Ram Charan & Shankar: ఫస్ట్ షెడ్యూల్ పూర్తిచేసిన రామ్ చరణ్.. RC15 సినిమా అప్డేట్..

మెగాప‌వ‌ర్‌స్టార్ రామ్‌చ‌ర‌ణ్‌, స్టార్ డైరెక్టర్ శంక‌ర్ కాంబినేష‌న్‌లో తెరకెక్కుతున్న సినిమా RC15. ఈ చిత్రాన్ని శ్రీ వెంక‌టేశ్వర క్రియేష‌న్స్ బ్యానర్ పై భారీ పాన్ ఇండియాగా దిల్‌రాజు, శిరీశ్ సంయుక్తంగా నిర్మిస్తున్నారు. ఇందులో చరణ్ సరసన కియారా అద్వానీ నటిస్తోంది.. అలాగే ఇందులో సునీల్ కీలకపాత్రలో నటిస్తున్నాడు. తాజాగా ఈ మూవీ ఫస్ట్ షెడ్యూల్ పూర్తిచేసుకుంది. ఈ విషయాన్ని చిత్రయూనిట్ అధికారికంగా ప్రకటించింది.

పూనే, స‌తారా, పాల్‌ట‌న్ ప్రాంతాల్లో స్పెష‌ల్ సీక్వెన్స్‌ల‌ను ఈ షెడ్యూల్‌లో చిత్రీక‌రించారు. శంకర్ అన‌గానే భారీత‌నం ఉన్న సినిమాలే గుర్తుకు వ‌స్తాయి. వాటికి ధీటుగా స్టైలిష్‌గా స‌న్నివేశాల‌ను చిత్రీక‌రించారు. గ్రాండ్‌గా చిత్రీక‌రించిన‌ సన్నివేశాలు సినిమాలో వ‌న్ ఆఫ్ ది హైలైట్ అంశాలుగా నిలుస్తాయి. సినిమా కాస్ట్ అండ్ క్రూను డైరెక్టర్ శంక‌ర్ ముందుకు న‌డిపిన విధానం, ఔట్‌పుట్‌పై మేక‌ర్స్ హ్యపీగా ఉన్నారు. అలాగే.. మూవీలో స‌రికొత్త పాత్రలో రామ్‌చ‌ర‌ణ్‌ను శంక‌ర్ స‌రికొత్త రీతిలో ప్రెజంట్ చేయ‌బోతున్నారు. ఇటు ప్రేక్షకుల‌ను, అటు మెగాభిమానుల అంచనాల‌ను మించి సినిమా ఉంటుందని తెలుస్తోంది. ప్రస్తుతం చరణ్…ద‌ర్శక‌ధీరుడు రాజమౌళి ద‌ర్శక‌త్వంలో యంగ్ టైగ‌ర్ ఎన్టీఆర్‌తోక‌లిసి ఆర్ఆర్ఆర్.. కొర‌టాల శివ‌ ద‌ర్శక‌త్వంలో మెగాస్టార్ చిరంజీవితో క‌లిసి ఆచార్య సినిమాలు చేస్తున్నాడు..

రామ్‌చ‌ర‌ణ్ హీరోగా నటిస్తోన్న 15వ చిత్రమిది. అలాగే శ్రీమ‌తి అనిత స‌మ‌ర్పణ‌లో శ్రీ వెంక‌టేశ్వర క్రియేష‌న్స్ నిర్మిస్తోన్న 50వ మూవీ ఇది. త‌న బ్యాన‌ర్‌లో మ‌రే సినిమాకు పెట్టనంత భారీ బ‌డ్జెట్‌తో, గ్రాండ్ స్కేల్‌తో ఇండియ‌న్ సినిమాల్లోనే ల్యాండ్ మార్క్ మూవీలా నిలిచిపోయేలా దిల్‌రాజు, శిరీశ్ ఈ చిత్రాన్ని నిర్మిస్తున్నారు. పాన్ ఇండియా మూవీగా ప‌లు భాష‌ల్లో రూపొందుతోన్న ఈ సినిమాపై భారీ అంచ‌నాలు ఏర్పడ్డాయి. జ‌యరామ్‌, అంజ‌లి, సునీల్, శ్రీకాంత్‌, న‌వీన్ చంద్ర త‌దిత‌రులు ఈ చిత్రంలో ప్రధాన పాత్రలు పోషిస్తున్నారు. మ్యూజిక్ సెన్సేష‌న్ ఎస్‌.ఎస్‌.త‌మ‌న్‌ సంగీతం సార‌థ్యం వ‌హిస్తోన్న ఈ చిత్రంలో పాట‌ల‌ను రామ‌జోగ‌య్య శాస్త్రి, అనంత శ్రీరామ్ రాస్తుండ‌గా మాట‌ల‌ను సాయి మాధ‌వ్ బుర్రా రాస్తున్నారు. తిరు సినిమాటోగ్రఫీ, అన్బరివు యాక్షన్ స‌న్నివేశాల‌ను రూపొందిస్తున్నారు.

It’s a wrap !!

Completed first schedule of #RC15 in Pune, Satara and Phalton.

Megapower Star @alwaysramcharan and Maverick Director @shankarshanmugh are all set to deliver something very special !!@advani_kiara @DOP_Tirru @MusicThaman @SVC_official#SVC50 pic.twitter.com/PF3FxowYze

— Sri Venkateswara Creations (@SVC_official) November 3, 2021

Also Read: Sarkaru Vaari Paata: సర్కారు వారి పాట స్పెషల్ అప్డేట్ వచ్చేసింది.. రిలీజ్ డేట్ మార్చుకున్న మహేష్..

Bigg Boss 5 Telugu Promo: యాంకర్ రవికి చుక్కలు చూపించిన హౌస్‏మేట్స్.. ఒంటినిండా పేడ పూసి.. పేడ నీళ్లు పోసి..

Chinmayi Sripada: ఆ హక్కు నీకుంది.. ఎవరి పెత్తనం అవసరం లేదు.. సింగర్ చిన్మయి షాకింగ్ కామెంట్స్..