బంగాళదుంపతో ఫేస్‌ప్యాక్‌.. ముఖంపై ముడతలు, మచ్చలు మాయం..! వీటిని కలిపితే మరింత మెరిసిపోతారు..

ఆరోగ్యం ఎంత ముఖ్యమో ముఖ సౌందర్యం, చర్మ సంరక్షణ కూడా అంతే ముఖ్యం. చర్మాన్ని రక్షించుకోవడానికి అనేక మార్గాలు ఉన్నాయి. ముఖ సౌందర్యం, చర్మ సంరక్షణ కోసం మార్కెట్ లో అనేక రకాల కాస్మెటిక్ ఉత్పత్తులు అందుబాటులో ఉన్నప్పటికీ వాటిలో ఉండే రసాయనాల వల్ల అనేక దుష్ప్రభావాలు ఉన్నాయి. అందుకే చర్మ సంరక్షణకు వీలైనంత వరకు సహజసిద్ధమైన పదార్థాలనే వాడాలి. ఈ రోజు మనం ముఖ సౌందర్యాన్ని పెంచే బంగాళదుంప ఫేస్ ప్యాక్ గురించి చెప్పబోతున్నాం. బంగాళదుంప ఫేస్ ప్యాక్ ముఖంపై ఉన్న అన్ని మచ్చలను తొలగించడమే కాకుండా చర్మాన్ని మృదువుగా మార్చుతుంది. బంగాళాదుంప ఫేస్ ప్యాక్ చర్మ సంరక్షణకు ఎంతగానో ఉపయోగపడుతుంది. బంగాళదుంపను సరైన పద్ధతిలో ముఖానికి రాసుకుంటే ముఖంపై ఉన్న నల్ల మచ్చలు తొలగిపోతాయి. బంగాళదుంపలో ఉండే యాంటీ ఏజింగ్ గుణాల వల్ల ముఖంపై ఉండే ముడతలు కూడా పోతాయి. బంగాళాదుంప ఫేస్ ప్యాక్ కళ్ల కింద నల్లటి వలయాలను కూడా తొలగిస్తుంది. ఈ ఫేస్ ప్యాక్ వల్ల ఎలాంటి సైడ్ ఎఫెక్ట్స్ ఉండవు.

తేనె, బంగాళదుంపలతో చేసిన మిశ్రమం ముఖంపై మచ్చలను వదిలించుకోవడానికి, మీ ముఖాన్ని మెరిసేలా చేయడానికి ఉత్తమ మార్గం. ఒక గిన్నెలో 1 టేబుల్ స్పూన్ బంగాళాదుంప రసం, 1 టేబుల్ స్పూన్ తేనె, 2 టేబుల్ స్పూన్ల పచ్చి పాలు కలపండి. కొన్ని చుక్కల గ్లిజరిన్ కూడా కలిపితే మరింత మంచిది. ఈ మిశ్రమాన్ని ముఖానికి పట్టించి 15 నిమిషాల తర్వాత నీటితో శుభ్రం చేసుకోవాలి. మంచి ఫలితాల కోసం వారానికి 3 సార్లు ఇలా చేయండి. మీరు ముఖంపై ఎటువంటి మచ్చలు లేకుండా శుభ్రమైన, స్పష్టమైన ముఖ సౌందర్యాన్ని పొందుతారు.

ముల్తానీ మిట్టి, బంగాళదుంప ఫేస్ ప్యాక్ కూడా అద్భుతాలు చేస్తుంది. ఒక గిన్నెలో 2 చెంచాల ముల్తానీ మిట్టి, బంగాళదుంప రసం తీసుకోండి. రెండింటినీ ముఖానికి పట్టించి 15-20 నిమిషాల పాటు అలాగే ఉంచాలి. ఈ ఫేస్ ప్యాక్ ముఖంలోని అదనపు నూనెను తొలగించడమే కాకుండా ముడతలను తగ్గిస్తుంది.

ఇవి కూడా చదవండి

ఓరి దేవుడో..! ప్రపంచంలోనే అత్యంత ఖరీదైన చెట్టు ఇదేనట..! ఈ బోన్సాయ్‌ ధర తెలిస్తే కంగుతింటారు..

వర్షాకాలంలో జాగ్రత్త..! డెంగ్యూ-మలేరియా జ్వరాన్ని తరిమికొట్టే ఆయుర్వేద మందులివి..

Health Benefits : పచ్చి టమాటా ప్రయోజనాలు తెలుసా..? అందం, ఆరోగ్యంతో పాటు..

Watch: వార్నీ.. ఇది మెట్రోనా.. చేపల మార్కెట్టా..? ఇంకేన్నీ దారుణాలు చూడాలిరా సామీ..!

టమాటా జ్యూస్, బంగాళదుంప ఫేస్ ప్యాక్ చర్మ సంరక్షణకు కూడా మంచిది. దీని కోసం, ఒక గిన్నెలో 1 టేబుల్ స్పూన్ టమాటా రసం, 2 టేబుల్ స్పూన్ల తేనె, 1 టేబుల్ స్పూన్ బంగాళాదుంప రసం తీసుకొని బాగా కలపాలి. ఈ మిశ్రమాన్ని ముఖానికి పట్టించి 15 నిమిషాల పాటు అలాగే ఉంచాలి. ఈ ఫేస్ ప్యాక్ ముఖంపై మొటిమలను తగ్గిస్తుంది.

మరిన్ని లైఫ్ స్టైల్ న్యూస్ కోసం క్లిక్ చేయండి..