Samantha: యశోద కోసం సమంత అంత రిస్క్ చేసిందా ?.. నెట్టింట వైరలవుతున్న క్రేజీ న్యూస్..
యశోద సినిమా కోసం సమంత హాలీవుడ్ స్టంట్ మ్యాన్ యాన్నిక్ బెన్ వద్ద యాక్షన్ సీన్స్ కోసం శిక్షణ తీసుకుందట. ప్రస్తుతం ఈ వార్త ఫిల్మ్ సర్కిల్లో చక్కర్లు కొడుతుంది.
Updated on: Oct 21, 2022 | 6:27 PM
ప్రస్తుతం టాలీవుడ్ ముద్దుగుమ్మ సమంత.. ఖుషి సినిమా చిత్రీకరణలో బిజీగా ఉన్న సంగతి తెలిసిందే. ఇప్పటికే ఆమె నటించిన రెండు చిత్రాలు యశోద, శాకుంతలం షూటింగ్ కంప్లీట్ చేసుకుని పోస్ట్ ప్రొడక్షన్ పనులు జరుపుకుంటున్నాయి. ముఖ్యంగా ఇటీవల విడుదలైన టీజర్తో యశోద మూవీపై ఆసక్తిని నెలకొంది. ఇందులో సామ్ ప్రెగ్నెంట్ మహిళగా కనిపించడం.. గాయాలతో సస్పెన్స్ థ్రిల్లర్గా టీటర్ రిలీజ్ చేయడంతో మూవీపై మరింత హైప్ క్రియేట్ అయ్యింది. ఇందులో వరలక్ష్మి శరత్ కుమార్, ఉన్ని ముకుందన్ కీలకపాత్రలలో నటిస్తుండగా.. మణిశర్మ సంగీతం అందిస్తున్నారు. ఈ సినిమాను నవంబర్ 11న విడుదల చేయనున్నట్లు ఇటీవల చిత్రయూనిట్ ప్రకటించింది. అయితే ఈ మూవీకి సంబంధించిన ఎప్పటికప్పుడు ఇంట్రెస్టింగ్ అప్డేట్స్ ఫిల్మ్ సర్కిల్లో వినిపిస్తున్నాయి. తాజాగా మరో విషయం నెట్టింట వైరల్ అవుతుంది.
యాక్షన్ థ్రిల్లర్ డ్రామాగా రాబోతున్న ఈ సినిమా.. సామ్ కెరీర్లోనే అత్యంత సవాలుగా ఉన్న చిత్రాలలో ఒకటి. ఇందులోని పలు యాక్షన్ సన్నివేశాల కోసం సామ్ అసలు వెనకడుగు వేయలేదట. ఈ సన్నివేశాల కోసం హాలీవుడ్ స్టంట్మ్యాన్ యాన్నిక్ బెన్ వద్ద శిక్షణ తీసుకుందట. గతంలో ఆమె నటించిన ది ఫ్యామిలీ మ్యాన్ 2 సిరీస్ కోసం బెన్ వద్ద యాక్షన్ సన్నివేశాల కోసం శిక్షణ తీసుకుందట. ఇక ఇప్పుడు యశోద సినిమా కోసం అత్యంత కఠినమైన ట్రైనింగ్ తీసుకుందని సమాచారం. ఈ చిత్రానికి హరి, హరీష్ సంయుక్తంగా దర్శకత్వం వహిస్తున్నారు.
ఈ సినిమానే కాకుండా సమంత .. బాలీవుడ్ హీరో వరుణ్ ధావన్ సరసన నటిస్తోంది. రూసో బ్రదర్స్ దర్శకత్వం వహించి సిటాడెల్ రీమేక్ గా తెరకెక్కిస్తున్నారు. ఫుల్ యాక్షన్ ఫ్యాక్డ్స్ గా ఈ సిరీస్ రాబోతుంది. ప్రస్తుతం ప్రీప్రొడక్షన్ పనులు జరుగుతున్నట్లుగా తెలుస్తోంది.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
