Thangalaan: మాస్ లుక్లో అదిరిపోయిన హీరో విక్రమ్.. ‘తంగలాన్’ మేకింగ్ వీడియో చూస్తే గూస్ బంప్స్ ఖాయం..
తాజాగా ఈరోజు విక్రమ్ పుట్టిన రోజు సందర్భంగా ఈ మూవీకి సంబంధించిన మేకింగ్ వీడియో రిలీజ్ చేశారు మేకర్స్. ఈ వీడియో ఆద్యంతం ఆసక్తికరంగా సాగింది. ప్రతి ఒక్క యాక్షన్ సీన్ కూడా గూస్ బంప్స్ తెచ్చేలా ఉన్నాయి. విక్రమ్ తన భూమిని అణచివేతదారుల నుంచి రక్షించడానికి బయలుదేరిన నాయకుడిలా కనిపించాడు.
Updated on: Apr 17, 2023 | 11:23 AM
తమిళ్ స్టార్ హీరో విక్రమ్ గురించి పరిచయం అవసరం లేదు. అపరిచితుడు సినిమాతో తెలుగు ప్రేక్షకులకు చేరువయ్యాడు. ప్రస్తుతం చేతి నిండా సినిమాలతో ఫుల్ బిజీగా ఉన్నాడు ఈ స్టార్ హీరో. ఓవైపు మణిరత్నం దర్శకత్వంలో పొన్నియన్ సెల్వన్ సినిమా చేస్తూనే.. మరోవైపు డైరెక్టర్ పా రంజిత్ దర్శకత్వంలో తంగలాన్ మూవీ చేస్తున్నారు. మాస్ యాక్షన్ ఎంటర్టైనర్ గా వస్తోన్న ఈ మూవీలో మాళవిక మోహనన్ కథానాయికగా నటిస్తుంది. ఇప్పటికే విడుదలైన ఫస్ట్ లుక్ పోస్టర్ అంచనాలను పెంచేసింది. తాజాగా ఈరోజు విక్రమ్ పుట్టిన రోజు సందర్భంగా ఈ మూవీకి సంబంధించిన మేకింగ్ వీడియో రిలీజ్ చేశారు మేకర్స్. ఈ వీడియో ఆద్యంతం ఆసక్తికరంగా సాగింది. ప్రతి ఒక్క యాక్షన్ సీన్ కూడా గూస్ బంప్స్ తెచ్చేలా ఉన్నాయి. విక్రమ్ తన భూమిని అణచివేతదారుల నుంచి రక్షించడానికి బయలుదేరిన నాయకుడిలా కనిపించాడు.
యదార్థ సంఘటనల ఆధారంగా తెరకెక్కించిన ఈ సినిమా కోసం విక్రమ్ చాలా కష్టపడినట్లుగా తెలుస్తోంది. తాజాగా విడుదలైన వీడియోలో విజువల్స్ అద్భుతంగా ఉన్నాయి. జీవీ ప్రకాష్ కుమార్ అందించిన మ్యూజిక్ మరింత అదిరిపోయింది. కెఇ జ్ఞానవేల్ రాజా తన స్టూడియో గ్రీన్ బ్యానర్ పై ఈ సినిమాను పాన్ ఇండియా లెవల్లో నిర్మిస్తున్నారు. ఇందులో పశుపతి మాసిలామణి, పార్వతి తిరువోతు కీలకపాత్రలలో నటిస్తున్నారు. 1880ల కాలంలో సాగే పీరియాడికల్ డ్రామాగా ఈ మూవీని తీసుకువస్తున్నట్లు తెలుస్తోంది.
అంతేకాకుండా ఈ సినిమా 3డీలో తెరకెక్కిస్తున్నారని టాక్ వినిపిస్తోంది. తెలుగుతోపాటు.. తమిళం, హిందీలోనూ ఈ సినిమాను రిలీజ్ చేసేందుకు మేకర్స్ ప్లాన్ చేస్తున్నట్లు తెలుస్తోంది.
Thank you for all the love pouring in. Am moved beyond words. ?உங்களுக்காக என்னோட சிறிய பிறந்தநாள் பரிசு. (Ur a rockstar Ranjith. நன்றிகள் பல.) #Thangalaan @beemji @StudioGreen2 https://t.co/Vm6R9EJJRD pic.twitter.com/6jD666KlwE
— Vikram (@chiyaan) April 17, 2023
మరిన్ని సినిమా వార్తల కోసం ఇక్కడ క్లిక్ చేయండి.
