Sri Rama Navami: బాల రామయ్య నుదుటిన సూర్య తిలకం.. ట్రయిల్ రన్ నిర్వహించిన శాస్త్రవేత్తలు..

శ్రీ రాముని జన్మస్థలమైన అయోధ్యలో ఆదివారం రామనవమి పండుగను ఘనంగా జరుపుకోవడానికి ఏర్పాట్లు చేస్తున్నారు. మరోవైపు నిర్మాణంలో ఉన్న రామాలయం గర్భగుడిలో కొలువుదీరిన బాల రామయ్య నుదిటిన సూర్య కిరణాలు తిలకాన్ని దిద్దనున్నాయి. ఈ అరుదైన దృశ్యం వరుసగా రెండవ సంవత్సరం ఆవిష్కృతం కానుంది. దీని కోసం చెన్నైలోని ఐఐటీ రూర్కీ తదితర ప్రాంతాల శాస్త్రవేత్తలు వివిధ సంస్థల నిపుణులతో కలిసి శనివారం సూర్య తిలక ధారణ గురించి కొన్ని కార్యక్రమాలను నిర్వహించారు. సరిగ్గా మధ్యాహ్నం 12 గంటలకు ప్రారంభమైన ఈ ట్రయల్ 90 సెకన్ల పాటు కొనసాగింది. ఇందులో ప్రత్యక్ష దైవం సూర్య భగవానుడు స్వయంగా తన కిరణాలతో బాల రామయ్యకు తిలకం దిద్దాడు.

ఆలయ నిర్వహణ ట్రస్ట్ సిబ్బంది చెప్పిన ప్రకారం ఈ ప్రక్రియ దాదాపు 8 నిమిషాల పాటు కొనసాగింది. దీని కోసం గర్భగుడిలో తెర 3 నిమిషాలు మూసివేశారు. ఈ సందర్భంగా గర్భగుడిలో రెండు మందపాటి తెరలను ఏర్పాటు చేశారు. దీని తరువాత ఐఐటి రూర్కీ, ఐఐటి చెన్నై సహా దేశంలోని ఇతర ప్రఖ్యాత సంస్థల శాస్త్రవేత్తలు ట్రయల్స్ ప్రారంభించారు. అంతకుముందు ఈ శాస్త్రవేత్తలు శుక్రవారం అర్ధరాత్రి లేజర్ కిరణాలను ఉపయోగించి ఇలాంటి ప్రయోగాన్ని నిర్వహించారు. దానిలోకి ఎరుపు రంగు లేజర్ కాంతిని చొప్పించారు. ఈ కాంతి బాల రామయ్యపై పడినప్పుడు.. దాని అందం చూడటానికి చాలా అపురుపమైందిగా అనిపిస్తుంది చూపరులకు. .

ఇలా రానున్న 20 సంవత్సరాలు ప్రతి రామ నవమికి ​​

శ్రీ రామ ఆలయ తీర్థ క్షేత్ర ట్రస్ట్ కార్యదర్శి చంపత్ రాయ్ ఈ విషయంలో పూర్తి సమాచారం చెప్పారు. రాబోయే 20 సంవత్సరాల పాటు ప్రతి శ్రీ రామనవమి నాడు, సూర్యభగవానుడు స్వయంగా తన కిరణాలతో బాల రామయ్య నుదుటిన తిలకం దిద్దుటాడని ఆయన చెప్పారు. దీనికి అవసరమైన వ్యవస్థను ఆలయంలో శాశ్వతంగా ఏర్పాటు చేస్తున్నామని తెలిపారు. త్రేతాయుగంలో శ్రీ మహా విష్ణుడు.. రాముడిగా సుర్యవంశస్తుడైన దశరధుడికి తనయుడిగా అవతరించిన సంగతి తెలిసిందే.

ఇవి కూడా చదవండి

చెరకు రసం లేదా వెలగపండు జ్యూస్ వేసవిలో ఏది తాగడం మంచిదంటే

శ్రీరామ నవమి రోజున క్యారెట్ పాయసం నైవేద్యం సమర్పించండి.. రెసిపీ

ఆ యువతికి డబ్బులు ఇచ్చిమరీ తిట్లు తింటున్న పురుషులు.. ఎందుకంటే

చైత్ర నవమి రోజున దెయ్యాల ఉత్సవం.. 100 ఏళ్ల చరిత్ర ఉన్న వేడుక..

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి