ఫ్రిజ్ లో మాంసం పెడుతున్నారా.. ఈ జాగ్రత్తలు పాటిస్తున్నారా..? లేకుంటే అంతే సంగతి
మనలో చాలా మంది తమ అవసరానికి మించి మాంసం కొనుగోలు చేసి మిగిలిన భాగాన్ని ఫ్రిజ్‌లో నిల్వ చేస్తారు. అయితే ఇది జాగ్రత్తలు తీసుకోకపోతే ఆరోగ్యానికి హానికరమైనదిగా మారవచ్చు. నిపుణుల సూచనల ప్రకారం మాంసాన్ని కరెక్ట్ వే లో నిల్వ చేయకపోవడం వల్ల బ్యాక్టీరియా పెరిగే అవకాశం ఉంటుంది.. ఇది మన ఆరోగ్యంపై ప్రతికూల ప్రభావం చూపిస్తుంది.
Updated on: May 09, 2025 | 7:32 PM
ఈ. కొలి (Escherichia coli) అనే సూక్ష్మజీవి ఫ్రిజ్‌లో ఉంచిన మాంసం మీద చేరే ప్రమాదం ఉంది. ఈ బ్యాక్టీరియా మనకు కనిపించదు.. వాసనతో కూడా గుర్తించలేము. కానీ ఇది శరీరంలో ప్రవేశించడంలో విపరీతమైన ప్రమాదం కలిగించవచ్చు. ఫ్రిజ్ నుండి మాంసాన్ని బయటకు తీసుకున్నప్పుడు ఈ సూక్ష్మజీవులు మన చేతులకు అంటుకునే అవకాశం ఉంటుంది. తరువాత అవి నోరు, ముక్కు లేదా కంటి ద్వారా మన శరీరంలోకి చేరే అవకాశం ఉంది.
ఈ బ్యాక్టీరియా శరీరంలో ప్రవేశించిన వెంటనే జీర్ణవ్యవస్థలో ఇబ్బందులు మొదలవుతాయి. వాంతులు, బలహీనత, తల తిరగడం వంటి లక్షణాలు కనిపించవచ్చు. అలాగే అధిక వేడి, పొట్ట నొప్పి వంటి సమస్యలు కూడా తలెత్తవచ్చు. చిన్నపిల్లలు, వృద్ధులు, గర్భిణీ స్త్రీలు ఈ సూక్ష్మజీవుల ప్రభావానికి ఎక్కువగా గురయ్యే అవకాశం ఉంటుంది.
మహిళలు ముఖ్యంగా ఈ బ్యాక్టీరియాతో అధికంగా ప్రభావితమవుతారు. ఈ బ్యాక్టీరియా యూరినరీ ట్రాక్ ఇన్ఫెక్షన్‌ను కలిగించే అవకాశం ఉంది. తరచుగా ఫ్రిజ్‌లో నిల్వ చేసిన మాంసాన్ని వాడే మహిళల్లో మూత్ర సంబంధ సమస్యలు ఎక్కువగా కనిపిస్తాయని వైద్యులు హెచ్చరిస్తున్నారు. ఈ సమస్యను పట్టించుకోకపోతే.. అది కిడ్నీకి కూడా హాని చేస్తుంది.
ఈ మాంసాన్ని సరైన రీతిలో ఉడకబెట్టకపోతే ఫ్రిజ్‌లో ఉన్న బ్యాక్టీరియా నాశనం కాకుండా మిగిలిపోతుంది. అలా తినడం వల్ల ఫుడ్ పాయిజనింగ్ వంటి సమస్యలు ఏర్పడవచ్చు. ఫుడ్ పాయిజనింగ్ వల్ల తీవ్రమైన అలర్జీ, విరేచనాలు, చర్మంపై ఎరుపు గాట్లు, దురద వంటి సమస్యలు రావచ్చు. ఈ పరిస్థితిలో శరీరంలో వైకల్యాలు కూడా రావచ్చు.
మాంసాన్ని కరెక్ట్ గా నిల్వ చేయాలంటే సరైన విధానాలు పాటించడం చాలా ముఖ్యం. మాంసం పోషక విలువలు కాపాడాలంటే దాన్ని శుభ్రంగా కడగటం మొదటిది. తర్వాత గాలి చొరబడకుండా ఉండే కంటైనర్‌లో పెట్టాలి లేదా సురక్షితమైన ప్లాస్టిక్ కవర్లో వేసి మూసివేయాలి. ఇందులోని వాసన కూడా బయటకు రాకుండా చూసుకోవాలి.
ఫ్రిజ్‌లో ఉంచే ముందు మాంసాన్ని పూర్తిగా మూసివేసిన బ్యాగ్‌లో పెట్టడం మంచిది. అలాగే ఫ్రిజ్‌లో ఎక్కువ రోజులపాటు నిల్వ చేయకూడదు. గడువు తీరే లోపే వాడటం ఉత్తమం. వండకుండా ఎక్కువసేపు ఉంచితే బ్యాక్టీరియా పెరిగే అవకాశం ఉంటుంది. మాంసాన్ని శుభ్రంగా నిల్వ చేస్తేనే అది ఆరోగ్యానికి హానికరం కాకుండా ఉంటుంది. ఇలా తగిన జాగ్రత్తలు తీసుకుంటే మాంసం పోషక విలువలను నిలుపుకుంటూ సురక్షితంగా ఉపయోగించుకోవచ్చు.
ఫ్రిజ్‌లో నిల్వ చేసిన మాంసాన్ని ఉపయోగించే ముందు.. అది పూర్తిగా ఉడికినట్లు నిర్ధారించుకోవడం చాలా ముఖ్యం. వండిన తర్వాత కూడా కొంత సమయం పాటు వేడిగా ఉంచడం లేదా మరోసారి బాగా వేడి చేయడం అవసరం. ఇలా చేయడం వల్ల మాంసంలో ఉండే హానికరమైన బ్యాక్టీరియా పూర్తిగా నశిస్తుంది. అంతేకాకుండా మాంసాన్ని ఫ్రిజ్‌లో ఎక్కువ కాలం నిల్వ చేయకుండా.. వీలైనంత త్వరగా వినియోగించడం ఆరోగ్యానికి మంచిది.
మాంసాన్ని ఫ్రిజ్‌లో నిల్వ చేయడం వల్ల ఆరోగ్య ప్రమాదాలు తలెత్తే అవకాశం ఉన్నప్పటికీ.. సరైన జాగ్రత్తలు తీసుకుంటే వాటిని నివారించవచ్చు. శుభ్రంగా కడగడం, సరైన కంటైనర్లలో నిల్వ చేయడం, పరిమితి గడువు లోపలే వాడటం, పూర్తిగా ఉడికించడం వంటి జాగ్రత్తలు తీసుకుంటే ఆరోగ్యపరమైన సమస్యలను అధిగమించవచ్చు.
