US President: దీర్ఘకాలిక సిరల లోపం అంటే ఏమిటి? ఈ వ్యాధి ఎవరికి వస్తుంది? లక్షణాలు ఏమిటంటే..

అమెరికా అధ్యక్షుడు డొనాల్డ్ ట్రంప్ ఆరోగ్యం క్షీణించడం వైట్ హౌస్ ఆందోళనను పెంచింది. ఇప్పటికే కాళ్ళలో వాపుతో బాధపడుతున్న ట్రంప్ కి కొత్త వ్యాధి ఉన్నట్లు నిర్ధారణ అయింది. ట్రంప్ కు దీర్ఘకాలిక సిరల లోపం ఉంది. ఇది వృద్ధులలో సర్వసాధారణం అని వైట్ హౌస్ దీనిని ధృవీకరించింది. ట్రంప్ ఆరోగ్యం గురించి అప్‌డేట్ ఇస్తూ.. ట్రంప్ ఆరోగ్యం ఇప్పుడు బాగానే ఉందని వైట్ హౌస్ తెలిపింది.

వైద్య పరీక్షల్లో ఎటువంటి తీవ్రమైన సమస్య ఉన్నట్లు తెలియలేదని.. అన్ని ఫలితాలు సాధారణమైనవిగా ఉన్నట్లు చూపించినట్లు వైట్ హౌస్ వెల్లడించింది. కాళ్ళలో వాపుకు కారణం దీర్ఘకాలిక సిరల లోపం అని చెప్పబడింది. ఇది 70 ఏళ్లు పైబడిన వారిలో సర్వసాధారణం. కాళ్ళలో వాపు కోసం అధ్యక్షుడు వైద్య పరీక్షలు చేయించుకున్నారని.. దీనిలో ఈ కొత్త వెల్లడి వెలుగులోకి వచ్చిందని, అంటే ఒక కొత్త వ్యాధి కనుగొనబడిందని వైట్ హౌస్ తెలిపింది.

ట్రంప్ ఆరోగ్యంగా ఉన్నారు : వైట్ హౌస్ వైట్ హౌస్ ప్రతినిధి కరోలిన్ లెవిట్ మాట్లాడుతూ.. మీడియాలో చాలా మంది అధ్యక్షుడి చేతి గాయం, కాళ్ళలో వాపు గురించి ఊహాగానాలు చేస్తున్నారని తనకు తెలుసు అని చెప్పారు. కనుక అధ్యక్షుడు తన ఆరోగ్యం గురించి అందరికీ తెలియజేయాలని తనని కోరుకున్నారని వెల్లడించారు. ఆయన కోరిక మేరకు ట్రంప్ ఆరోగ్య పరిస్థితి గురించి చెబుతున్నా అన్న కరోలిన్ ప్రస్తుతం ట్రంప్ ఆరోగ్యం బాగుందని చెప్పారు. అన్ని ఆరోగ్య సమస్యలు వయసు రీత్యా సాధారణం అని తెలిపారు. డీప్ పెయిన్ థ్రాంబోసిస్ లేదా ధమనుల వ్యాధికి సంబంధించిన ఎటువంటి ఆధారాలు లేవని చెప్పారు.

ఇవి కూడా చదవండి

బ్రహ్మ ముహూర్తంలో మేల్కొంటే ఎన్ని లాభాలో తెలుసా..

భర్తలు ఎందుకు వివాహేతర సంబంధాన్ని ఇష్టపడతారో తెలుసా

భీముడు నిర్మించిన పరశుర సరస్సు నేటికీ లోతు ఎంతో కనిపెట్టని సైన్స్

ఏ గ్రహం ఏ రాశిలో ఎన్ని రోజులు ఉంటుందో తెలుసా..

నిజానికి ఇటీవల ట్రంప్ కాళ్ల కింది భాగంలో స్వల్ప వాపు కనిపించింది. కొన్ని వీడియోలలో ఆయన కాళ్ల సమస్యతో ఇబ్బంది పడుతున్నట్లు కూడా కనిపించింది. కాళ్ల సిరల నుంచి గుండెకు రక్తం తిరిగి రావడంలో ఇబ్బంది ఉన్నప్పుడు దీర్ఘకాలిక సిరల లోపం వ్యాధి వస్తుంది. ఈ వ్యాధి ముఖ్యంగా వృద్ధులలో సర్వసాధారణం. ట్రంప్ చేతుల్లో కనిపించిన స్వల్ప గడ్డను ‘తేలికపాటి మృదు కణజాల చికాకు’గా డాక్టర్ అభివర్ణించారు.

దీర్ఘకాలిక సిరల లోపం అంటే ఏమిటి? దీర్ఘకాలిక సిరల లోపం అంటే కాళ్లలోని సిరల ద్వారా రక్తం సరిగ్గా ప్రవహించకపోవడం వల్ల కాళ్లలో వాపు, నొప్పి , చర్మ మార్పులు సంభవిస్తాయి. సిరల్లోని కవాటాలు సరిగ్గా పనిచేయకపోవడం వల్ల రక్తం గుండె వైపు తిరిగి ప్రవహించడానికి బదులుగా కాళ్లలో పేరుకుపోతుంది.

దీర్ఘకాలిక సిరల లోపం లక్షణాలు

1. పాదాలు, చీలమండలలో వాపు
2. నిలబడి లేదా నడుస్తున్నప్పుడు నొప్పి , భారము
3. చర్మ మార్పుల వల్ల దురద లేదా జలదరింపు
4. చర్మం రంగు మారడం, బూడిద రంగులోకి మారడం, మందంగా మారడం
5. ఉబ్బిన, వక్రీకృత సిరలు
6. చీలమండల చుట్టూ గాయాలు ఏర్పడి బాధపెట్టడం

మరిన్ని లైఫ్ స్టైల్ న్యూస్ కోసం క్లిక్ చేయండి..

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)