Viral Video: తుఫాన్ ఎఫెక్ట్‌.. రహదారిపై రోడ్డు దాటుతూ కనిపించిన మొసలి, వరదలో కొట్టుకుపోయిన వాహనాలు
తమిళనాడు రాష్ట్ర వ్యాప్తంగా వర్షాలు దంచికొడుతున్నాయి. మిచాంగ్ తుఫాన్ వ‌ల్ల పలు చోట్ల భారీ వర్షాలు కురుస్తున్నాయి. దీంతో పలు జిల్లాల్లో నీరు ఏరులై పారుతోంది. వర్షం దాటికి రోడ్లన్నీ జలమయం అయ్యాయి. వీధుల వెంట వరద నీరు భారీ మొత్తంలో ఉప్పొంగి ప్రవహిస్తున్నాయి. భారీ వరద ధాటికి రోడ్లపై నిలిపి ఉంచిన వాహనాలు కొట్టుకుపోయాయి. చెన్నైలోని వీలాచెరి, ప‌ల్లిక‌రానై ప్రాంతంలో కార్లు వరద నీటిలో కొట్టుకుపోతున్న దృశ్యాలు సామాజిక మాధ్యమాల్లో వైరల్‌గా మారాయి. దక్షిణ ఆంధ్రప్రదేశ్‌లోని..
Updated on: Dec 04, 2023 | 3:58 PM
చెన్నై, డిసెంబర్ 4: తమిళనాడు రాష్ట్ర వ్యాప్తంగా వర్షాలు దంచికొడుతున్నాయి. మిచాంగ్ తుఫాన్ వ‌ల్ల పలు చోట్ల భారీ వర్షాలు కురుస్తున్నాయి. దీంతో పలు జిల్లాల్లో నీరు ఏరులై పారుతోంది. వర్షం దాటికి రోడ్లన్నీ జలమయం అయ్యాయి. వీధుల వెంట వరద నీరు భారీ మొత్తంలో ఉప్పొంగి ప్రవహిస్తున్నాయి. భారీ వరద ధాటికి రోడ్లపై నిలిపి ఉంచిన వాహనాలు కొట్టుకుపోయాయి. చెన్నైలోని వీలాచెరి, ప‌ల్లిక‌రానై ప్రాంతంలో కార్లు వరద నీటిలో కొట్టుకుపోతున్న దృశ్యాలు సామాజిక మాధ్యమాల్లో వైరల్‌గా మారాయి. దక్షిణ ఆంధ్రప్రదేశ్‌లోని నెల్లూరు-మచిలీపట్నం మధ్య మైచాంగ్ తుఫాను తీరం దాటే అవకాశం ఉంది.
తుఫాను ప్రభావంతో సోమవారం కురిసిన భారీ వర్షాలకు చెన్నైలోని పలు ప్రాంతాల్లో జనజీవనం స్తంభించిపోయింది. చెన్నైలోని వెలచ్చేరి, పల్లికరణై ప్రాంతాల్లో కురిసిన భారీ వర్షం విధ్వంసం సృష్టించడంతో భారీగా వరద నీరు పోటెత్తింది. దీంతో రోడ్లపై నిలిపిన అనేక కార్లు వరద నీటిలో కొట్టుకుపోయాయి. సోషల్‌ మీడియాలో షేర్‌ చేసిన వీడియోలో ఆ దృశ్యాలు చూడవచ్చు.
#WATCH | Tamil Nadu: A car was seen stuck in the massive waterlogging in Chennai’s Velachery and Pallikaranai areas, caused due to heavy rainfall
(Video source: A local present at the site of the incident) pic.twitter.com/Lvl9MJnw0N
— ANI (@ANI) December 4, 2023
ఈ వీడియోలో వీధుల్లో పారుతోన్న వరద నీళ్లలో అనేక కార్లు కొట్టుకుపోవడం కనిపించింది. అలాగే మరొక వీడియో కూడా సోషల్‌ మీడియాలో వైరల్‌గా మారింది. ఆ వీడియోలో భారీ వర్షాలు, నీటి ప్రవాహం కారణంగా చెన్నై రహదారిపై వాహనాల రాకపోకలు స్తంభించి పోయాయి. ఈ క్రమంలో భారీ సైజులో ఉన్న ఓ మొసలి రోడ్డు దాటుతూ ప్రయాణికుల కంటపడింది. దీంతో ఆ దృశ్యాలను కారులో ప్రయాణిస్తున్న ఓ వ్యక్తి వీడియో తీశాడు. ప్రస్తుతం ఇందుకు సంబంధించిన వీడియో కూడా సామాజిక మాధ్యమాల్లో వైరల్‌గా మారింది.
சாலையை கடக்கும் முதலை.. அதிர்ச்சி வீடியோ#Chennai #ChennaiRains #Crocodile pic.twitter.com/2Z28KNjgJx
— A1 (@Rukmang30340218) December 4, 2023
కాగా మిచాంగ్ తుఫాను మంగళవారం ఉదయం ఆంధ్రప్రదేశ్‌లోని దక్షిణ రాష్ట్రానికి తీరాన్ని తాకే అవకాశం ఉంది. ప్రాణ, ఆస్తి నష్టాన్ని నివారించడంలో భాగంగా సముద్ర తీరానికి దగ్గరగా ఉన్న తీరప్రాంతాల్లో పుదుచ్చేరి జిల్లా యంత్రాంగం సెక్షన్ 144 విధించింది. డిసెంబర్ 4న తమిళనాడులోని కొన్ని ప్రాంతాలలో భారీ నుంచి అతి భారీ వర్షాలు కురుస్తాయని భారత వాతావరణ శాఖ (IMD) ఇప్పటికే హెచ్చరికలు జారీ చేసింది. ఉత్తర కోస్తా తమిళనాడు, పుదుచ్చేరి, కారైకాల్‌లలో ఈరోజు భారీ నుంచి అతి భారీ వర్షాలు కురుస్తాయని పేర్కొంది. ప్రస్తుతం, తుఫాను నైరుతి బంగాళాఖాతం మీదుగా వాయువ్యం దిశగా కొనసాగుతుంది. దక్షిణ ఆంధ్రప్రదేశ్‌కు ఆనుకుని నైరుతి బంగాళాఖాతంపై తుఫాను కేంద్రీకృతమై ఉంది. రానున్న 24 గంటలు మరింత అప్రమత్తంగా ఉండాలని వాతావరణ శాఖ హెచ్చరికలు జారీ చేసింది.
మరిన్ని జాతీయ వార్తల కోసం క్లిక్ చేయండి.
