నల్లగా ఉన్నాయని ఛీ కొట్టకండి.. కొవ్వును కోసిపడేసే దివ్యాస్త్రం.. దెబ్బకు సర్ఫ్ వేసి కడిగేసినట్లే
Weight Loss: ఈ గింజలు బరువు తగ్గడంలో ప్రభావవంతంగా ఉంటాయి, ఫైబర్, ఒమేగా-3 లలో సమృద్ధిగా ఉంటాయి. దీంతో ఓ పద్ధతి ప్రకారం తిన్నారంటే కొన్ని రోజుల్లోనే ఊహించని మార్పులు కనిపిస్తాయి. వీటిని తినడానికి సరైన మార్గం, అవి అందించే ప్రయోజనాలను ఇప్పుడు తెలుసుకుందాం..
Updated on: Aug 06, 2025 | 11:40 AM
Flaxseed: బరువు తగ్గడానికి ప్రయత్నిస్తున్నారా.. అనేక రకాల డైట్ టిప్స్, ఆహారాల గురించి వినే ఉంటారు. వీటిని ట్రై చేసి విసిగిపోయారా.. అయితే మీకోసం ఎంతో ప్రయోజనకరమైన ఒక సాధారణ, దేశీయ సూపర్ ఫుడ్ను తీసుకొచ్చాం. అవే అవిసె గింజలు. ఇందులో ఫైబర్, ఒమేగా-3 కొవ్వు ఆమ్లాలు, యాంటీఆక్సిడెంట్లతో సమృద్ధిగా ఉన్న అవిసె గింజలు జీవక్రియను పెంచడమే కాకుండా, కొవ్వును కోసే ప్రక్రియను వేగవంతం చేస్తాయి.
కాల్చిన అవిసె గింజల వినియోగం: అవిసె గింజలను తేలికగా వేయించి పొడిగా చేసి, ప్రతిరోజూ ఒక టీస్పూన్ గోరువెచ్చని నీటితో తీసుకోండి. ఇది జీర్ణక్రియను మెరుగుపరుస్తుంది. శరీరం కొవ్వు నిల్వ సామర్థ్యాన్ని తగ్గిస్తుంది.
ఉదయం ఖాళీ కడుపుతో అవిసె గింజల నీరు తాగాలి: ఒక టీస్పూన్ అవిసె గింజలను రాత్రంతా నీటిలో నానబెట్టి, ఉదయం వడకట్టి ఆ నీటిని తాగాలి. ఇది విషాన్ని తొలగిస్తుంది. జీవక్రియను పెంచుతుంది. బరువు తగ్గడానికి సహాయపడుతుంది.
స్మూతీ లేదా పెరుగులో కలిపి తినండి: స్మూతీ, పెరుగు లేదా ఓట్స్లో అవిసె గింజల పొడిని కలిపి తినండి. ఇది మీకు ఆరోగ్యకరమైన ఫైబర్ను ఇస్తుంది. మీరు ఎక్కువసేపు ఆకలిగా అనిపించకుండా చేస్తుంది. ఇది అతిగా తినడాన్ని నియంత్రిస్తుంది.
సరైన పరిమాణంలో తినండి: రోజుకు 1 నుంచి 2 టీస్పూన్ల కంటే ఎక్కువ అవిసె గింజలను తీసుకోకండి. అధికంగా తీసుకోవడం వల్ల కడుపులో గ్యాస్, ఉబ్బరం ఏర్పడతాయి. ఇది మీకు మరిన్ని సమస్యలను కలిగిస్తుంది.
పచ్చి అవిసె గింజలను నేరుగా నమలకండి: చాలా మంది పచ్చి అవిసె గింజలను నమలడం ద్వారా తింటారు. దీని తొక్క గట్టిగా ఉంటుంది. ఇది సరిగ్గా జీర్ణం కాదు, శరీరంలో కలిసిపోదు.
గర్భిణీ స్త్రీలు దీనిని తీసుకోకూడదు: మీరు గర్భవతి అయితే, తల్లిపాలు ఇస్తున్నట్లయితే లేదా ఏదైనా ఔషధం తీసుకుంటుంటే, అవిసె గింజలను తీసుకునే ముందు వైద్యుడిని సంప్రదించండి. అవిసె గింజలు కొన్ని వైద్య పరిస్థితులలో హార్మోన్ల ప్రభావాలను కలిగి ఉంటాయి.
మరిన్ని ఆరోగ్య కథనాలు మీకోసం..
