Video: వీడెవడండీ బాబూ.. అలా వచ్చి, ఇలా బాదేసి వెళ్లాడు.. 40 బంతుల్లో సీపీఎల్ చరిత్రనే మార్చేశాడు

Johnson Charles Hit 25 Sixes in CPL 2024: సెప్టెంబర్ 24 సాయంత్రం CPL 2024 పిచ్‌పై సిక్సర్ల వర్షం కనిపించింది. 35 ఏళ్ల బ్యాట్స్‌మెన్ ఈ మ్యాచ్‌లో సిక్సర్ల వర్షం కురిపించాడు. అతను CPL ఈ సీజన్‌లో అత్యధిక సిక్సర్లు కొట్టిన బ్యాట్స్‌మెన్‌గా నిలిచాడు. ట్రిన్‌బాగో నైట్ రైడర్స్‌తో సెయింట్ లూసియా కింగ్స్ తరపున ఆడుతున్న ఈ బ్యాట్స్‌మెన్ పేరు జాన్సన్ చార్లెస్. 35 ఏళ్ల చార్లెస్ స్వభావాన్ని కలిగి ఉన్న తుఫాన్ బ్యాట్స్‌మెన్. ఇక, ఈ మ్యాచ్‌లోనూ అదే తరహాలో ఆడాడు. సిక్సర్లు కొట్టడమే కాకుండా, తన కెప్టెన్ ఫాఫ్ డు ప్లెసిస్‌తో కలిసి ఈ మ్యాచ్‌లో సెయింట్ లూసియా కింగ్స్ భాగస్వామ్య రికార్డును కూడా బద్దలు కొట్టాడు.

సెయింట్ లూసియా కింగ్స్ మొదట బ్యాటింగ్..

ఈ మ్యాచ్‌లో టాస్ గెలిచిన ట్రిన్‌బాగో నైట్ రైడర్స్ సెయింట్ లూసియా కింగ్స్‌ను ముందుగా బ్యాటింగ్‌కు పంపింది. కానీ, సెయింట్ లూసియా కింగ్స్ కెప్టెన్ ఫాఫ్ డు ప్లెసిస్, ఓపెనర్‌కు వచ్చిన జాన్సన్ చార్లెస్‌లు చితక బాదేశారు. వికెట్‌కు రెండు చివర్ల నుంచి పరుగుల వర్షం మొదలెట్టారు. దీంతో రికార్డ్ భాగస్వామ్యం నమోదైంది.

ఇవి కూడా చదవండి

$1 బిలియన్ కంటే ఎక్కువ వసూలు చేసిన యానిమేషన్ చిత్రం ఏంటో తెలుసా?

అంబానీ ఫ్యామిలీనా మజాకా.. పేద జంటలకు పెళ్లిళ్లు చేసి ఏం ఇచ్చారంటే

ఎలక్ట్రానిక్స్‌ కొనుగోలుదారులకు గుడ్‌న్యూస్‌..ధరలు తగ్గనున్నాయా?

కార్డు లేకుండా ఏటీఎంలో డబ్బులు డ్రా చేసుకోవడం ఎలా?

డు ప్లెసిస్, చార్లెస్ మధ్య రికార్డ్ భాగస్వామ్యం..

ఫాఫ్ డు ప్లెసిస్, జాన్సన్ చార్లెస్ కలిసి సెయింట్ లూసియా కింగ్స్ 139 పరుగుల ఓపెనింగ్ భాగస్వామ్యంతో పాత రికార్డును బద్దలు కొట్టారు. ట్రిన్‌బాగో నైట్ రైడర్స్‌పై డు ప్లెసిస్, చార్లెస్ ఓపెనింగ్ వికెట్‌కు 145 పరుగులు జోడించారు. 40 బంతుల్లో జాన్సన్ చార్లెస్ పవర్ ఫుల్ ఇన్నింగ్స్ ఆగిపోయింది.

40 బంతుల్లో తుఫాన్ ఇన్నింగ్స్..

జాన్సన్ చార్లెస్ 40 బంతుల్లో 8 సిక్సర్లు, 7 ఫోర్లతో 89 పరుగులు చేశాడు. 222.50 స్ట్రైక్ రేట్‌తో ఆడిన ఈ ఇన్నింగ్స్‌లో 8 సిక్సర్లు కొట్టిన తర్వాత, CPL 2024లో అత్యధిక సిక్సర్లు కొట్టిన బ్యాట్స్‌మెన్‌గా జాన్సన్ చార్లెస్ నిలిచాడు. ఇప్పుడు అతని పేరు మీద 25 సిక్సర్లు ఉన్నాయి. దీంతో ఇప్పటివరకు 24 సిక్సర్లు బాదిన క్వింటన్ డి కాక్‌ను చార్లెస్ వెనక్కి నెట్టాడు.

డు ప్లెసిస్ హాఫ్ సెంచరీతో సెయింట్ లూసియా కింగ్స్ 218 పరుగులు చేసింది. ఫాఫ్ డు ప్లెసిస్ కూడా హాఫ్ సెంచరీ చేసి 43 బంతుల్లో 59 పరుగులు చేశాడు. వీరిద్దరూ కాకుండా టిమ్ సీఫెర్ట్ 30 పరుగులు చేశాడు. దీంతో సెయింట్ లూసియా కింగ్స్ నిర్ణీత 20 ఓవర్లలో 6 వికెట్ల నష్టానికి 218 పరుగులు చేయగలిగింది.

View this post on Instagram

A post shared by CPL T20 (@cplt20)

ట్రిన్‌బాగో నైట్ రైడర్స్ విజయానికి 80 పరుగుల దూరంలో..

ఇప్పుడు ట్రిన్‌బాగో నైట్ రైడర్స్ 219 పరుగుల లక్ష్యంతో బరిలోకి దిగింది. కానీ, జట్టులో పొలార్డ్, రస్సెల్, పురాన్ వంటి పేర్లతో ఆటగాళ్లు ఉన్నప్పటికీ, ఈ జట్టు లక్ష్యాన్ని ఛేదించడానికి 80 పరుగుల దూరంలో నిలిచింది. ఇది కాకుండా ట్రిన్‌బాగో జట్టు 20 ఓవర్లు కూడా ఆడలేకపోయింది. 17.5 ఓవర్లలో 138 పరుగులకే ఆలౌటైంది. సెయింట్ లూసియా తరపున నూర్ అహ్మద్ 3 వికెట్లు పడగొట్టి అత్యంత విజయవంతమైన బౌలర్‌గా నిలిచాడు. జాన్సన్ చార్లెస్ తన అద్భుతమైన ఇన్నింగ్స్‌తో ప్లేయర్ ఆఫ్ ద మ్యాచ్‌గా ఎంపికయ్యాడు.

మరిన్ని క్రీడా వార్తల కోసం ఇక్కడ క్లిక్ చేయండి..