తిరుమల తిరుపతిలో జరిగిన విషాద సంఘటనపై సీఎం చంద్రబాబు నాయుడు తీవ్ర దిగ్భ్రాంతి వ్యక్తం చేశారు. ఈ సందర్భంగా బైరాగిపట్టెడలో తొక్కిసలాట జరిగిన ప్రాంతాన్ని అధికారులు, నేతలతో కలిసి పరిశీలించారు. ఈ సందర్భంగా తిరుపతి జిల్లా కలెక్టర్, ఎస్పీ, తిరుమల తిరుపతి దేవస్థానం జేఈవో గౌతమిపైనా తీవ్ర ఆగ్రహం వ్యక్తం చేశారు. తొక్కిసలాట ఘటనలో గాయపడి స్విమ్స్ ఆస్పత్రిలో చికిత్స పొందుతున్నవారిని పరామర్శించారు సీఎం చంద్రబాబు, డిప్యూటీ సీఎం పవన్ కళ్యాణ్.
తిరుపతిలో జరిగిన తొక్కిసలాట ఘటనలో గాయపడి స్విమ్స్ ఆస్పత్రిలో చికిత్స పొందుతున్నవారిని పరామర్శించారు సీఎం చంద్రబాబు, డిప్యూటీ సీఎం పవన్ కళ్యాణ్. క్షతగాత్రులతో సీఎం చంద్రబాబు స్వయంగా మాట్లాడారు ఆరోగ్య పరస్థితిని అడిగి తెలుసుకున్నారు. అయితే బాధితులు ఇప్పుడిప్పుడే కోలుకుంటున్నారని... అందరి ఆరోగ్యంగా నిలకడగానే ఉన్నట్లు వైద్యులు చెబుతున్నారు.
1 / 6
స్విమ్స్ ఆసుపత్రికి వెళ్లిన చంద్రబాబు.. అక్కడ బాధితులకు అందుతున్న వైద్య సేవల గురించి అడిగి తెలుసుకున్నారు. బాధితులతో స్వయంగా మాట్లాడిన సీఎం చంద్రబాబు.. తొక్కిసలాటకు కారణాలు ఏంటి అని వారిని అడిగి తెలుసుకున్నారు.
2 / 6
మరోవైపు సహాయక చర్యలను ఎప్పటికప్పుడు పర్యవేక్షిస్తున్నారు మంత్రులు. ఇప్పటికే క్షతగాత్రులను పరామర్శించిన మంత్రులు అనిత, అనగాని, సత్యకుమార్‌, ఆనం, నిమ్మల రామానాయుడు ఎప్పటికప్పుడు వైద్యులతో మాట్లాడుతూ హెల్త్‌ అప్‌డేట్స్‌ తెలుసుకుంటున్నారు.
3 / 6
తొక్కిసలాట ఘటనలో మృతుల కుటుంబాలకు పరిహారం ప్రకటించింది ఏపీ ప్రభుత్వం. ఒక్కో కుటుంబానికి 25 లక్షల చొప్పున ఎక్స్‌గ్రేషియా ప్రకటించారు మంత్రి సత్యప్రసాద్‌. బాధిత కుటుంబాలకు అండగా ఉంటామని హామీ ఇచ్చారు. ఇలాంటి ఘటనలు పునరావృతం కాకుండా చూసుకుంటామన్నారాయన.
4 / 6
తొక్కిసలాట జరిగిన ప్రాంతాన్ని అధికారులు, నేతలతో కలిసి పరిశీలించారు సీఎం చంద్రబాబు. ఈ సందర్భంగా తిరుపతి జిల్లా కలెక్టర్, ఎస్పీ, తిరుమల తిరుపతి దేవస్థానం జేఈవో గౌతమిపైనా తీవ్ర ఆగ్రహం వ్యక్తం చేశారు. తొక్కిసలాటలో ఆరుగురు భక్తులు చనిపోవడం.. పదుల సంఖ్యలో గాయాల పాలు కావడం క్షమించలేని తప్పు అని పేర్కొన్నారు.
5 / 6
అటు, తిరుపతి దుర్ఘటనను తీవ్రంగా పరిగణించారు డిప్యూటీ సీఎం పవన్ కల్యాణ్.. గాయపడిన వారికి మెరుగైన వైద్యం అందించేందుకు పవన్ ప్రత్యేక శ్రద్ధ చూపించారు.. ముఖ్యంగా బాధిత కుటుంబాలకు అండగా నిలిచేందుకు పవన్ తన ఇతర కార్యక్రమాలను కూడా రద్దు చేసుకుని హుటాహుటినా తిరుపతికి వెళ్లారు. బాధితులకు అండగా నిలబడి వారి ఆరోగ్య పరిస్థితిని ప్రత్యక్షంగా తెలుసుకున్నారు.
