Smart Watch: స్టైల్​గా కనిపించేందుకు స్మార్ట్​ వాచీ పెట్టుకుంటున్నారా.. ఈ విషయం తెలుసుకోండి!

ఈ రోజుల్లో స్మార్ట్‌వాచ్‌లు కేవలం సమయం చూడటానికి మాత్రమే కాదు, హార్ట్​ బీట్​, నడిచే దూరం, ఒంట్లో ఖర్చయ్యే కాలరీలు, నిద్ర ట్రాకింగ్ వంటి ఆరోగ్య సమాచారాన్ని అందించి మనుషుల జీవితాల్లో ముఖ్యమైన భాగంగా మారాయి. అయితే, ఈ సాంకేతికత ఆకర్షణలో దాగి ఉన్న కొన్ని సైడ్ ఎఫెక్ట్స్ మన ఆరోగ్యానికి ఆటంకం కలిగించవచ్చు.

ముఖ్యంగా కళ్ల ఒత్తిడి, చర్మ ఇరిటేషన్, ఏకాగ్రత తగ్గడం వంటి సమస్యలు సాధారణం. స్మార్ట్​ వాచీల వల్ల వచ్చే సైడ్​ ఎఫెక్ట్స్​ ఏంటో వాటికి తీసుకోవల్సిన జాగ్రత్తలేంటో తెలుసుకుందాం..

• స్మార్ట్‌వాచ్‌ల స్క్రీన్‌లు చిన్నవి, LED లైట్‌లతో పని చేస్తాయి. దీర్ఘకాలం ఫిట్‌నెస్ ట్రాకింగ్, నోటిఫికేషన్లు చూస్తూ ఉండటం వల్ల కళ్లపై ఒత్తిడి పెరిగి డ్రై అయ్యి, తలనొప్పి వచ్చే అవకాశం ఉంది. ఇది డిజిటల్ ఐ స్ట్రెయిన్‌లో భాగం. ప్రతి 20 నిమిషాలకు 20 సెకన్ల పాటు 20 అడుగుల దూరాన్ని చూడటానికి 20-20-20 రూల్ పాటించాలి. బ్లూ లైట్ ఫిల్టర్ ఆప్షన్ ఆన్ చేయాలి. రాత్రి సమయంలో బ్రైట్‌నెస్ తగ్గించాలి.
• స్మార్ట్‌వాచ్‌ను గంటల తరబడి పెట్టుకోవడం వల్ల చర్మానికి గాలి ఆడకపోవటం, ఇరిటేషన్, ర్యాష్‌లు వచ్చే అవకాశం ఉంది. మెటల్ బ్యాండ్‌లు లేదా రబ్బర్ మెటీరియల్స్‌లోని నికెల్ వంటి మెటల్స్ అలర్జీలకు కారణమవుతాయి. దీన్ని “స్మార్ట్‌వాచ్ డెర్మటైటిస్”గా పిలుస్తారు. రాత్రిపూట వాచీ తీసి, చర్మం శ్వాస తీసుకునేలా చేయాలి. హైపోఅలర్జెనిక్ బ్యాండ్‌లు ఎంచుకోవాలి. ధరించిన చోట మెత్తని క్లాత్‌తో రోజూ క్లీన్ చేయాలి.
• స్మార్ట్‌వాచ్ నోటిఫికేషన్లు కాల్స్, మెసేజెస్, అలర్ట్స్ క్రమం తప్పకుండా వచ్చి, మన దృష్టిని భంగపరుస్తాయి. ఇది పని సమయంలో ప్రొడక్టివిటీ తగ్గించి, స్ట్రెస్ పెంచుతుంది. రీసెర్చ్ ప్రకారం, ఇలాంటి డిజిటల్ డిస్ట్రాక్షన్ మెదడు ఫంక్షన్‌ను ప్రభావితం చేస్తుంది. నోటిఫికేషన్లు కస్టమైజ్ చేసి, అవసరమైనవి మాత్రమే ఆన్ చేయాలి. ‘డూ నాట్ డిస్టర్బ్’ మోడ్ ఉపయోగించాలి. పని సమయంలో వాచ్‌ను సైలెంట్‌లో పెట్టాలి.
• స్మార్ట్‌వాచ్‌లు నిద్ర ట్రాకింగ్ చేస్తాయి కానీ, పెట్టుకుని నిద్రపోతే వైబ్రేషన్ అలర్ట్స్, బ్లూ లైట్ నిద్ర రిథమ్‌ను భంగపరుస్తాయి. ఇది ఇన్సామ్నియా, డే టైర్డ్‌నెస్‌కు దారితీస్తుంది. నిద్రపోయే ముందు వాచ్‌ను తీసేయాలి. స్క్రీన్ టైమ్ తగ్గించి, బెడ్‌రూమ్‌లో ఎలక్ట్రానిక్స్ వాడటం మానేయండి.
• స్మార్ట్‌వాచ్‌లు స్క్రీనింగ్ టూల్స్ మాత్రమే, రోగ నిర్ధారణ సాధనాలు కావు. హార్ట్ రేట్, బ్లడ్ ఆక్సిజన్ వంటి రీడింగ్స్ తప్పవచ్చు, ఇది తప్పుడు అలర్ట్స్ ఇచ్చి పానిక్ కలిగిస్తుంది. రేడియేషన్ (బ్లూటూత్, వైఫై) వల్ల తలనొప్పి, వికారం వచ్చే అవకాశం ఉంది. అలర్ట్ వచ్చినప్పుడు డాక్టర్ సలహా తీసుకోవాలి.- మెడికల్ గ్రేడ్ డివైస్‌లు మాత్రమే వాడాలి. రేడియేషన్ తగ్గడానికి బ్లూటూత్ ఆఫ్ చేయాలి.

స్మార్ట్‌వాచ్‌లు మన జీవితాన్ని సులభతరం చేస్తాయి కానీ, అతి వాడకం వల్ల అనారోగ్య సమస్యలు పెరిగే అవకాశం ఉంది. ఈ సైడ్ ఎఫెక్ట్స్‌ను గుర్తించి, సరైన జాగ్రత్తలు పాటించడం వల్ల వాటి ప్రయోజనాలను పూర్తిగా పొందవచ్చు. మీ ఆరోగ్యం మీ చేతుల్లోనే ఉంది – స్మార్ట్‌గా ఎంచుకోండి!