కోనసీమలో నాన్ వెజ్ వంటలు.. అందులో చేపల పులుసు స్పెషల్

కోనసీమ జిల్లాలో సంక్రాంతి పండుగతో పాటు వంటకాలకు కూడా ఎంతో ప్రత్యేకత ఉంది. ముఖ్యంగా కనుమ రోజున నాన్-వెజ్ వంటలు వండడంలో కోనసీమ వాసులు దిట్ట. ఈ పండుగ సందర్భంగా అన్ని రకాల మాంసాహార వంటకాలు వండుతారు. అందులో చేపల పులుసు లేదా కూర చాలా ప్రత్యేకమైనది. కనుమ రోజున తెలంగాణతో పాటు ఇతర ప్రాంతాల నుంచి బంధువులు పెద్ద సంఖ్యలో కోనసీమకు వస్తూ ఉంటారు. వారికి కోనసీమ వాసులు అందించే ఆతిథ్యం ఎంతో ప్రత్యేకంగా ఉంటుంది. ఈ వంటకాల్లో చేపల కూర ప్రధాన ఆకర్షణగా నిలుస్తుంది. గ్రేవీ సిద్ధం చేసి, మసాలాలతో కలిపి శీలావతి చేప ముక్కలను వేసి నెమ్మదిగా ఉడికిస్తారు. ముక్కలు విరిగిపోకుండా చిన్న మంటపై గిన్నెను కదుపుతూ వండటం ఇక్కడి ప్రత్యేకత. సుమారు పది నిమిషాల పాటు మగ్గితే ఘుమఘుమలాడే చేపల కూర సిద్ధమవుతుంది. కనుమ రోజున కోనసీమలో చికెన్, మటన్ కర్రీలతో పాటు బిర్యానీలు కూడా సిద్ధం చేస్తారు. ఈ వంటకాల రుచి ఈ ప్రాంత పండుగ వాతావరణానికి మరింత శోభను ఇస్తుంది.

మరిన్ని వీడియోల కోసం :

బలగం వేణు రెండో సినిమాపై క్లారిటీ వీడియో

ఆ ఒక్కటీ చేయకపోతే మనుషులకు..జంతువులకు తేడా ఏంటి?

యాభై ఏళ్లుగా నిద్రపోని వింత వ్యక్తి.. డాక్లర్లే పరేషాన్‌!

సంక్రాంతి వచ్చిందంటే నిజామాబాద్ లో నోరూరించే ఘేవర్ స్వీట్