంబంధించిన ఈ వీడియో సోషల్ మీడియాలో వైరల్‌గా మారింది. క్రికెట్ అంటే చిన్నపిల్లల ఆట కాదని అభిమానులు అంటున్నారు. ఈ గేమ్‌కు చాలా కష్టపడాల్సి ఉంటుంది. టెస్ట్ మ్యాచ్‌ల గురించి మాట్లాడటం, రోజంతా ఎండలో బ్యాటింగ్ లేదా బౌలింగ్ చేయడం అంత తేలికైన పని కాదంటూ ఫైరవుతున్నారు. కొంతమంది అభిమానులు బ్యాడ్మింటన్, టెన్నిస్‌లలో ప్రాణాపాయం లేదని, అయితే, క్రికెట్‌లో ఒక పొరపాటు మీ ప్రాణాలను తీస్తుందంటూ కామెంట్లు చేస్తున్నారు. కొందరు అభిమానులు సైనాను సపోర్ట్ చేయగా, కొందరు రెండు క్రీడలను పోల్చడం సరికాదని అంటున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..