Chronic Back Pain: ఉదయం నిద్ర లేచిన వెంటనే నడుం నొప్పి ఉంటుందా? ఇది ఆ ప్రాణాంతక వ్యాధి తొలి సంకేతం

మన జీవనశైలిలో మనం చేసే మార్పులు మన ఆరోగ్యాన్ని తీవ్రంగా ప్రభావితం చేస్తాయి. ఇటీవలి కాలంలో పని ఒత్తిడి, సరైన ఆహారం లేకపోవడం వంటి వివిధ కారణాలు అనారోగ్యానికి దారితీస్తున్నాయి. చిన్న వయసులో కనిపించే వెన్నునొప్పి కూడా వీటిలో ఒకటి. కానీ దీనిని నిర్లక్ష్యం చేయకుండా జాగ్రత్తగా వదిలించుకుంటే ఎన్నో సమస్యల నుంచి బయటపడవచ్చు. అయితే చాలా మంది దానిని విస్మరించి నిర్లక్ష్యం చేస్తుంటారు. ఎందుకంటే కొంతమంది వెన్నునొప్పిని.. అలసట, కండరాల బలహీనతకు సంకేతంగా భావిస్తారు. కానీ ఇది తీవ్రమైన అనారోగ్యానికి ముందస్తు సంకేతం కూడా కావచ్చని నిపుణులు హెచ్చరిస్తున్నారు. కాబట్టి దానిని విస్మరించడం ఆరోగ్యానికి చాలా ప్రమాదం. కాబట్టి నిరంతర వెన్నునొప్పికి కారణమేమిటి? అది ఎందుకు వస్తుందో? ఇక్కడ తెలుసుకుందాం..

వెన్ను నొప్పికి కారణాలు ఇవే..

• వెన్నునొప్పి సాధారణంగా వెన్నెముక, దాని చుట్టుపక్కల కండరాలలో ఒత్తిడి, జారిన డిస్క్‌లు, వెన్నెముక క్షీణత వంటి సమస్యల వల్ల వస్తుంది. దీనివల్ల నడవడం లేదా కూర్చోవడం కష్టమవుతుంది.
• ఆస్టియో ఆర్థరైటిస్ లేదా రుమటాయిడ్ ఆర్థరైటిస్ వంటి దీర్ఘకాలిక కీళ్ల వ్యాధులు కూడా వెన్నునొప్పికి కారణమవుతాయి. ఈ నొప్పి చాలా తరచుగా ఉదయం లేదా ఎక్కువసేపు కూర్చున్న తర్వాత అనుభూతి చెందుతుంది.
• మూత్రపిండాల్లో రాళ్లు లేదా మూత్రపిండాల సమస్యలు, ఇన్ఫెక్షన్లు కూడా నడుము దిగువ భాగంలో నిరంతర నొప్పిని కలిగిస్తాయి. దీనితో పాటు మంట లేదా అసాధారణ మూత్రవిసర్జన, జ్వరం వంటి లక్షణాలు కూడా ఉండవచ్చు.
• కొన్నిసార్లు కిడ్నీ ఇన్ఫెక్షన్ లేదా ఆస్టియోమైలిటిస్ వల్ల కూడా వెన్నునొప్పి రావచ్చు. కొంతమందికి తీవ్రమైన నొప్పి, జ్వరం, బలహీనత కూడా ఉండవచ్చు.
• వెన్నునొప్పి కిడ్నీ క్యాన్సర్, పెల్విక్ ఇన్ఫెక్షన్, అంతర్గత అవయవాల సమస్యలకు కూడా సంకేతం కావచ్చు. బరువు తగ్గడం, జ్వరం, అలసటతో పాటు నొప్పి ఉంటే వెంటనే వైద్యుడిని సంప్రదించడం మంచిది.

మరిన్ని ఆరోగ్య కథనాల కోసం క్లిక్‌ చేయండి.