Varun Tej: మెగా ఫ్యాన్స్‌కు డబుల్‌ ట్రీట్‌.. ‘గని’కి మాట సాయం చేస్తోన్న మెగా పవర్‌ స్టార్‌..

Varun Tej: వరుణ్‌ తేజ్ హీరోగా 'గని' అనే సినిమా తెరకెక్కుతోన్న విషయం తెలిసిందే. కిరణ్‌ కొర్రపాటి దర్శకత్వంలో తెరకెక్కుతోన్న ఈ సినిమాను పై సిద్దు ముద్ద, అల్లు బాబీలు సంయుక్తంగా నిర్మిస్తున్నారు. ఇదిలా ఉంటే..

Ghani Movie Teaser

Narender Vaitla |

Updated on: Nov 15, 2021 | 7:55 AM

Varun Tej: వరుణ్‌ తేజ్ హీరోగా ‘గని’ అనే సినిమా తెరకెక్కుతోన్న విషయం తెలిసిందే. కిరణ్‌ కొర్రపాటి దర్శకత్వంలో తెరకెక్కుతోన్న ఈ సినిమాను పై సిద్దు ముద్ద, అల్లు బాబీలు సంయుక్తంగా నిర్మిస్తున్నారు. ఇదిలా ఉంటే ఈ సినిమా బాక్సింగ్ నేపథ్యంలో తెరకెక్కనుంది. ఇప్పటికే ఈ సినిమాకు సంబంధించిన విడుదలైన ఫస్ట్‌లుక్‌తో పాటు సినిమాలోని పాత్రలను పరియం చేస్తూ విడుదల చేస్తోన్న పోస్టర్‌లు ‘గని’పై ఆసక్తిని పెంచుతున్నాయి. దీంతో మెగా ఫ్యాన్స్‌ ఎప్పుడెప్పుడు ఈ సినిమా విడుదలుతుందా అని ఎదురు చూస్తున్నారు. ఇక చిత్రానికి సంబంధించి తొలి టీజర్‌ను విడుదల చేయడానికి చిత్ర యూనిట్‌ సన్నాహాలు చేస్తోంది.

ఈ సినిమా షూటింగ్ ప్రారంభమై చాలా రోజులు అవుతున్నప్పటికీ ఎలాంటి అప్‌డేట్‌ రాకపోవడంతో టీజర్‌ను విడుదల చేస్తున్నారు. ఇందులో భాగంగానే ఈ రోజు (సోమవారం) ఉదయం 11:08 గంటలకు చిత్ర ట్రైలర్‌ను విడుదల చేయడానికి సన్నాహాలు చేస్తున్నారు. అయితే ఇక్కడే మేకర్స్‌ మెగా ఫ్యాన్స్‌ కోసం డబుల్‌ ట్రీట్‌ ఇవ్వడానికి సిద్ధమయ్యారు. ఈ టీజర్‌కు మెగా పవర్‌ స్టార్‌ రామ్‌ చరణ్‌ వాయిస్‌ ఓవర్‌ అందిస్తుండడం విశేషం. దీంతో ఫ్యాన్స్‌ ఫుల్‌ ఖుషీ అవుతున్నారు. తమ్ముడికి అన్న మాట సాయం చేస్తుండడంతో అంచనాలు పెరిగిపోయాయి. ఇదిలా ఉంటే ఈ చిత్రాన్ని డిసెంబర్‌ 3న విడుదల చేయడానికి చిత్ర యూనిట్‌ సన్నాహాలు చేస్తోంది. మరి ఈ సినిమా వరుణ్‌ తేజ్‌ కెరీర్‌ను ఎలాంటి మలుపు తిప్పుతుందో చూడాలి.