LPG Crisis India: ఇక సామాన్యులకు పండగే.. పండగ.. ఎల్‌పీజీకి చెక్‌.. భారత్‌లో కొత్త గ్యాస్‌!

LPG Crisis India: పశ్చిమాసియాలో కొనసాగుతున్న ఉద్రిక్తతలు ప్రపంచవ్యాప్త ఇంధన సరఫరాను దెబ్బతీస్తున్నాయి. దీనివల్ల ఎల్‌పీజీ (LPG) ధరలు పెరగడమే కాకుండా, భవిష్యత్తులో కొరత ఏర్పడే ప్రమాదం కూడా ఉందని నిపుణులు చెబుతున్న మాట. ఈ ఇంధన సంక్షోభం నుంచి దేశాన్ని గట్టెక్కించేందుకు భారత్ ఇప్పుడు ఒక పవర్‌ఫుల్ ‘ప్లాన్ బి’ని సిద్ధం చేసింది. అదే DME (డైమిథైల్ ఈథర్). ఇది విదేశీ దిగుమతులపై మన ఆధారపడటాన్ని తగ్గించడమే కాకుండా, సామాన్యుడికి మరింత మేలు జరిగే అవకాశాలు ఉన్నాయని విశ్లేషకులు చెబుతున్నారు.

CSIR-నేషనల్ కెమికల్ లాబొరేటరీ శాస్త్రవేత్తలు ఈ ఇంధనాన్ని పెద్ద ఎత్తున ఉత్పత్తి చేయడంపై పని ప్రారంభించారు. ఇళ్లలో వంట చేయడానికి ఉపయోగించే LPGకి ఇది స్వదేశీ ప్రత్యామ్నాయంగా మారవచ్చని పరిశోధకులు చెబుతున్నారు. ప్రయోగశాల ఇటీవల DME కోసం ఒక పైలట్ ప్లాంట్‌ను ఏర్పాటు చేసింది. ఇప్పుడు ఉత్పత్తిని పెంచడానికి ఈ సౌకర్యాన్ని విస్తరించాలని యోచిస్తోంది.

ఇది కూడా చదవండి: Indian Railways: రైలు ప్రయాణికులకు గుడ్‌న్యూస్‌ తెలిపిన సుప్రీం కోర్టు.. ఇక వారికి కూడా ఇన్స్‌రెన్స్‌!

డీఎంఈ అంటే ఏమిటి?

DME అనేది మిథనాల్‌ను ఉపయోగించి కృత్రిమంగా తయారుచేసే ఒక ప్రత్యేక వాయువు. దీని ప్రత్యేకత ఏమిటంటే దీని తయారీకి అవసరమైన ముడి పదార్థాలు (బయోమాస్, బొగ్గు, గాలిలోని కార్బన్ డయాక్సైడ్) సులభంగా లభిస్తాయి. రసాయన పరంగా ఎల్‌పీజీ, డీఎంఈ ఒకేలా ఉంటాయి. దీని ఉపయోగం ఏమిటంటే.. దీనిని నేరుగా వంట గ్యాస్‌గా వాడవచ్చు లేదా ఎల్‌పీజీతో కలిపి ఉపయోగించవచ్చు. ఇది పర్యావరణానికి హాని కలుగకుండా మేలు చేసేదిలా ఉంటుందని విశ్లేషకులు చెబుతున్నారు.

భారతదేశానికి ఈ కొత్త ఇంధనం ఎందుకు అవసరం?

ప్రస్తుత పరిస్థితి ఏమిటంటే భారతదేశం తన వంట గ్యాస్ అవసరాలలో ఎక్కువ భాగాన్ని విదేశాల నుండి కొనుగోలు చేస్తుంది. దిగుమతులపై ఎక్కువగా ఆధారపడటం వలన ప్రపంచంలోని ఏ ప్రాంతంలోనైనా వివాదం తలెత్తినప్పుడల్లా భారతదేశ ఇంధన భద్రత ప్రమాదంలో పడుతుంది. ప్రస్తుత ప్రపంచ సంక్షోభం మన స్థానిక ప్రత్యామ్నాయాలపై దృష్టి పెట్టాలని మరింత స్పష్టం చేసింది. DME కోసం ఒక పైలట్ ప్లాంట్ ఇటీవల ప్రయోగశాలలో ఏర్పాటు చేశారు. శాస్త్రవేత్తలు ఇప్పుడు దాని ఉత్పత్తిని అనేక రెట్లు పెంచడానికి సిద్ధమవుతున్నారు.

ఇది కూడా చదవండి: వ్యాపారంలో సక్సెస్ కావడానికి చాణక్యుడు చెప్పిన 5 అద్భుతమైన సూత్రాలు!

భారతదేశం తన LPG అవసరాలలో ఎక్కువ భాగాన్ని విదేశాల నుండి కొనుగోలు చేస్తుంది. దీనివల్ల గణనీయమైన విదేశీ మారకద్రవ్యం ఖర్చవుతుంది. పరిశోధన ప్రకారం, కేవలం 8% DME గ్యాస్‌ను LPGలో కలపడం వల్ల దేశానికి ఏటా సుమారు రూ.9,500 కోట్ల విదేశీ మారకద్రవ్యం ఆదా అవుతుంది. యుద్ధం, పెరుగుతున్న చమురు ధరల కారణంగా డాలర్‌తో పోలిస్తే రూపాయి విలువ పడిపోతున్న నేపథ్యంలో ఈ పొదుపు భారత ఆర్థిక వ్యవస్థకు ఒక వరం అవుతుంది.

ఇది కూడా చదవండి: LPG Gas: వంట గ్యాస్‌పై కేంద్రం శుభవార్త.. ఎల్‌పీజీ సరఫరాపై కీలక ప్రకటన!

సాధారణంగా కొత్త గ్యా్స్ మార్కెట్లోకి వస్తుందంటే, కొత్త స్టవ్ లేదా సిలిండర్ కొనాలేమోనని సామాన్యులు ఆందోళన చెందుతుంటారు. కానీ DME విషయంలో ఆ అవసరం లేదని నిపుణులు చెబుతున్నారు. ప్రస్తుత ఎల్‌పీజీ మౌలిక సదుపాయాలలో ఎలాంటి మార్పులు చేయకుండానే DMEని వాడవచ్చని అంటున్నారు. మీ ఇంట్లో ఉన్న సిలిండర్లు, రెగ్యులేటర్లు, గ్యాస్ పైపులు, బర్నర్ స్టవ్‌లు దీనికి సరిగ్గా సరిపోతాయని వెల్లడించారు. ఇప్పటికే ‘బ్యూరో ఆఫ్ ఇండియన్ స్టాండర్డ్స్’ (BIS) దీని వినియోగానికి సంబంధించిన సాంకేతిక ప్రమాణాలను ఖరారు చేసింది.

పర్యావరణానికి మెరుగైన ఎంపిక

ద్రవ్యోల్బణాన్ని తగ్గించడంతో పాటు DME గ్యాస్ పర్యావరణానికి ఒక వరం అని కూడా నిరూపించగలదు. LPG తో పోలిస్తే ఈ వాయువు మండించినప్పుడు గణనీయంగా తక్కువ కాలుష్యాన్ని ఉత్పత్తి చేస్తుంది. హానికరమైన కణాల ఉద్గారాలు తక్కువగా ఉంటాయి. ఇది శుభ్రమైన ఇంధనంగా మారుతుంది.

మరిన్ని బిజినెస్ వార్తల కోసం ఇక్కడ క్లిక్ చేయండి