భారీ బడ్జెట్ సినిమాలకు ఆర్థిక ఇబ్బందులు

భారీ బడ్జెట్‌తో తెరకెక్కిన చిత్రాలకు చివరి నిమిషంలో ఆర్థిక ఇబ్బందులు ఎదురవడం ప్రస్తుతం చర్చనీయాంశంగా మారింది. వందల కోట్ల రూపాయల పెట్టుబడి పెట్టినప్పటికీ, విడుదల తేదీకి కొన్ని గంటల ముందు షోలు రద్దు కావడం లేదా వాయిదా పడటం అభిమానులను నిరాశకు గురిచేస్తోంది. స్టార్ హీరోలు ఉన్నా కూడా ఆర్థిక సమస్యలను ముందుగా ఎందుకు పరిష్కరించలేకపోతున్నారన్న ప్రశ్న తలెత్తుతోంది. సూర్య నటించిన కరుప్పు చిత్రం చివరి నిమిషంలో ఆర్థిక కారణాలతో షోలు రద్దు కావడంతో అభిమానులు తీవ్ర నిరాశకు లోనయ్యారు. దర్శకుడు ఆర్.జె. బాలాజీ సైతం ఈ సమస్యపై వివరణ ఇచ్చారు. గతంలో కార్తి నటించిన వా బాతియార్ కూడా ఇదే తరహా సమస్యలను ఎదుర్కొని వాయిదాల తర్వాత విడుదలైంది. తెలుగులో బాలయ్య అఖండ 2 కూడా ఆర్థిక ఇబ్బందుల కారణంగా డిసెంబర్ 5 నుండి 12కు వాయిదా పడింది.