Chanakya Niti: విజయ రహస్యం ఈ విషయాల్లో దాగుంది.. కష్టాన్ని కూడా సులభం చేసే అంశాలివే..

Shiva Prajapati

Shiva Prajapati |

Updated on: Nov 19, 2022 | 11:38 AM

వ్యక్తి తన జీవితంలో చాలా కష్టాలను ఎదుర్కోవాల్సి వస్తుంది. కానీ, కొంతమంది ఈ కష్టాలకు భయపడి జీవన గమనంలో వెనుబడిపోతుంటారు. అయితే, కష్టాలను..

Chanakya Niti: విజయ రహస్యం ఈ విషయాల్లో దాగుంది.. కష్టాన్ని కూడా సులభం చేసే అంశాలివే..
Chanakya Niti

వ్యక్తి తన జీవితంలో చాలా కష్టాలను ఎదుర్కోవాల్సి వస్తుంది. కానీ, కొంతమంది ఈ కష్టాలకు భయపడి జీవన గమనంలో వెనుబడిపోతుంటారు. అయితే, కష్టాలను సైతం ఇష్టంగా ఎదుర్కొనే వారు కొందరుంటారు. అలాంటి వారి పాదాలను విజయం ముద్దాడుతుందని ప్రతీతి. ప్రతి ఒక్కరి జీవితంలో కష్ట సుఖాలు సహజం. వాటిని ఎదుర్కొని నిలబడేవారే తమ జీవితాన్ని ఉన్నతంగా తీర్చిదిద్దుకోగలరు. జీవితంలో వచ్చే కష్టాలను ఆపలేం. కానీ, వాటిని ఎదుర్కొనే సత్తా ఉంటే మాత్రం ఖచ్చితంగా జీవితం విజయ తీరాలకు చేరుతుంది. జీవితంలో కష్టాలను ఎదుర్కొనే కొన్ని అంశాలను అప్పట్లోనే ఆచార్య చాణక్యుడు తన నీతిశాస్త్రం గ్రంధంలో పేర్కొన్నారు. వాటి సాయంతో కష్టాలు సైతం సులభతరం అవుతాయి. మరి ఆచార్య చాణక్యుడు చెప్పిన ఆ సూచనలు, సలహాలు ఏంటో ఇప్పుడు మనం తెలుసుకుందాం..

చురుకుదనం..

నిత్యం చురుకుగా, అప్రమత్తంగా ఉండాలి. జీవితంలో విజయం సాధించాలంటే.. కళ్లు, చెవులు, మనస్సు నిరంతరం అప్రమత్తంగా ఉండాలి. మీ చుట్టూ జరుగుతున్న విషయాల పట్ల అవగాహన కలిగి ఉండాలి. ఎల్లప్పుడూ చురుకుగా ఉండాలి.

ధైర్యం..

నెగిటీవ్ ఆలోచనలు కలిగిన వారు చాలా అరుదుగా విజయం సాధిస్తారు. ఎప్పుడూ సానుకూల దృక్పథంతో, సానుకూల ఆలోచనలతో ముందడుగు వేయాలి. పాజిటివ్ ఆలోచనలు విజయ తీరానికి చేర్చడంలో సహకరిస్తాయి. మంచి, చెడులపై అవగాహన కలిగి ఉండాలి. ఇవి మీ ఆలోచనను సానుకూలంగా ఉంచుతుంది.

ఆత్మవిశ్వాసం..

ఆత్మవిశ్వాసాన్ని విజయానికి మరో పేరుగా చెబుతారు. ఆచార్య చాణక్యుడి ప్రకారం.. విజయం సాధించాలంటే ముందుగా మీపై మీకు నమ్మకం ఉండాలి. మీ సామర్థ్యాలపై నమ్మకం ఉంటే.. ఆత్మవిశ్వాసంతో విజయపథంలో పయనిస్తారు.

డబ్బు వృధా చేయొద్దు..

చాణక్య విధానం ప్రకారం.. డబ్బు చాలా విలువైనది. ఆ డబ్బును వృధాగా ఖర్చు చేయకూడదు. అది తెలివైన పని కాదంటారు చాణక్యుడు. డబ్బును ఆదా చేసుకోవడం వలన కష్ట సమయాల్లో ఆ డబ్బు ఉపయోగపడుతుంది. దీని వల్ల ఎవరి ముందు చేయి చాచాల్సిన అవసరం ఉండదు.

శ్రమను నమ్ముకోవాలి..

కష్టపడి పని చేస్తే విజయం తథ్యం అంటారు ఆచార్య చాణక్యుడు. అందుకే ఎప్పుడూ కష్టపడి పని చేస్తూనే ఉండాలి. విజయం సాధించడానికి అవసరమైన, సరైన దిశలో కష్టపడి పని చేయడం చాలా ముఖ్యం. కష్టపడితేనే ఫలితం ఉంటుంది.

ఇవి కూడా చదవండి

మరిన్ని ఆధ్యాత్మిక వార్తల కోసం ఈ లింక్ క్లిక్ చేయండి..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu