Fruits: ఆరోగ్యానికి సూపర్ ఫుడ్.. వర్షాలు పడుతున్నప్పుడు మాత్రం ఈ పండ్లను ముట్టుకోవద్దు!

వర్షాకాలంలో పండ్లను పూర్తిగా వదిలేయాల్సిన అవసరం లేదు. కానీ కొన్ని రకాల పండ్లను ఎంచుకునే విషయంలో మాత్రం చాలా జాగ్రత్తగా ఉండాలి. కొన్ని పండ్లు ఈ సీజన్లో త్వరగా పాడైపోతాయి. దీనివలన జీర్ణ సమస్యలు వస్తాయి. వర్షాకాలం అంటే బట్టలు, ఆహారం విషయంలో చాలా శ్రద్ధ తీసుకోవాలి. పండ్లు తినే ముందు బాగా కడిగి, శుభ్రంగా కట్ చేసి తినాలి. ఈ చిన్నపాటి జాగ్రత్తలు తీసుకుంటే వర్షాకాలంలో ఆరోగ్యంగా ఉండవచ్చు. అయితే, కొన్ని పండ్ల విషయంలో జాగ్రత్త అవసరం.

తప్పక నివారించాల్సిన 5 పండ్లు పుచ్చ పండు : పుచ్చ పండు, కర్బూజ పండు వంటివి వర్షాకాలంలో త్వరగా పులిసిపోతాయి. ఇది బ్యాక్టీరియా పెరగడానికి స్థావరంగా మారుతుంది. దీనిని తినడం వలన కడుపులో ఇబ్బందులు వస్తాయి. అందుకే దీనిని తినడం మంచిది కాదు.

పనస పండు : పనస పండులో చక్కెర శాతం చాలా ఎక్కువ. వర్షాకాలంలో ఇది జీర్ణం అవడానికి చాలా సమయం తీసుకుంటుంది. దీనివలన జీర్ణక్రియలో ఇబ్బంది, కడుపు ఉబ్బరం వంటి సమస్యలు రావచ్చు.

అతిగా పండిన అరటి పండు : అరటిపండ్లు వర్షాకాలంలో త్వరగా పండుతాయి. నిల్వ ఉంచినప్పుడు వాటికి ఫంగస్  సోకుతుంది. బాగా పండిన అరటిపండ్లు కడుపు ఉబ్బరం, అజీర్ణానికి దారి తీస్తాయి.

అనాస పండు : అనాస పండులో సహజంగానే అధిక ఆమ్లత్వం ఉంటుంది. ఇది వర్షాకాలంలో తరచుగా వచ్చే జలుబు, దగ్గును మరింత పెంచుతుంది. ఆమ్ల గుణం వలన కడుపులో కూడా ఇబ్బంది కలగవచ్చు.

లిచి : లిచి పండు త్వరగా పులిసిపోతుంది. పండు తాజాగా లేకపోతే కడుపు ఉబ్బరానికి దారి తీస్తుంది. వర్షాకాలంలో లిచి త్వరగా చెడిపోతుంది.

మామిడి పండు విషయంలో జాగ్రత్త మామిడి పండును వర్షాకాలంలో తింటే శరీరంలో వేడి పెరుగుతుంది. ఇది కూడా జీర్ణ సమస్యలకు దారి తీయవచ్చు. అందుకే దీనిని మితంగా తినాలి. పై పండ్లను తినే విషయంలో జాగ్రత్త తీసుకుంటే ఈ వర్షాకాలంలో జీర్ణ సంబంధ సమస్యలు లేకుండా ఆరోగ్యంగా ఉండవచ్చు.

గమనిక: ఈ కథనం సాంప్రదాయ ఆహార నియమాలు, సాధారణ నమ్మకాలపై ఆధారపడింది; దీనికి శాస్త్రీయ ధ్రువీకరణ లేదు. ఏవైనా ఆరోగ్య సమస్యలు ఉంటే, మీ ఆహారంలో మార్పులు చేసే ముందు వైద్యులు లేదా ఆహార నిపుణులను సంప్రదించాలి.