Tamannah: విజయ్తో ప్రేమాయణంపై ఆసక్తికర కామెంట్స్ చేసిన తమన్నా.. అందుకే మనసుపడ్డానంటున్న మిల్కీబ్యూటీ..
గత కొద్ది రోజులుగా బాలీవుడ్ నటుడు విజయ్ వర్మతో తమన్నా ప్రేమలో ఉందంటూ వార్తలు వినిపిస్తున్న సంగతి తెలిసిందే. ఇక ఆ రూమర్స్ నిజమేనంటూ మిల్కీబ్యూటీ చెప్పుకొచ్చింది. లస్ట్ స్టోరీస్ 2 షూటింగ్ సమయంలోనే విజయ్ తో ప్రేమలో పడ్డానని తెలిపింది.
Updated on: Jul 04, 2023 | 6:45 PM
ప్రస్తుతం సినీ పరిశ్రమలో ఫుల్ ఫాంలో ఉన్న హీరోయిన్ తమన్నా. దాదాపు 17 ఏళ్లుగా అగ్రకథానాయికగా సత్తా చాటుతుంది. ఇప్పుడు సినిమాలతోనే కాకుండా.. అటు వెబ్ సిరీస్ చేస్తూ ఫుల్ బిజీగా ఉంటుంది మిల్కీబ్యూటీ. అయితే ఇటీవల పలు వెబ్ సిరీస్లలో రొమాంటిక్ సీన్స్ చేసింది తమన్నా. జీ కర్దా, లస్ట్ స్టోరీస్ 2లో తమన్నా రొమాంటిక్ సీన్స్ చేయడంతో ఆమెపై తీవ్రస్థాయిలో ట్రోలింగ్ జరుగుతుంది. తమన్నా మొదటిసారి ఇలా శ్రుతిమించి నటించడంతో ఆమెపై వ్యతిరేకత వస్తుంది. ఇక తనపై వస్తున్న ట్రోలింగ్ పై ఆసక్తికర కామెంట్స్ చేసింది మిల్కీబ్యూటీ. రొమాంటిక్ సీన్స్ హీరోస్ చేసినప్పుడు వారిని ఎందుకు ప్రశ్నించరు.. కేవలం హీరోయిన్స్ నటిస్తే ఇంత నెగిటివిటి ఎందుకు వస్తుందంటూ కామెంట్స్ చేసింది. ఈ క్రమంలో ఆమె బాలీవుడ్ నటుడు విజయ్ వర్మను ప్రేమించడం గురించి చెప్పుకొచ్చింది.
గత కొద్ది రోజులుగా బాలీవుడ్ నటుడు విజయ్ వర్మతో తమన్నా ప్రేమలో ఉందంటూ వార్తలు వినిపిస్తున్న సంగతి తెలిసిందే. ఇక ఆ రూమర్స్ నిజమేనంటూ మిల్కీబ్యూటీ చెప్పుకొచ్చింది. లస్ట్ స్టోరీస్ 2 షూటింగ్ సమయంలోనే విజయ్ తో ప్రేమలో పడ్డానని తెలిపింది. ఇటీవల ఈ సిరీస్ ప్రమోషన్లలో పాల్గొన్న తమన్నా.. తమ రిలేషన్ గురించి ఆసక్తికర విషయాలను పంచుకుంది.
“విజయ్ వర్మ నా జీవితంలోకి వచ్చినందకు చాలా ఆనందంగా ఉంది. అతను మహిళలను గౌరవిస్తారు. ముఖ్యంగా నా అభిప్రాయాలకు గౌరవం ఇస్తాడు. అందుకే నేను అతడిని ప్రేమించాను. తనకు కుటుంబం అంటే చాలా ఇష్టం. ఇంట్లో వారితో ఎలా ఉంటారో బయటివారితో అలాగే ఉంటారు. ఇతరులను గౌరవించడం ప్రస్తుతం యువత నేర్చుకోవాలి. ఇతరులతో ఎలా ఉండాలో తల్లిదండ్రులు పిల్లలకు నేర్పించాలి. మహిళలు ప్రతి విషయంలో రాజీ పడాలనే భావనను నేను అంగీకరించను.”అని అన్నారు తమన్నా. ప్రస్తుతం మిల్కీబ్యూటీ చేసిన కామెంట్స్ నెట్టింట వైరలవుతున్నాయి.
మరిన్ని సినిమా వార్తల కోసం ఇక్కడ క్లిక్ చేయండి.
