Team India: రోహిత్, కోహ్లీ ఫ్యాన్స్‌కు బ్యాడ్‌న్యూస్.. లాస్ట్ మ్యాచ్ ఇదే.. ఎందుకో తెలుసా?

When will Rohit Kohli play again: న్యూజిలాండ్‌తో జరుగుతున్న మూడు మ్యాచ్‌ల వన్డే సిరీస్ నేటితో (జనవరి 18) ముగియనుంది. ఈ సిరీస్‌లో విరాట్ కోహ్లీ, రోహిత్ శర్మలు తమ పాత ఫామ్‌ను కొనసాగిస్తూ పరుగుల వర్షం కురిపించారు. అయితే, ఈ సిరీస్ ముగిసిన వెంటనే కివీస్‌తోనే ఐదు మ్యాచ్‌ల టీ20 సిరీస్ ప్రారంభం కానుంది. ఈ నేపథ్యంలో రోహిత్, కోహ్లీలు ఆ సిరీస్‌లో ఆడతారా? లేక వారు మళ్లీ టీమ్ ఇండియా జెర్సీలో కనిపించాలంటే మరికొన్ని నెలలు ఆగాలా? ఆ వివరాలు ఇప్పుడు తెలుసుకుందాం..

భారత క్రికెట్ అభిమానులకు ఇది ఒక రకంగా మిశ్రమ వార్త అని చెప్పవచ్చు. న్యూజిలాండ్‌తో వన్డే సిరీస్ ముగిసిన తర్వాత టీమ్ ఇండియా జనవరి 21 నుంచి ఐదు టీ20ల సిరీస్ ఆడనుంది. అయితే, ఈ టీ20 జట్టులో రోహిత్ శర్మ, విరాట్ కోహ్లీల పేర్లు లేవు. ఎందుకంటే వీరిద్దరూ ఇప్పటికే టీ20 ఫార్మాట్‌కు రిటైర్మెంట్ ప్రకటించిన సంగతి తెలిసిందే. దీనివల్ల కివీస్‌తో జరిగే పొట్టి ఫార్మాట్ సిరీస్‌లో సూర్యకుమార్ యాదవ్ సారథ్యంలో యువ జట్టు బరిలోకి దిగుతుంది.

6 నెలల సుదీర్ఘ విరామం? రోహిత్ శర్మ, విరాట్ కోహ్లీలు ప్రస్తుతం కేవలం వన్డే, టెస్టు ఫార్మాట్‌లపైనే దృష్టి సారించారు. 2026 భారత క్రికెట్ షెడ్యూల్ ప్రకారం.. న్యూజిలాండ్ సిరీస్ తర్వాత టీమ్ ఇండియా తదుపరి వన్డే అసైన్‌మెంట్ జూన్ 2026లో ఆఫ్ఘనిస్తాన్ పర్యటనతో ప్రారంభం కానుంది. అంటే, దాదాపు ఐదు నుంచి ఆరు నెలల పాటు ఈ ఇద్దరు దిగ్గజాలు అంతర్జాతీయ వన్డే మ్యాచ్‌లకు దూరంగా ఉండబోతున్నారు.

ఫిబ్రవరిలో టీ20 వరల్డ్ కప్ ఉన్నా.. ఫిబ్రవరి 7 నుంచి మార్చి 8 వరకు భారత్, శ్రీలంక వేదికలుగా ఐసీసీ టీ20 ప్రపంచకప్ 2026 జరగనుంది. భారత్ డిఫెండింగ్ ఛాంపియన్‌గా బరిలోకి దిగుతున్నా, రోహిత్-కోహ్లీలు రిటైర్ కావడంతో ఈ మెగా టోర్నీలో వారు కనిపించరు. ఇది కోట్లాది మంది అభిమానులకు నిరాశ కలిగించే అంశమే.

ముందుకు చూస్తే.. 2027 వరల్డ్ కప్: హెడ్ కోచ్ గౌతమ్ గంభీర్, బీసీసీఐ ప్రణాళికల ప్రకారం.. రోహిత్, కోహ్లీలు 2027 వన్డే ప్రపంచకప్ ఆడటమే లక్ష్యంగా పెట్టుకున్నారు. అందుకే వారిపై పనిభారం (Workload) తగ్గించడానికి కేవలం పరిమిత వన్డే సిరీస్‌లలో మాత్రమే వారిని ఆడించాలని బోర్డు భావిస్తోంది. జూన్‌లో ఆఫ్ఘనిస్తాన్ తర్వాత, జూలైలో ఇంగ్లాండ్‌తో జరిగే వన్డే సిరీస్‌లో వీరిద్దరూ మళ్లీ టీమ్ ఇండియా తరపున బరిలోకి దిగే అవకాశం ఉంది.