Ram Movie: ‘హనుమాన్’ బాటలోనే ‘రామ్’.. తెగే ప్రతి టికెట్లో రూ.5 నేషనల్ డిఫెన్స్ ఫండ్కు విరాళం
తమ సినిమాకు తెగే ప్రతి టికెట్టులో రూ.5లను అయోధ్య రామమందిరానికి విరాళమిచ్చింది హనుమాన్ చిత్ర బృందం. ఇప్పుడిదే బాటలో 'రామ్' చిత్రం కూడా మరో మంచి పనికి శ్రీకారం చుట్టింది. తమ సినిమా ప్రతి టికెట్పై వచ్చే రూ. 5లను నేషనల్ డిఫెన్స్ ఫండ్కు విరాళం అందించనున్నట్లు రామ్ చిత్ర బృందం ప్రకటించింది.
Updated on: Jan 24, 2024 | 9:11 PM
‘హనుమాన్’ బాటలోనే ‘రామ్’ కూడా నడవనుంది. తమ సినిమాకు తెగే ప్రతి టికెట్టులో రూ.5లను అయోధ్య రామమందిరానికి విరాళమిచ్చింది హనుమాన్ చిత్ర బృందం. ఇప్పుడిదే బాటలో ‘రామ్’ చిత్రం కూడా మరో మంచి పనికి శ్రీకారం చుట్టింది. తమ సినిమా ప్రతి టికెట్పై వచ్చే రూ. 5లను నేషనల్ డిఫెన్స్ ఫండ్కు విరాళం అందించనున్నట్లు రామ్ చిత్ర బృందం ప్రకటించింది. దేశ భక్తి కథతో తెరకెక్కిన ఈ మూవీలో అయ్యల సోమయాజుల, ధన్యా బాలకృష్ణ జంటగా నటిస్తున్నారు. మిహిరామ్ వైనతేయ దర్శకుడిగా ఇండస్ట్రీకి పరిచయం అవుతున్నారు. దీపికాంజలి వడ్లమాని ఎంతో ప్రతిష్ఠాత్మకంగా రామ్ సినిమాను నిర్మిస్తున్నారు. గణతంత్ర దినోత్సవం కానుకగా జనవరి 26న ఈ సినిమా విడుదల కానుంది. తాజాగా రామ్ మూవీ ప్రీ రిలీజ్ ఈవెంట్ని గ్రాండ్గా నిర్వహించారు మేకర్స్. ఈ సందర్భంగా చిత్ర నిర్మాత దీపికాంజలి కీలక ప్రకటన చేశారు. ఈ సినిమాకు తెగే ప్రతి టికెట్ మీద ఐదు రూపాయలు నేషనల్ డిఫెన్స్ ఫండ్కు విరాళంగా అందజేస్తామని ప్రకటించారు.
‘మాకు ఎలాంటి బ్యాగ్రౌండ్ లేదు. మాకు ఇదే మొదటి సినిమా. దర్శకుడు చెప్పిన బడ్జెట్లో రామ్ను అద్భుతంగా తెరకెక్కించాం. ఇందులో భాను చందర్, సాయి కుమార్, శుభలేఖ సుధాకర్ వంటి దిగ్గజాలు నటించారు. వారి నటన గురించి మాట్లాడే స్థాయి నాకు లేదు. మా సినిమాకు తెగే ప్రతి టికెటలో రూ.5లను నేషనల్ డిఫెన్స్ ఫండ్కు విరాళంగా అందేజేస్తాం. మన దేశ సైనికులకు ఈ సినిమాను అంకితం చేస్తున్నాం’ అని నిర్మాత దీపికాంజలి తెలిపారు. రామ్ చిత్ర బృందం తీసుకున్న నిర్ణయంపై సర్వత్రా ప్రశంసలు వస్తున్నాయి. సైనికుల సంక్షేమం కోసం చాలా మంచి నిర్ణయం తీసుకున్నారంటూ పలువురు ప్రముఖులు కితాబిస్తున్నారు.
సైనికులకు మా సినిమా అంకితం..
We Pledge To Donate Rs.5/- From Every Ticket Of Ram Sold To National Defence Fund : Producer Deepikanjali
Ram (RAM Rapid Action Mission) is a patriotic film that is set for release on January 26th. pic.twitter.com/b1k7hCzKFA
— Vamsi Kaka (@vamsikaka) January 24, 2024
View this post on Instagram
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి
