భలే ఐడియా బాబాయ్.. మట్టి పెడ్డల నుంచి పెసలను భలే వేరు చేశాడు..

ఈ మట్టి పెళ్ళలతో నిండిన పెసల బస్తాను సదరు వ్యక్తి తను పని చేసే కొట్టు దగ్గర నుంచి తీసుకువచ్చాడు. అక్కడ పెసల ప్రాసెసింగ్ సమయంలో మట్టి పెళ్ళలతో కూడిన వ్యర్థాలను పక్కన పడేస్తారు. పని చేసేవారు వాటిని పంచుకుంటారు, అలా అతను ఈ బస్తాను ఇంటికి తెచ్చాడు. మట్టి పెళ్ళలతో నిండిన ఒక 50 కేజీల బస్తా నుంచి పెసలను వేరు చేయడం ఇప్పుడు పెద్ద టాస్క్.  ఈ మట్టి నుంచి పెసలను వేరు చేయడానికి చాలా సమయం పడుతుంది అనుకుంటాం. అందుకోసం నడుం నొప్పులు, చేతుల నొప్పులు బోనస్ అని మనం భావిస్తాం. కానీ ఇతను కేవలం అరగంటలో ఆ పని చేసేశాడు. మనసుంటే కచ్చితంగా మార్గం ఉంటుంది చేసి చూపించాడు. ఈ బస్తాలోని మట్టి పెళ్ళల నుంచి పెసలను వెలికితీసేందుకు అతను ఎన్నుకున్న మార్గం చాలా ఈజీ.

ముందుగా, మట్టి, పెసలు కలిసిన మిశ్రమాన్ని ఒక పెద్ద బకెట్‌లో వేసుకున్నారు. దాన్ని నీటితో నింపి, చేతులతో బాగా కడిగారు. ఈ మొదటి కడుగుతో మట్టి అంతా బురద రూపంలో నీటిలో కలిసిపోయింది. ఆ మురికి నీటిని పారబోసి, మిశ్రమాన్ని గంపలోకి తీసుకున్నారు. గంపలో ఉన్న మిశ్రమాన్ని మరో రెండు మూడు సార్లు శుభ్రమైన నీటితో కడిగారు, అప్పుడు మిగిలిన బురద కూడా గంప రంధ్రాల ద్వారా బయటకు వెళ్లిపోయింది. ఈ విధంగా పూర్తిగా శుభ్రం చేసిన పెసలను ఒక పట్టపై ఎండలో ఆరబెట్టారు. 50 కేజీల మురికి మిశ్రమం నుంచి ఈ ప్రక్రియ ద్వారా సుమారు 7 నుండి 8 కేజీల శుభ్రమైన పెసలను వెలికి తీయగలిగారు. ఈ పరిమాణంలో పెసలను బయట కొనుగోలు చేయాలంటే దాదాపు 500 నుంచి 600 రూపాయలు ఖర్చు అవుతుంది. కేవలం అరగంట శ్రమతో ఆయన ఆ నగదు సేవ్ చేశాడు. డబ్బులు ఎవరికీ ఊరికే రావు కదా. పెసలు పూర్తిగా ఎండిన తర్వాత, వాటిని చెరగడం ద్వారా ఏమైనా మిగిలిన చెత్త కూడా తొలగిపోతుంది. ఈ విధానం ఒక వ్యర్థ పదార్థంగా భావించిన దాని నుంచి విలువైన ఆహార ధాన్యాన్ని పొందవచ్చని నిరూపిస్తుంది.

పాము కుబుసం ఎందుకు విడుస్తుంది.. దాన్ని ముట్టుకుంటే ప్రమాదమా.. ?