Banana Peel : అరటి పండే కాదు తొక్కలోనూ ఉన్న ఆరోగ్య ప్రయోజనాలు తెలుస్తే షాక్ అవుతారు
అరటిపండు కాలమేదైనా సరే...మనకు అందుబాటులో ఉంటాయి. అత్యంత తక్కువ ధరకు లభించే పండ్లలో ఇది ఒకటి.
Updated on: May 20, 2023 | 9:52 AM
అరటిపండు కాలమేదైనా సరే…మనకు అందుబాటులో ఉంటాయి. అత్యంత తక్కువ ధరకు లభించే పండ్లలో ఇది ఒకటి. అరటి పండు తినడం వల్ల ఎన్నో ఆరోగ్య ప్రయోజనాలు ఉన్నాయి. అయితే అరటి పండే కాదు..అరటి తొక్కతోనూ ఎన్నో హెల్త్ బెనిఫిట్స్ పొందవచ్చని మీకు తెలుసా? అరటి తొక్కలోని ప్రయోజనాలు తెలుసుకుంటే తొక్కను బయట పడేసేందుకు సాహసించరు. అలాగే అరటిపండు తొక్కలో శరీరానికి అవసరమైన పోషకాలు ఉంటాయి. అవేంటో ఇప్పుడు తెలుసుకుందాం.
అరటి తొక్క:
అరటి తొక్క తినడం ద్వారా, శరీరానికి అవసరమైన పొటాషియం, ఫైబర్, అమినోస్ వంటి పోషకాలు లభిస్తాయి. అలాగే, అరటిపండు తొక్కలో యాంటీఆక్సిడెంట్లు పుష్కలంగా ఉంటాయి,ఈ యాంటీఆక్సిడెంట్లు చాలా ప్రయోజనాలను చేకూరుస్తాయి. కాబట్టి, అరటిపండు తొక్క తినడం వల్ల గుండె జబ్బులు, మధుమేహం, క్యాన్సర్ వంటి అనేక వ్యాధులతో పోరాడే శక్తి మనకు లభిస్తుంది.
అరటిపండు తొక్కలో ఉండే రిచ్ ట్రిప్టోఫాన్, విటమిన్ బి6 ఒత్తిడిని తగ్గించి మానసిక సమస్యలను దూరం చేస్తుంది. ఇందులో ఉండే బి6 మనకు మంచి నిద్రను ప్రోత్సహించడంలో సహాయపడుతుంది. కాబట్టి ఒత్తిడి వంటి సమస్యలకు నిద్ర మంచి ఔషధంగా పనిచేస్తుంది. ఈ అరటిపండు తొక్కలో ఎక్కువ శాతం పీచు పదార్ధాలు ఉంటాయి. కాబట్టి ఈ అరటిపండు తొక్కలను తినడం ద్వారా జీర్ణ రుగ్మతలు నయమవుతాయి. ఇది ఉదర వ్యాధులకు కూడా చెక్ పెడుతుంది.
ఎలా తినాలి:
అరటిపండు తొక్కలు తినాలనుకుంటే బాగా పండిన పండ్లను ఎంచుకోవాలి. ఈ పండిన పండ్ల తొక్కలు ఎప్పుడు తీపి రుచిని కలిగి ఉంటాయి. తొక్క కూడా చాలా సన్నగా ఉంటుంది. ఒలిచిన తొక్కను తీసుకుని రుబ్బుకోవాలి. తురిమిన తొక్కను మీకు ఇష్టమైన ఆహారాలతో పాటు తినవచ్చు .లేదంటే బ్రెడ్ మీద జామ్ లాగా తినొచ్చు. దీన్ని ఉడికించి కూడా తినవచ్చు. ఉడికించిన, డీప్-వేయించిన, మీకు కావలసిన విధంగా, మీరు అరటి తొక్కలను సులభంగా మీ ఆహారంగా మార్చుకోవచ్చు. అరటిపండు తొక్కను ఆహారంలో చేర్చుకోవడం వల్ల రోగనిరోధక శక్తి పెరిగి తెల్లరక్తకణాల ఉత్పత్తి పెరుగుతుంది.
(నోట్: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)
మరిన్ని హెల్త్ న్యూస్ కోసం
