Test Cricket: టెస్టు క్రికెట్లో అత్యంత వేగంగా హాఫ్ సెంచరీ.. లిస్టులో 3గురు బ్యాట్స్మెన్స్.. టీమిండియా ప్లేయర్లకు నో ప్లేస్..
ఈ ఫార్మాట్లో తుఫాన్ వేగంతో పరుగులు చేసిన బ్యాట్స్మెన్లు కొందరు ఉన్నారు. వారిలో వివియన్ రిచర్డ్స్ నుంచి బ్రెండన్ మెకల్లమ్, వీరేంద్ర సెహ్వాగ్ వంటి బ్యాట్స్మెన్స్ ఈ విభాగంలోకి వస్తారు. టెస్ట్ క్రికెట్లో తుఫాను బ్యాటింగ్ చేసే బ్యాట్స్మెన్లను ప్రేక్షకులు ఇష్టపడుతుంటారు.
Updated on: Feb 10, 2023 | 9:29 PM
టెస్ట్ క్రికెట్ని అసలు సిసలైన క్రికెట్గా భావిస్తుంటారు. ఒక బ్యాట్స్మెన్ ప్రపంచంలోనే అత్యుత్తమ బ్యాట్స్మెన్గా ఎదగాలంటే, అతను టెస్ట్ క్రికెట్లో మంచి ప్రదర్శన ఇవ్వాల్సి ఉంటుంది. టెస్ట్ క్రికెట్లో, బ్యాట్స్మన్ హాయిగా ఆడే చాన్స్ ఉంటుంది. ఇక్కడ స్ట్రైక్ రేట్ గురించి పెద్దగా చింతించాల్సిన పని ఉండదు. అయితే, కొంతమంది బ్యాటర్లు మాత్రం తుఫాన్ వేగంతో బ్యాటింగ్ చేస్తూ.. టెస్ట్ ఫార్మాట్ రూపురేఖలు మారుస్తుంటారు.
ఈ ఫార్మాట్లో తుఫాన్ వేగంతో పరుగులు చేసిన బ్యాట్స్మెన్లు కొందరు ఉన్నారు. వారిలో వివియన్ రిచర్డ్స్ నుంచి బ్రెండన్ మెకల్లమ్, వీరేంద్ర సెహ్వాగ్ వంటి బ్యాట్స్మెన్స్ ఈ విభాగంలోకి వస్తారు. టెస్ట్ క్రికెట్లో తుఫాను బ్యాటింగ్ చేసే బ్యాట్స్మెన్లను ప్రేక్షకులు ఇష్టపడుతుంటారు.
వన్డే, టీ20 ఫార్మాట్ కారణంగా ఆటగాళ్ల ఆటలో చాలా మార్పులు వచ్చాయి. ఈ కారణంగానే టెస్టుల్లోనూ తక్కువ బంతుల్లో భారీ ఇన్నింగ్స్లు ఆడి చాలా మంది ఆటగాళ్లు రికార్డు సృష్టించారు.
ఈ కథనంలో టెస్ట్ క్రికెట్లో అత్యంత వేగవంతమైన అర్ధ సెంచరీ సాధించిన ప్రపంచంలోని టాప్ 3 ఆటగాళ్ల గురించి ఇప్పుడు చూద్దాం..
3. జాక్వెస్ కల్లిస్ (దక్షిణాఫ్రికా)..
ఈ జాబితాలో దక్షిణాఫ్రికా మాజీ ఆల్రౌండర్ జాక్వెస్ కలిస్ మూడో స్థానంలో నిలిచాడు. మార్చి 2005లో జింబాబ్వేపై కల్లిస్ బ్యాట్తో అతని టెస్ట్ కెరీర్లో వేగవంతమైన హాఫ్ సెంచరీగా నిలిచింది. ఈ మ్యాచ్లో, దక్షిణాఫ్రికా తొలి ఇన్నింగ్స్లో కలిస్ 24 బంతుల్లో 3 ఫోర్లు, 5 సిక్సర్ల సాయంతో అర్ధ సెంచరీ పూర్తి చేశాడు. ఈ ఇన్నింగ్స్లో 54 (25) పరుగులు చేసిన తర్వాత కలిస్ ఔటయ్యాడు. ఈ మ్యాచ్లో సౌతాఫ్రికా ఇన్నింగ్స్ 21 పరుగుల తేడాతో విజయం సాధించింది.
2. డేవిడ్ వార్నర్ (ఆస్ట్రేలియా)..
ప్రస్తుత క్రికెట్లో టాప్ 3 అగ్రెసివ్ బ్యాట్స్మెన్స్ గురించి మాట్లాడితే, అందులో ఆస్ట్రేలియా బ్యాట్స్మెన్ డేవిడ్ వార్నర్ పేరు ఖచ్చితంగా ఉంటుంది. మూడు ఫార్మాట్లలో విజయవంతమైన బ్యాట్స్మెన్గా పరిగణించబడటానికి ఇదే కారణం. అలాంటి ఒక ఇన్నింగ్స్ను వార్నర్ జనవరి 2017లో పాకిస్థాన్పై ఆడాడు.
ఈ మ్యాచ్లో వార్నర్ తొలి ఇన్నింగ్స్లో సెంచరీ (113) సాధించాడు. కాగా, రెండో ఇన్నింగ్స్లో అతను వేగంగా 27 బంతుల్లో 55 పరుగులు చేశాడు. ఈ ఇన్నింగ్స్లో 23 బంతుల్లోనే అర్ధ సెంచరీ పూర్తి చేశాడు. ఈ సమయంలో వార్నర్ 8 ఫోర్లు, 3 సిక్సర్లు బాదాడు. ఈ మ్యాచ్లో ఆస్ట్రేలియా 220 పరుగుల తేడాతో విజయం సాధించింది.
1. మిస్బా-ఉల్-హక్ (పాకిస్తాన్)..
టెస్టు ఫార్మాట్లో ఫాస్టెస్ట్ హాఫ్ సెంచరీ చేసిన ఆటగాడిగా పాకిస్థాన్ మాజీ కెప్టెన్ మిస్బా ఉల్ హక్ రికార్డు సృష్టించాడు. 2014 అక్టోబర్లో అబుదాబిలో పాకిస్థాన్, ఆస్ట్రేలియా మధ్య రెండో మ్యాచ్ జరిగింది. ఈ మ్యాచ్లో పాకిస్థాన్ తరపున మిస్బా రెండు ఇన్నింగ్స్ల్లోనూ సెంచరీ సాధించాడు. తన రెండో ఇన్నింగ్స్లో, మిస్బా 57 బంతుల్లో అజేయంగా 101 పరుగులు చేశాడు. ఈ ఇన్నింగ్స్లో మిస్బా 21 బంతుల్లో అర్ధసెంచరీ పూర్తి చేసుకున్నాడు. ఈ మ్యాచ్లో పాకిస్థాన్ 356 పరుగుల తేడాతో విజయం సాధించింది.
మరిన్ని క్రీడా వార్తల కోసం ఇక్కడ క్లిక్ చేయండి..
