Pushpa 2 Movie: తుది దశకు చేరిన పుష్ప 2 షూటింగ్ ?.. క్లైమాక్స్ కోసం భారీ సెట్ !..

పుష్ప సినిమాతో పాన్ ఇండియా స్టార్ హీరోగా క్రేజ్ సంపాదించుకున్నారు స్టైలీష్ స్టార్ అల్లు అర్జున్. ఈ చిత్రంలో ఊరమాస్ లుక్‏లో రప్ఫాడించారు బన్నీ. ఈ మూవీ బాక్సాఫీస్ వద్ద సంచలనం సృష్టించడమే కాకుండా.. భారీగా వసూళ్లు రాబట్టింది. డైరెక్టర్ సుకుమార్ అత్యంత ప్రతిష్టాత్మకంగా రూపొందించారు. ఇండియన్ బాక్సాఫీస్ వద్ద ఈ చిత్రానికి ఊహించని స్తాయిలో రెస్పాన్స్ వచ్చింది. ఇక ఇందులోని పాటలు సైతం ఓరెంజ్‏లో హిట్టయ్యాయి. ఇక ఇప్పుడు సినీప్రియుల అందరి చూపు పుష్ప 2పైనే పడింది. ఈ సినిమా సిక్వెల్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. కొన్ని నెలలుగా ఈ మూవీ షూటింగ్ శరవేగంగా జరుగుతుంది. ఇప్పటికే ఇందులోని కీలక ఎపిసోడ్స్ పూర్తి అయినట్లు తెలుస్తోంది. ఇక క్లైమాక్స్ సీక్వెన్స్ మాత్రమే బ్యాలెన్స్ ఉందని టాక్ వినిపిస్తుంది. ఈ క్రమంలో తాజాగా పుష్ప2 గురించి ఓ ఇంట్రెస్టింగ్ న్యూస్ ఫిల్మ్ సర్కిల్లో చక్కర్లు కొడుతుంది.

అదెంటంటే.. ఫస్ట్ పార్ట్ కంటే సెకండ్ పార్ట్ యాక్షన్ సీన్స్ భారీగానే ప్లాన్ చేస్తున్నారట. ఇప్పటికే పుష్ప 2 చిత్రీకరణ తుది దశకు చేరుకుందని.. ఇక క్లైమాక్స్ కోసం భారీ సెట్ వేస్తున్నారని సమాచారం. అంతేకాకుండా.. ఈ సీక్వెన్స్ లోనే రష్మిక పాత్రకు సంబంధించిన డెత్ మిస్టరీ కూడా రివీల్ కాబోతుందని అంటున్నారు. మొత్తానికి పుష్ప 2 క్లైమాక్స్ కోసం సుకుమార్ మరింత ఆసక్తికరంగా ప్లాన్ చేసినట్లుగా టాక్. అలాగే ఈ సెకండ్ పార్ట్ లో కీలకపాత్రలతోపాటు.. కొత్త పాత్రలు కూడా పరిచయం కానున్నాయి. దీంతో ఈ సినిమాపై మరిన్ని అంచనాలు పెరిగిపోయాయి.

ఈ చిత్రానికి దేవి శ్రీ ప్రసాద్ సంగీతం అందిస్తుండగా.. మైత్రీ మూవీ మేకర్స్ బ్యానర్ పై నిర్మిస్తున్నారు. ఈ సినిమా తర్వాత బన్నీ.. మరోసారి మాటల మాంత్రికుడు త్రివిక్రమ్ దర్శకత్వంలో ఓ ప్రాజెక్ట్ చేయనున్నారు.

ఇవి కూడా చదవండి

Udhayanidhi Stalin: సినిమా సూపర్ హిట్.. దర్శకుడికి ఖరీదైన గిఫ్ట్ ఇచ్చిన హీరో..

Prabhas: క్రేజీ అప్డేట్.. మరోసారి దేవుడి పాత్రలో డార్లింగ్.. విష్ణువు అవతారంలో ప్రభాస్ ?..

Ileana: మొత్తానికి ప్రియుడి ఫోటో షేర్ చేసిన ఇలియానా.. ఇంతకీ అతను ఎవరంటే..

Annapurna Photo Studio Trailer: పల్లెటూరిలో అందమైన ప్రేమకథ.. అన్నపూర్ణ ఫోటో స్టూడియో ట్రైలర్ రిలీజ్..

మరిన్ని సినిమా వార్తల కోసం ఇక్కడ క్లిక్ చేయండి.