Ashadam Special: ఆషాడంలో మునగాకు కూర తినాలి అంటారు.. ఈ సంప్రదాయం వెనుక ఉన్న ఆరోగ్య రహస్యం ఏమిటో తెలుసా..
ఆషాడ లో మునగాకు తినాలి అంటారు. ఇలా ఆషాడంలో మునగాకు తినే సంప్రదాయం... ఇప్పటి కాదు.. అయితే అసలు ఆషాడ మాసంలో మునగాకు ఎందుకు తినాలి.. మిగిలిన నెలల్లో తినకూడదా అనే ప్రశ్నించే ఆధునిక భావాలున్నవారు కూడా ఉన్నారు..
Updated on: Jul 05, 2022 | 11:48 AM
Ashadam Special: ఆషాఢమాసంలో పెళ్లిళ్లు వంటి శుభకార్యాలు జరగవు కానీ.. ఈ ఆషాఢమాసం వస్తూనే ఎంతో సందడిని, సరదాను తీసుకొని స్తుంది. గ్రామాల్లోని గ్రామ దేవతలకు జాతర, మబ్బులు, చిరుజళ్ళతో ఆహ్లదకరమైన వాతావరణం, పుట్టింటి చేరే నవ వధువు, చేతుల్లో ఎర్రమందారంలా పూచే గోరింటాకు.. వీటితో పాటు.. మునగాకు కూర.. నేరేడు పండ్లు తాటికాయలు ఇవన్నీ ఆషాడానికి ప్రత్యేకతను తీసుకొచ్చాయి. అయితే ఆషాడ లో మునగాకు తినాలి అంటారు. ఇది నేటి తరం ఎప్పుడైనా విన్నారా.. అయితే మునగాకు తినే సంప్రదాయం… ఇప్పటి కాదు.. అయితే అసలు ఆషాడ మాసంలో మునగాకు ఎందుకు తినాలి.. మిగిలిన నెలల్లో తినకూడదా అనే ఆధునిక భావాలున్నవారు కూడా ఉన్నారు.. అయితే ఇలా ఆషాడంలో మునగాకు తినాలి అని పెద్దలు పెట్టిన సాంప్రదాయం వెనుక ఒక శాస్త్రీయ కోణం దాగి ఉంది. ఈరోజు చాదస్తం వెనుక ఉన్న ఆరోగ్యప్రయోజనాలు గురించి తెల్సుకుందాం..
మునగాకు తినడం వలన అనేక ఆరోగ్య ప్రయోజనాలు ఉన్నాయని.. ఆయుర్వేదం చెబుతోంది. అయితే ఈ మునగాకు వేడి చేసే గుణం కలిగి ఉంటుంది. అందుకని వేసవిలో ఈ మునగాకు తినడం వలన విపరీతమైన వేడి చేసి.. ఇతర ఇబ్బందులు పడే అవకాశం ఉంది. కనుక మునగాకు తినడానికి అనుకూల సమయం.. వర్షాలు కురిసే ఆషాడం. ఆషాడంలో లేత మునగాకు దొరుకుతుంది.. తిన్నా శరీరంలో వేడి పెరిగినా వర్షాకాలం కనుక పెద్దగా ఇబ్బందులు ఏర్పడవు.
మునగాకుతో బయట ఉష్ణోగ్రతలకు అనువుగా ఒంట్లోని వేడినీ పెంచుతుంది. మునగాకులోని పోషకాలు శరీరానికి అందుతాయి. మునగాకు తినడం వలన దీనిలో అధికంగా ఉన్న విటమిన్ ఏ.. కంటి సమస్యలను నివారిస్తాయని.. ప్రకృతి వైద్యులు చెబుతున్నారు.
మునగాకు తినడం వలన ప్రొటీన్లు, విటమిన్ ఎ, సి, కాల్షియం, ఐరన్, పొటాషియం మనకి లభిస్తాయి. మునగాకుని ఏ రూపంలో తిన్నా మధుమేహం నియంత్రణలో ఉంచుతుంది. అస్తమా, ఊపిరితిత్తుల వ్యాధులను కూడా నివారిస్తుంది. అంతేకాదు మునగాకు బాలింతలకు, గర్భిణులకు ఎంతో మంచిది.
అనేక ఆరోగ్య ప్రయోజనాలు ఇచ్చే ఈ మునగాకుని డైరెక్ట్ గా తినలేము.. ఎందుకంటే కొంచెం చేదు రుచి కలిగి ఉంటుంది. కనుక మునగాకు పెసర పప్పు, అనపప్పు పప్పులో వేసుకుని వండుకుంటారు. లేదంటే. తెలగపిండి మునగాకు కూరగా చేసుకుని తింటారు..
గోదావరి జిలాల్లో ఆషాడం ఆదివారం వస్తే.. ప్రతి ఇంట్లో.. మునగాకు పప్పు, లేదా తెలగపిండి మునగాకు కూర చేసుకుంటారు. ఇక గోరింటాకు రుబ్బి.. తమ ఇరుగు పొరుగుకు పంచిపెడతారు.. ఇప్పటికీ ఈ సంప్రదాయాన్ని పాటించే కుటుంబాలు అనేకం ఉన్నాయి.
మరిన్ని హెల్త్ వార్తల కోసం ఇక్కడ క్లిక్ చేయండి..
(ఈ వార్త కేవలం సమాచారం కోసం మాత్రమే ఇచ్చింది. నిజనిర్ధారణ కోసం మీ శరీరానికి సంబంధించిన వైద్య సిబ్బందిని సంప్రదించాల్సి ఉంటుంది)
