Prabhas: ప్రభాస్ కోసం మరో అందమైన ప్రేమకథ రెడీ.. ఆ డైరెక్టర్తో మూవీ చేయనున్న డార్లింగ్ ?..
రాధేశ్యామ్ వంటి ప్రేమకథ తర్వాత రామాయణ ఇతిహాసంతో థియేటర్లలో సందడి చేశారు. అయితే బాహుబలి తర్వాత డార్లింగ్ నటించిన అన్ని సినిమాలు బాక్సాఫీస్ వద్ద అంతగా ఆకట్టుకోలేకపోయాయి. దీంతో ఇప్పుడు డార్లింగ్ ఫ్యాన్స్ ఆశలన్నీ ప్రాజెక్ట్, సలార్ చిత్రాలపైనే ఉన్నాయి. ఇవే కాకుండా అటు డైరెక్టర్ మారుతి దర్శకత్వంలోనూ ఓ సినిమా చేస్తున్నారు ప్రభాస్. అయితే ఈ మూవీకి సంబంధించి ఇప్పటివరకు ఎలాంటి అప్డేట్, పోస్టర్ రిలీజ్ చేయలేదు.
యంగ్ రెబల్ స్టార్ ప్రభాస్ ప్రస్తుతం బ్యాక్ టూ బ్యాక్ సినిమాలతో బిజీగా ఉన్న సంగతి తెలిసిందే. డార్లింగ్ నటిస్తోన్న రెండు సినిమాలు సలార్, కల్కి 2898AD సినిమాలపై అంచనాలు ఎక్కువగానే ఉండగా.. ఈ మూవీస్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఇప్పటికే విడుదలైన ఈ రెండు సినిమాల గ్లింప్స్, పోస్టర్స్ మరింత హైప్ పెంచేసిన సంగతి తెలిసిందే. అంతేకాకుండా ఈ రెండింటిలో పవర్ ఫుల్ పాత్రలలో కనిపించనున్నారు. అయితే చాలా రోజులుగా ప్రభాస్ డిఫరెంట్ స్టోరీస్తో ప్రేక్షకుల ముందుకు వస్తున్నారు. రాధేశ్యామ్ వంటి ప్రేమకథ తర్వాత రామాయణ ఇతిహాసంతో థియేటర్లలో సందడి చేశారు. అయితే బాహుబలి తర్వాత డార్లింగ్ నటించిన అన్ని సినిమాలు బాక్సాఫీస్ వద్ద అంతగా ఆకట్టుకోలేకపోయాయి. దీంతో ఇప్పుడు డార్లింగ్ ఫ్యాన్స్ ఆశలన్నీ ప్రాజెక్ట్, సలార్ చిత్రాలపైనే ఉన్నాయి. ఇవే కాకుండా అటు డైరెక్టర్ మారుతి దర్శకత్వంలోనూ ఓ సినిమా చేస్తున్నారు ప్రభాస్. అయితే ఈ మూవీకి సంబంధించి ఇప్పటివరకు ఎలాంటి అప్డేట్, పోస్టర్ రిలీజ్ చేయలేదు.
ఇవే కాకుండా ప్రభాస్ ఖాతాలో మరో అందమైన ప్రేమకథ చేరబోతుందని టాక్ వినిపిస్తోంది. త్వరలోనే తన నెక్ట్స్ ప్రాజెక్ట్ పై అఫీషియల్ అనౌన్స్మెంట్ రానున్నట్లు తెలుస్తోంది. ఇంతకీ ఆ అందమైన ప్రేమకథను తెరకెక్కించేది ఎవరనుకుంటున్నారు.. అతనే డైరెక్టర్ హను రాఘవపూడి. ఇటీవలే సీతారామం సినిమాతో సూపర్ హిట్ అందుకున్నారు హను. ఈ మూవీ తర్వాత మరో ప్రాజెక్ట్ అనౌన్స్ చేయలేదు. అయితే తాజాగా వినిపిస్తోన్న సమాచారం ప్రకారం.. ప్రభాస్ కోసం హను ఓ మంచి లవ్ స్టోరీ సిద్ధం చేసుకున్నారట.
ఇక ఈసినిమా స్టోరీని ప్రభాస్ కు చెప్పడంతో ఆయనకు తెగ నచ్చేసిందని.. కథలో కొన్ని మార్పులు చేసి త్వరలోనే ప్రభాస్ కు ఫైనల్ నెరేషన్ ఇవ్వబోతున్నారట. అక్టోబర్ 2 ప్రభాస్ పుట్టినరోజు సందర్భంగా వీరిద్దరి కాంబో ప్రాజెక్ట్ పై అధికారిక ప్రకటన రానుందని అంటున్నారు. అలాగే ఈ సినిమా రెగ్యులర్ షూటింగ్ ఈ ఏడాది చివర్లో డిసెంబర్ నెలలో స్టార్ట్ చేయాలని భావిస్తున్నారట. మరీ ఇందులో నిజమెంత ఉందో తెలియాలంటే ఇంకా కొన్ని రోజులు వెయిట్ చేయాల్సిందే.
