Pushpa 2: ‘పుష్ప 2’ డైలాగ్ లీక్ చేసిన అల్లు అర్జున్.. వైరలవుతున్న వీడియో..
ఇక ఈ సినిమా అప్డేట్స్ కోసం చాలా కాలంగా ఫ్యాన్స్ వెయిట్ చేస్తుండగా.. తాజాగా స్వయంగా బన్నీ తన సినిమాలోనే డైలాగ్ లీక్ చేశారు. గురువారం సాయంత్రం జరిగిన బేబీ సినిమా ప్రసంశా సమావేశానికి ముఖ్య అతిథిగా విచ్చేసిన బన్నీ ఆసక్తికర కామెంట్స్ చేశారు. ఈ క్రమంలో పుష్ప 2 డైలాగ్ చెప్పి అక్కడున్నవారిని ఆకట్టుకున్నారు.
Updated on: Jul 21, 2023 | 3:25 PM
స్టైలీష్ స్టార్ అల్లు అర్జున్ ప్రస్తుతం పుష్ప 2 షూటింగ్లో బిజీగా ఉన్న సంగతి తెలిసిందే. గతంలో వచ్చిన పుష్ప మూవీ బ్లాక్ బస్టర్ హిట్ కావడంతో సెకండ్ పార్ట్ పై భారీగా అంచనాలు నెలకొన్నాయి. ఈ మూవీ కోసం పాన్ ఇండియా సినీ ప్రియులు ఆసక్తిగా వెయిట్ చేస్తున్నారు. డైరెక్టర్ సుకుమార్ ఎంతో ప్రతిష్టాత్మకంగా తెరకెక్కిస్తోన్న ఈ సినిమాలో నేషనల్ క్రష్ రష్మిక మందన్న, మలయాళీ నటుడు ఫహాద్ ఫాజిల్ కీలకపాత్రలలో నటిస్తున్నారు. ఇప్పటికే విడుదలైన టీజర్ మూవీపై మరింత హైప్ క్రియేట్ చేసింది. ఇక ఈ సినిమా అప్డేట్స్ కోసం చాలా కాలంగా ఫ్యాన్స్ వెయిట్ చేస్తుండగా.. తాజాగా స్వయంగా బన్నీ తన సినిమాలోనే డైలాగ్ లీక్ చేశారు. గురువారం సాయంత్రం జరిగిన బేబీ సినిమా ప్రసంశా సమావేశానికి ముఖ్య అతిథిగా విచ్చేసిన బన్నీ ఆసక్తికర కామెంట్స్ చేశారు. ఈ క్రమంలో పుష్ప 2 డైలాగ్ చెప్పి అక్కడున్నవారిని ఆకట్టుకున్నారు.
డైరెక్టర్ సాయి రాజేశ్ దర్శకత్వంలో ఆనంద్ దేవరకొండ, వైష్ణవి చైతన్య జంటగా నటించిన బేబీ సినిమా సూపర్ హిట్ అయిన సంగతి తెలిసిందే. ట్రైయాంగిల్ లవ్ స్టోరీగా వచ్చిన ఈ మూవీ ప్రేక్షకులను ఆకట్టుకుంటుంది. విడుదలైన వారం రోజుల్లోనే భారీగా వసూళ్లు రాబట్టి థియేటర్లలో సక్సెస్ ఫుల్ గా దూసుకుపోతుంది. ఈ క్రమంలో ఈ సినిమా భారీ విజయాన్ని సాధించినందుకు గానూ మేకర్స్ గురువారం సాయంత్రం హైదరాబాద్లో బేబీ ప్రసంశా సమావేశం నిర్వహించగా.. బన్నీ అతిథిగా వచ్చారు. ఈ వేదికపై బన్నీ మాట్లాడుతూ ఫ్యాన్స్ కోరిక మేరకు పుష్ప 2 డైలాగ్ చెప్పారు.
పుష్ప 2.. ది రూల్.. “ఇడంతా జరిగేది ఒకటే రూల్ మీద జరుగుతుండాది..అదే పుష్పగాడి రూల్.” అంటూ పుష్ప 2 డైలాగ్ చెప్పారు. ప్రస్తుతం బన్నీకి సంబంధించిన వీడియో నెట్టింట వైరలవుతుంది. అయితే పుష్ప 2లో బన్నీ, ఎస్పీ భన్వర్ సింగ్ షేకావత్ మధ్య ఎక్కువగా యాక్షన్ సన్నివేశాలు ఉంటాయని.. పార్ట్ 2 మొత్తం ఎక్కుగా సంఘర్షణల మధ్య తిరుగుతుంటుందని సమాచారం.
Icon StAAr #AlluArjun LEAKS #Pushpa 2 dialogue on the stage.
| #Pushpa2 | #PushpaTheRule | pic.twitter.com/QXbEaSnR7S
— Manobala Vijayabalan (@ManobalaV) July 20, 2023
మరిన్ని సినిమా వార్తల కోసం ఇక్కడ క్లిక్ చేయండి.
