Slip Disc: నడుము లేదా మెడలో నిరంతరం నొప్పా.. నిర్లక్షం వద్దు.. స్లిప్ డిస్క్ సమస్య కావొచ్చు.. నివారణ ఏమిటంటే..
నేడు చాలా మంది స్లిప్ డిస్క్ సమస్యతో బాధపడుతున్నారు. సాధారణంగా స్త్రీలతో పోలిస్తే పురుషులకు స్లిప్ డిస్క్ వచ్చే ప్రమాదం ఎక్కువగా ఉంటుంది. దీనిని నాన్-కంటెయిన్డ్ స్లిప్ డిస్క్. ఎక్స్‌ట్రాషన్ అని కూడా పిలుస్తారు. అయితే ఈ సమస్య ఎలా వస్తుందో ? దాని లక్షణాలు ఎలా ఉంటాయి? దానిని ఎలా నివారించాలి తెలుసుకుందాం..
Updated on: Mar 23, 2025 | 4:08 PM
ఈ రోజుల్లో చాలా మంది నడుము నొప్పి, వెన్నునొప్పితో బాధపడుతున్నట్లు ఎక్కువ మంది చెబుతున్నారు. దీనికి ప్రధాన కారణం స్లిప్ డిస్క్ కావచ్చు. ఇది వెన్నెముకకు సంబంధించిన సమస్య, దీనిలో మన ఎముకల మధ్య ఉండే మృదువైన కుషన్ లాంటి డిస్క్ జారిపోతుంది. ఇది నరాల మీద ఒత్తిడిని కలిగిస్తుంది. తీవ్రమైన నొప్పిని కలిగిస్తుంది. సకాలంలో చికిత్స తీసుకోవాలి.. స్లిప్ డిస్క్ సమస్య నివారణకు జాగ్రత్త తీసుకోకపోతే, అది నడకలో కూడా సమస్యలను కలిగిస్తుంది.
డిస్క్ జారిపోవడం ఎందుకు జరుగుతుంది?
ఈ సమస్యకు అతి పెద్ద కారణం కూర్చోవడం, వంగడం లేదా బరువైన వస్తువులను తప్పు పద్ధతిలో ఎత్తడం. అయితే కొన్నిసార్లు ఈ సమస్య వయస్సు పెరగడం, ఊబకాయం, తగినంత వ్యాయామం లేకపోవడం లేదా ఏదైనా గాయం కారణంగా సంభవించవచ్చు. గంటల తరబడి ఒకే స్థితిలో కూర్చుని పనిచేసే వారికి కూడా ఈ ప్రమాదం ఎక్కువగా ఉంటుంది.
ఈ వ్యాధి లక్షణాలు ఏమిటి?
ఎవరికైనా స్లిప్ డిస్క్ సమస్య వస్తే వారికి నడుము లేదా మెడలో తీవ్రమైన నొప్పి, కాళ్ళు లేదా చేతుల్లో జలదరింపు, బలహీనత , వంగడంలో లేదా కూర్చోవడంలో సమస్యలు మొదలవుతాయి. కొంతమందికి నడవడానికి కూడా ఇబ్బంది ఉంటుంది.
ఈ సమస్య నుంచి ఎలా తప్పించుకోవాలంటే
- నిటారుగా కూర్చోండి. వంగకుండా ఉండండి.. సరైన పద్ధతిలో కూర్చోండి. కూర్చునే పద్దతిలో తేడా ఉన్నా.. వంగడం వల్ల వెన్నెముకపై ఒత్తిడి పెరుగుతుంది. ఇది అనేక సమస్యలను కలిగిస్తుంది.
- బరువైన బరువులను జాగ్రత్తగా ఎత్తండి. నిటారుగా వంగి బరువును ఎత్తే బదులు, మీ మోకాళ్లను వంచి బరువు ఎత్తండి.
- రోజూ తేలికపాటి వ్యాయామం చేయాలి. వెన్నముక నిటారుగా ఉండేలా సాగదీయడం, యోగా వెన్నెముకను బలంగా ఉంచుతాయి.
- బరువును అదుపులో ఉంచుకోవాలి. అధిక బరువు వెన్నెముకపై ఒత్తిడిని పెంచుతుంది. ఇది అనేక ఆరోగ్య సమస్యలను పెంచుతుంది.
- సౌకర్యవంతమైన పరుపు, కుర్చీని ఎంచుకోవాలి. చాలా గట్టిగా లేదా చాలా మృదువైన పరుపు మీద పడుకోవడం వల్ల కూడా స్లిప్ డిస్క్ సమస్య రావచ్చు.
- స్లిప్ డిస్క్ అనేది ఒక సాధారణ సమస్య కానీ తీవ్రమైన సమస్య. ఆరోగ్యకరమైన జీవనశైలిని అవలంబించడం.. శరీరాన్ని జాగ్రత్తగా చూసుకోవడం ద్వారా స్లిప్ డిస్క్ సమస్యను నివారించవచ్చు. నడుము లేదా మెడలో నిరంతర నొప్పి ఉంటే.. నిర్లక్ష్యం వద్దు.. వైద్యుడిని సంప్రదించండి.
మరిన్ని లైఫ్ స్టైల్ న్యూస్ కోసం క్లిక్ చేయండి..
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
