Drinking Water: ఆహారం తిన్న వెంటనే నీళ్లు తాగాలా వద్దా..? నిపుణులు ఏమంటున్నారు..?
Drinking Water: ఒక వ్యక్తి ఆరోగ్యంగా ఉండేందుకు క్రమం తప్పకుండా 10 నుండి 12 గ్లాసుల నీటిని తీసుకోవాలి. అయితే కొంతమంది నీటిని తప్పుడు సమయంలో తీసుకుంటారని..
Subhash Goud | Edited By: Ravi Kiran
Updated on: Jun 09, 2022 | 8:39 AM
Drinking Water: ఒక వ్యక్తి ఆరోగ్యంగా ఉండేందుకు క్రమం తప్పకుండా 10 నుండి 12 గ్లాసుల నీటిని తీసుకోవాలి. అయితే కొంతమంది నీటిని తప్పుడు సమయంలో తీసుకుంటారని, దీని కారణంగా శరీరం అనేక సమస్యలను ఎదుర్కొవాల్సి వస్తుంది. ఆహారం తిన్న వెంటనే నీళ్లు తాగాలా వద్దా అనే అనేక ప్రశ్నలు చాలా మందిలో తలెత్తుతుంటాయి. ఆహారం తిన్న తర్వాత ఎంత నీరు తీసుకోవాలి? నీరు తాగడానికి సరైన సమయం ఏదో తెలుసుకుందాం. వైద్య నిపుణులు తెలిపిన వివరాల ప్రకారం..
మీరు ఆహారం తీసుకున్న తర్వాత ఎప్పుడు నీరు తాగాలి?
ఆహారం తిన్న వెంటనే నీరు తాగకూడదని వైద్యులు చెబుతున్నారు. ఎందుకంటే మన జీర్ణక్రియ అగ్ని ఆహారం జీర్ణం కావడానికి 2 గంటలు పడుతుంది. అటువంటి పరిస్థితిలో, నీరు తాగితే, అగ్ని వెంటనే చల్లబడుతుంది. జీర్ణవ్యవస్థ పనిని ప్రభావితం చేస్తుంది. అటువంటి పరిస్థితిలో ఒక వ్యక్తి తిన్న 45 నుండి 60 నిమిషాల తర్వాత నీటిని తీసుకోవాలి. ఇది కాకుండా మీరు భోజనానికి అరగంట ముందు నీటిని కూడా తీసుకోవచ్చు. తిన్న వెంటనే నీళ్లు తాగడం వల్ల కడుపు ఉబ్బరం, ఎసిడిటీ వంటి సమస్యలు వచ్చే అవకాశం ఉంది.
నీరు తాగడానికి సరైన సమయం
ఒక వ్యక్తి తిన్న 1 గంట తర్వాత నీరు తాగితే, అతని బరువును నియంత్రించవచ్చు. అలాగే బరువు తగ్గాలనుకునే వారు తిన్న 1గంట తర్వాత మాత్రమే నీళ్లు తాగాలి. ఒక వ్యక్తి ఉదయాన్నే నిద్రలేచి రెండు గ్లాసుల నీటిని తీసుకుంటే, జీర్ణవ్యవస్థ బలంగా తయారవుతుంది. ఉదయాన్నే పరగడుపున రెండు గ్లాసుల నీళ్లు తాగడం వల్ల కూడా జీవక్రియ మెరుగుపడుతుంది. ఆహారం తిన్న 1 గంట తర్వాత నీరు తాగడం వల్ల గ్యాస్, ఎసిడిటీ సమస్య నుండి ఉపశమనం పొందవచ్చు. భోజనానికి అరగంట ముందు నీళ్లు తాగడం వల్ల ఆహారంలో ఉండే పోషకాలు బాగా అందుతాయి.
మరిన్ని హెల్త్ వార్తల కోసం ఇక్కడ క్లిక్ చేయండి
