డ్రైవర్‌పై కోపంతో బస్సుకు నిప్పంటించిన క్లీనర్

ప్రకాశం జిల్లా అర్ధవీడు మండలం పాపినేనిపల్లి గ్రామంలో స్కూలు బస్సు డ్రైవర్, క్లీనర్ మధ్య చోటు చేసుకున్న వివాదం బస్సును తగలబెట్టే వరకు వెళ్ళింది. ఈ ఘటనలో బస్సు డ్రైవర్ నబికి తీవ్ర గాయాలయ్యాయి. గమనించిన స్థానికలు అతన్ని వెంటనే హాస్పిటల్‌కు తరలించారు. కంభం మండలం ఆల్ఫా స్కూలుకు చెందిన స్కూల్ బస్సును ఎప్పటిలాగే విద్యార్థులను ఇళ్లకు చేర్చి పాపినేనిపల్లి దగ్గర సోమవారం సాయంత్రం నిలిపివేశారు. అయితే విధుల నిర్వహణ పై డ్రైవర్ నబీకి, క్లీనర్ గోపాల్ కు గత మూడు రోజులుగా వాగ్వాదం జరుగుతోంది. దీంతో నబీపై పగ పెంచుకున్న గోపాల్‌ అతన్ని ఎలాగైనా ఇబ్బంది పెట్టాలని నిర్ణయించుకున్నాడు. గళవారం నాడు.. విద్యార్థులను స్కూలుకు తరలించే క్రమంలో బస్సు స్టార్ట్ కాలేదు. దీంతో డ్రైవర్‌ నబి బస్సుకు ఏమైందో చూద్దామని కిందకు దిగి చెక్‌ చేశాడు.సెల్ఫ్ మోటర్‌ ప్రాబ్లమ్ అని తెలుసుకొని రిపేర్ చేస్తున్నాడు. ఇంతలో అక్కడికి వచ్చిన గోపాల్.. వెనక నుంచి బస్సుతో పాటు డ్రైవర్‌ నబిపై పెట్రోల్ పోసి నిప్పంటించాడు. దీంతో బస్సు కింద ఉన్న డ్రైవర్ నబి తీవ్రంగా గాయపడ్డాడు. కాలిన గాయలా నొప్పిని తట్టుకోలేక అతను కేకలు వేయడంతో గమనించిన స్థానికులు వెంటనే అక్కడికి చేరుకొని మంటలార్పేశారు. ఆ తర్వాత అతన్ని హాస్పిటల్‌కు తరలించారు. ఇక బస్సు… మంటల్లో పూర్తిగా దగ్ధమైంది. బస్సును తగులబెట్టిన క్లీనర్‌ గోపాల్‌ పరారీలో ఉన్నాడు. స్థానికుల సమాచారంతో ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

తల్లిపై కూతురు పోటీ.. ఆసక్తిగా మారిన పంచాయతీ పోరు..

రోడ్డు పక్కన నిలిపి ఉన్న కారు.. డోర్‌ తెరవగానే

కోటి రూపాయల ఫ్యాన్సీ నెంబర్ వేలంలో బిగ్ ట్విస్ట్

శ్రీవారి వైకుంఠ ద్వార దర్శనానికి రికార్డు స్థాయిలో స్పందన

TTD: టీటీడీ సంచలన నిర్ణయం..