Pushpa The Rise: మరోసారి సత్తా చాటిన ‘పుష్ప’.. ఏకంగా 12 కేటగిరిల్లో నామినేట్‌ అయిన ఐకాన్ స్టార్ సినిమా

ఐకాన్ స్టార్ అల్లు అర్జున్ కెరీర్ లో బిగెస్ట్ బ్లాక్ బస్టర్ గా నిలిచింది పుష్ప. సుకుమార్ దర్శకత్వంలో వచ్చిన ఈ సినిమా సంచలన విజయం సాధించిన విషయం తెలిసిందే.

Pushpa The Rise: మరోసారి సత్తా చాటిన 'పుష్ప'..  ఏకంగా 12 కేటగిరిల్లో నామినేట్‌ అయిన ఐకాన్ స్టార్ సినిమా
Pushpa 1
Rajeev Rayala

|

Aug 17, 2022 | 4:20 PM

ఐకాన్ స్టార్ అల్లు అర్జున్( Allu Arjun) కెరీర్ లో బిగెస్ట్ బ్లాక్ బస్టర్ గా నిలిచింది పుష్ప(Pushpa ). సుకుమార్ దర్శకత్వంలో వచ్చిన ఈ సినిమా సంచలన విజయం సాధించిన విషయం తెలిసిందే. బన్నీ నటించిన తొలి పాన్ ఇండియా సినిమా ఇది. ఎర్ర చందనం స్మగ్లింగ్ నేపథ్యంలో తెరకెక్కిన ఈ సినిమాలో అల్లు అర్జున్ ఊర మాస్ పాత్రలో నటించి మెప్పించారు. మునుపెన్నడూ చూడని గెటప్ లో ఆకట్టుకునే యాటిట్యూడ్ తో బన్నీ నటన ప్రేక్షకుల చేత విజిల్స్ కొట్టించింది. ఈ సినిమాను సుకుమార్ రెండు భాగాలూ గా తెరకెక్కిస్తున్న విషయం తెలిసిందే. పుష్ప సినిమాలో బన్నీ సరసన రష్మిక మందన్న హీరోయిన్ గా నటించింది. అనసూయ, సునీల్ కీలక పాత్రలో నటించారు. మలయాళ స్టార్ హీరో ఫహద్ ఫాజిల్ ఈ సినిమాలో విలన్ పాత్రలో మెప్పించారు. ఇక పుష్ప ఇనిమ క్రియేట్ చేసిన రికార్డ్స్ గురించి ప్రత్యేకంగా చెప్పాల్సిన అవసరం లేదు. బాలీవుడ్ లోనూ అత్యధిక వసూళ్లను రాబట్టి వండర్ క్రియేట్ చేసింది పుష్ప.

ఇక పుష్ప సినిమాలోని పాటలైతే ఇప్పటికీ మారుమ్రోగుతున్నాయి. దేశాలు దాటి ఈ పాటలు ట్రెండ్ అయ్యాయి. దేవీ శ్రీ అందించిన సంగీతం యావత్ ప్రపంచాన్నే ఉర్రుతలూగించింది. తాజాగా మరో రికార్డును తన ఖాతాలో వేసుకుంది ఈ మూవీ. సైమా అవార్డుల వేడుకలో ఈ సినిమా ఏకంగా 12 క్యాటగిరిలో నామినేట్ అయ్యి అగ్రస్థానంలో నిలిచింది. సైమా అవార్డుల ప్రదానోత్సవం వచ్చే నెల 10, 11 తేదీల్లో అంగరంగ వైభవంగా జరగనుంది. తాజాగా ఈ అవార్డులకు నామినేట్ అయిన సినిమాల జాబితాను వెల్లడించారు. తెలుగులో ‘పుష్ప’ , ‘అఖండ’ , ‘ఉప్పెన’, ‘జాతిరత్నాలు’ ఎక్కువ విభాగాల్లో నామినేటైనట్లు ప్రకటించారు. వీటిలో పుష్ప అగ్రస్థానంలో ఉండగా బాలయ్య అఖండ సినిమా రెండో స్థానంలో నిలిచింది.

ఇవి కూడా చదవండి

ఇది కూడా చదవండి.. టెక్నాలజీలో సరికొత్త విప్లవానికి సిద్ధమైన ఎయిర్‌టెల్‌.. మారనున్న పలు రంగాల రూపు రేఖలు..

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu