Brass Copper: పూజా సామాగ్రి నల్లగా మారిందా? ఇలా చేస్తే తళుక్కున మెరిసిపోతాయ్..!
దేవుడి పూజ సమయంలో పరిశుభ్రత పాటించడం చాలా ముఖ్యం. అయితే ఈ పుణ్యకార్యంలో ఉపయోగించే రాగి, ఇత్తడి, స్టీలు పాత్రలు నల్లగా మారుతుంటాయి. ఈ పాత్రలను కడగడానికి చాలా మంది డిష్వాష్ లిక్విడ్ని ఉపయోగిస్తారు. అయినప్పటికీ ఇది ఆశించిన ఫలితం ఇవ్వదు. నల్ల మచ్చలు అప్పటికీ అలాగే ఉంటాయి. అయితే, కొందరు మాత్రం ఆ పాత్రలను శుభ్రం చేయడానికి
Updated on: Mar 27, 2023 | 8:30 AM
దేవుడి పూజ సమయంలో పరిశుభ్రత పాటించడం చాలా ముఖ్యం. అయితే ఈ పుణ్యకార్యంలో ఉపయోగించే రాగి, ఇత్తడి, స్టీలు పాత్రలు నల్లగా మారుతుంటాయి. ఈ పాత్రలను కడగడానికి చాలా మంది డిష్వాష్ లిక్విడ్ని ఉపయోగిస్తారు. అయినప్పటికీ ఇది ఆశించిన ఫలితం ఇవ్వదు. నల్ల మచ్చలు అప్పటికీ అలాగే ఉంటాయి. అయితే, కొందరు మాత్రం ఆ పాత్రలను శుభ్రం చేయడానికి ప్రత్యేకంగా మార్కెట్కి తీసుకెళ్లి క్లీన్ చేయిస్తుంటారు. ఇప్పుడు అంత శ్రమ పడాల్సిన పనిలేదు. ఇంట్లో వినియోగించే కొన్ని వస్తువులతోనే.. పూజా సామాగ్రిని కొత్త వాటిగా మార్చేయొచ్చు. ఆ చిట్కాలు ఇప్పుడు మీకోసం..
1. బేకింగ్ పౌడర్..
బేకింగ్ పౌడర్ను అనేక వస్తువులను శుభ్రం చేయడానికి ఉపయోగిస్తారు. దీని సహాయంతో పూజకు సంబంధించిన పాత్రలను కూడా శుభ్రం చేయవచ్చు. ఒక టబ్లో నీటిలో బేకింగ్ పౌడర్, వాషింగ్ పౌడర్ కలపాలి. బాగా కరిగించి, ఆ పాత్రలను రాత్రంతా నానబెట్టాలి. ఉదయం స్క్రబ్ సహాయంతో వాటిని శుభ్రం చేసుకోవాలి. అప్పుడవి కొత్తవిగా ఉంటాయి.
2. చింతపండు..
చింతపండును ఆహారంలో ఉపయోగిస్తాం. అయితే, రాగి, ఇత్తడి పాత్రలను శుభ్రం చేయడానికి కూడా ఉపయోగించొచ్చు. చింతపండును నీళ్లలో నానబెట్టి, తర్వాత ముద్దలా చేసి పేస్ట్లా చేయాలి. ఇప్పుడు ఆ పేస్టును పాత్రలపై రాస్తే.. కొత్త వాటిగా పూజా సామాగ్రి మారుతుంది.
3. వైట్ వెనిగర్..
వైట్ వెనిగర్ క్లీనింగ్ గుణాలను కలిగి ఉంటుంది. ఒక గ్లాసు నీటిలో 2 టీస్పూన్ల వైట్ వెనిగర్ మిక్స్ చేసి గ్యాస్ మీద మరిగించాలి. ఇప్పుడు అందులో డిటర్జెంట్ కలపాలి. ఇప్పుడు దీని సహాయంతో పూజా సామాగ్రిని క్లీన్ చేస్తే.. అద్దంలా మెరిసిపోతాయి.
4. ఉప్పు, నిమ్మకాయ..
ఉప్పు, నిమ్మకాయ మిశ్రమం కూడా క్లీనింగ్ ఏజెంట్గా పనిచేస్తుంది. ఒక గిన్నెలో నిమ్మరసం, ఉప్పు కలపాలి. ఇప్పుడు ఈ మిశ్రమాన్ని బ్రష్ సహాయంతో మురికి పాత్రపై అప్లై చేసి కాసేపు అలాగే ఉంచాలి. కాసేపటి తరువాత గోరువెచ్చని నీటితో కడిగి శుభ్రం చేస్తే.. ఆ పూజా సామాగ్రి కొత్తవిలా మెరిసిపోతాయి.
మరిన్ని హ్యూమన్ఇంట్రస్ట్ వార్తల కోసం ఈ లింక్ క్లిక్ చేయండి..
