NZ vs PAK Playing XI: టాస్ గెలిచిన పాకిస్తాన్.. గెలిస్తే సెమీస్ చేరే ఛాన్స్.. ఓడితే టోర్నీ నుంచే ఔట్?

ICC Men’s ODI World Cup New Zealand vs Pakistan, 35th Match Playing XI: వన్డే ప్రపంచకప్ 2023లో ఈరోజు 5వ డబుల్ హెడర్ మ్యాచ్ జరుగుతోంది. పాకిస్థాన్, న్యూజిలాండ్ జట్ల మధ్య ఈమ్యాచ్ జరగనుంది. సెమీ-ఫైనల్ రేసు పరంగా ఈ మ్యాచ్ చాలా ముఖ్యమైనది. ఎందుకంటే నేటి మ్యాచ్‌లో గెలిచిన జట్టుకు ముందున్న మార్గం సులభతరం అవుతుంది. అర్హత సాధించాలంటే, ఓడిన జట్టు తదుపరి మ్యాచ్‌లో గెలవడంతో పాటు ఇతర జట్ల ఫలితాలపై ఆధారపడాల్సి ఉంటుంది.

ఈరోజు జరిగే మ్యాచ్ ఇరు జట్లకు ఎంతో కీలకమైనప్పటికీ వాతావరణ పరిస్థితులను పరిశీలిస్తే ఇరు జట్లూ తలో పాయింట్‌తో సరిపెట్టుకోవాల్సిన అవకాశం ఉన్నట్లు తెలుస్తోంది. ఎందుకంటే ఈరోజు నగరంలో 90% వర్షం పడే అవకాశం ఉంది.

ఈరోజు మ్యాచ్ ఎందుకు ముఖ్యమైనదంటే?

పాకిస్థాన్ 7 మ్యాచ్‌లు ఆడి 3 విజయాలు, 4 ఓటములతో 6 పాయింట్లతో పాయింట్ల పట్టికలో ఆరో స్థానంలో ఉంది. కాగా, న్యూజిలాండ్ 4 విజయాలు, 3 ఓటములతో 8 పాయింట్లతో నాలుగో స్థానంలో ఉంది. ఈరోజు పాక్ గెలిస్తే ఇరు జట్లకు 8 మ్యాచ్‌ల్లో 8 పాయింట్లు ఉంటాయి. ఆ తర్వాత పాకిస్థాన్ చివరి మ్యాచ్ ఇంగ్లండ్‌తో, న్యూజిలాండ్ చివరి మ్యాచ్ శ్రీలంకతో ఆడనున్నాయి. రెండు జట్లు గెలిచి సెమీఫైనల్ అర్హత సమస్య 10 పాయింట్ల వద్ద నిలిచిపోతే, మెరుగైన రన్ రేట్ ఉన్న జట్టు అర్హత సాధిస్తుంది.

ఇవి కూడా చదవండి

మళ్లీ భారీగా పెరుగుతున్న ఉల్లి ధర.. కారణం ఏంటంటే..

కెనడాలో వీసా సేవలను పునఃప్రారంభించిన భారత్‌

వన్‌ప్లస్‌ స్మార్ట్‌ఫోన్‌పై భారీ తగ్గింపు..

ఆధార్‌ కార్డుతో మోసాలు.. మీ బయోమెట్రిక్‌ను లాక్‌ చేసుకోండిలా..!

ఈరోజు న్యూజిలాండ్ గెలిస్తే ఆ జట్టు 10 పాయింట్లతో మూడో స్థానానికి చేరుకుంటుంది. ఇటువంటి పరిస్థితిలో, పాకిస్తాన్ తన చివరి మ్యాచ్ గెలిచిన తర్వాత కూడా 8 పాయింట్లు మాత్రమే చేయగలదు. ఆ జట్టు సెమీ-ఫైనల్ రేసు నుంచి దాదాపుగా నిష్క్రమిస్తుంది.

న్యూజిలాండ్ వరుసగా 3 మ్యాచ్‌ల్లో ఓటమి..

డిఫెండింగ్ ఛాంపియన్ ఇంగ్లండ్‌ను 9 వికెట్ల తేడాతో ఓడించి న్యూజిలాండ్ టోర్నీని ప్రారంభించింది. నెదర్లాండ్స్, బంగ్లాదేశ్, ఆఫ్ఘనిస్తాన్‌లను ఓడించి కివీ జట్టు వరుసగా 4 విజయాలను నమోదు చేసింది. పాయింట్ల పట్టికలో 8 పాయింట్లతో అగ్రస్థానంలో ఉన్న ఆ జట్టు ఇక్కడ నుంచి వరుసగా 3 పరాజయాలను చవిచూసింది. తొలుత భారత్ చేతిలో న్యూజిలాండ్ 4 వికెట్ల తేడాతో, ఆ తర్వాత ఆస్ట్రేలియాపై 5 పరుగుల తేడాతో, దక్షిణాఫ్రికాపై 190 పరుగుల తేడాతో ఓడింది.

ప్రస్తుతం న్యూజిలాండ్, ఆస్ట్రేలియా, ఆఫ్ఘనిస్థాన్ 8 పాయింట్లతో ఉన్నాయి. అయితే మెరుగైన రన్ రేట్ కారణంగా ఆస్ట్రేలియా మూడో స్థానంలోనూ, న్యూజిలాండ్ నాలుగో స్థానంలోనూ ఉన్నాయి. టోర్నీలో న్యూజిలాండ్ తరపున అత్యధిక పరుగులు చేసిన రచిన్ రవీంద్ర, 23 ఏళ్ల యువ ఆల్ రౌండర్ 7 మ్యాచ్‌ల్లో 415 పరుగులు చేశాడు. లెఫ్ట్ ఆర్మ్ స్పిన్నర్ మిచెల్ సాంట్నర్ 14 వికెట్లతో జట్టులో టాప్ బౌలర్‌గా నిలిచాడు.

ఇరు జట్లు:

న్యూజిలాండ్ (ప్లేయింగ్ XI): డెవాన్ కాన్వే, రచిన్ రవీంద్ర, కేన్ విలియమ్సన్ (కెప్టెన్), డారిల్ మిచెల్, టామ్ లాథమ్ (కీపర్), గ్లెన్ ఫిలిప్స్, మార్క్ చాప్‌మన్, మిచెల్ సాంట్నర్, ఇష్ సోధి, టిమ్ సౌతీ, ట్రెంట్ బౌల్ట్.

పాకిస్థాన్ (ప్లేయింగ్ XI): అబ్దుల్లా షఫీక్, ఫఖర్ జమాన్, బాబర్ ఆజం(కెప్టెన్), మహ్మద్ రిజ్వాన్(కీపర్), ఇఫ్తికర్ అహ్మద్, సౌద్ షకీల్, అఘా సల్మాన్, షాహీన్ అఫ్రిది, హసన్ అలీ, మహ్మద్ వాసిం జూనియర్, హరీస్ రవూఫ్.

మరిన్ని క్రీడా వార్తల కోసం ఇక్కడ క్లిక్ చేయండి..