కొబ్బరి నూనెలో వీటిని కలిపి రాస్తే జుట్టు రాలడం ఆగిపోతుంది.. చుండ్రుకు చక్కని పరిష్కారం..
నూనెను గోరువెచ్చగా చేసి తలకు మసాజ్ చేయాలి. 30-40 నిమిషాల తర్వాత స్నానం చేయాలి. వారానికి 2-3 సార్లు చేయడం వల్ల మంచి ఫలితాలు పొందవచ్చు. ఈ నూనెను వాడటంతో పాటు, తగినంత నీరు తాగడం, పోషకాహారం తీసుకోవడం కూడా అవసరం. ఒత్తిడిని తగ్గించుకుంటే జుట్టు ఆరోగ్యంగా ఉంటుంది.
Updated on: Apr 04, 2025 | 1:26 PM
ప్రస్తుత జీవన శైలి, వాతావరణ కాలుష్యం కారణంగా ప్రజలు ఎక్కువగా చర్మం, జుట్టు సంబంధిత సమస్యలతో ఎక్కువగా బాధపడుతున్నారు. చిన్న వయసులోనే జుట్టు రాలిపోవడం, తెల్ల జుట్టు వంటి సమస్యలు ఎక్కువగా ఎక్కువ మందిని ఇబ్బంది పెడుతున్నాయి. దాంతో జుట్టు సంరక్షణ కోసం చాలా మంది ఖరీదైన కెమికల్‌ ఆధారిత ఉత్పత్తులను ఉపయోగిస్తుంటారు. వాటితో సమస్యలు పరిష్కారం కాకపోగా, మరిన్ని సైడ్‌ఎఫెక్ట్స్‌ని కూడా ఎదుర్కొటున్నారు. కానీ, కేశ సౌందర్యం కోసం ఖరీదైన ఉత్పత్తులు అవసరం లేదు.. ఇంట్లో ఉన్న కొబ్బరి నూనెతో పాటు కొన్ని పదార్థాలు కలిపి వాడితే జుట్టుకు పోషణను అందిస్తుందని నిపుణులు చెబుతున్నారు. కొబ్బరి నూనెలో ఉల్లిపాయ రసం కలిసి రాయడం వల్ల జుట్టు కుదుళ్లు బాగా బలపడతాయి. కొబ్బరి నూనె, ఉల్లిపాయ రసం జుట్టును బలపరుస్తుంది. ఈ రెండింటినీ కలిపి అప్లై చేయడం వల్ల జుట్టు మృదువుగా మారుతుంది.
కొబ్బరి నూనెలో ఆరోగ్యకరమైన కొవ్వులు ఉండటం వల్ల జుట్టుకు పోషణ లభిస్తుంది. ఇది తేలికపాటి నూనెగా ఉండి జుట్టులో బాగా ఇంకుతుంది. అలాంటి కొబ్బరి నూనెలో కొన్ని కలిపితే మరింత అందమైన జుట్టు మీ సొంతమవుతుంది. అలాగే, మెంతులు జుట్టు పెరుగుదలకు సహాయపడతాయి. కొబ్బరి నూనెలో మెంతులను కలిపి వేడిచేసి తలకు మసాజ్ చేస్తే జుట్టు పొడవుగా పెరుగుతుంది. ఉల్లిపాయ రసం జుట్టు ఊడకుండా అడ్డుకుంటుంది. కొబ్బరి నూనెలో ఉల్లిపాయ రసం కలిపి ఉపయోగిస్తే జుట్టు ఆరోగ్యంగా మారుతుంది.
జుట్టు సమస్యలకు ఉసిరి కూడా అద్భుతమైన ఔషధంగా చెబుతున్నారు ఆయుర్వేద నిపుణులు. ఆమ్లా జుట్టు నల్లగా, దృఢంగా మారడానికి సహాయపడుతుంది. కొబ్బరి నూనెలో ఆమ్లా పొడి కలిపి వాడితే ఉత్తమ ఫలితాలు కనిపిస్తాయి. నూనెను గోరువెచ్చగా చేసి తలకు మసాజ్ చేయాలి. 30-40 నిమిషాల తర్వాత స్నానం చేయాలి. వారానికి 2-3 సార్లు చేయడం వల్ల మంచి ఫలితాలు పొందవచ్చు. ఈ నూనెను వాడటంతో పాటు, తగినంత నీరు తాగడం, పోషకాహారం తీసుకోవడం కూడా అవసరం. ఒత్తిడిని తగ్గించుకుంటే జుట్టు ఆరోగ్యంగా ఉంటుంది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..
