Pawan Kalyan: వరుస సినిమాలతో పవన్ జోరు.. మరో దర్శకుడికి గ్రీన్ సిగ్నల్ ఇచ్చిన పవర్ స్టార్..

Pawan Kalyan: పవర్ స్టార్ పవన్ కళ్యాణ్ ప్రస్తుతం వరుస సినిమాలతో ఫుల్ బిజీగా ఉన్నారు. ప్రస్తుతం పవన్ కళ్యాణ్ నటిస్తున్న భీమ్లానాయక్ సినిమా షూటింగ్ చివరిదశలో ఉంది. ఈ సినిమాలో దగ్గుబాటి రానా కూడా నటిస్తున్న విషయం తెలిసిందే.. మలయాళంలో సూపర్ హిట్ గా నిలిచిన అయ్యప్పనుమ్ కోషియం సినిమా  రీమేక్ జీ ఈ సినిమా రానుంది. సాగర్ చంద్ర దర్శకత్వం వహిస్తున్న ఈ సినిమాకు స్క్రీన్ ప్లే, డైలాగ్స్ బాధ్యతలను మాటల మాంత్రికుడు త్రివిక్రమ్ తీసుకున్నారు. ఈ సినిమాలో పవన్ కు జోడీగా నిత్యామీనన్, రానా సరసన సంయుక్తమీనన్ నటిస్తున్నారు.ఇప్పటికే విడుదలైన ఈ సినిమా పోస్టర్లు, పాటలు, టీజర్ సినిమాపై అంచనాలను భారీగా పెంచేశాయి.  ఈ సినిమా తర్వాత క్రిష్ దర్శకత్వంలో ఓ సినిమా చేస్తున్నాడు పవన్. హరిహర వీరమల్లు అనే టైటిల్ తో సినిమా చేస్తున్నారు. ప్రియాడికల్ డ్రామాగా ఈ సినిమాను రూపొందిస్తున్నాడు దర్శకుడు క్రిష్. ఇక ఈ సినిమా షూటింగ్ ఇప్పటికే మొదలైంది. కానీ కరోనా కారణంగా వాయిదా పడుతూ వస్తుంది.

ఈ సినిమా తర్వాత హరీష్ శంకర్ తో సినిమా చేస్తున్నారు పవన్. ఈ సినిమా భవదీయుడు భగత్ సింగ్ అనే టైటిల్ ను ఖరారు చేశారు. ఈ సినిమా తర్వాత సురేందర్ రెడ్డి డైరెక్షన్ లో ఓ సినిమా చేయబోతున్నాడు పవన్. ఇలా వరుస సినిమాలను లైనప్ చేసిన పవన్ ఇప్పుడు మరో డైరెక్టర్ కు గ్రీన్ సిగ్నల్ ఇచ్చారని టాక్ నడుస్తుంది. డైరెక్టర్ రమేష్ వర్మతో సినిమా చేయడానికి పవన్ సిద్ధం అవుతున్నారని ఓ వార్త ఇప్పుడు ఫిలిం సర్కిల్స్ లో చక్కర్లు కొడుతుంది. ప్రస్తుతం రమేష్ వర్మ డైరెక్ట్ చేసిన ఖిలాడి సినిమా ఫిబ్రవరి 11న ప్రేక్షకుల ముందుకు రానుంది. ఈ సినిమా మాస్ మహారాజా ద్విపాత్రాభినయంతో అలరించనున్నాడని తెలుస్తుంది. ఇప్పటికే విడుదలైన ఖిలాడి టీజర్, ట్రైలర్, పాటలు సినిమాపై భారీ అంచనాలను క్రియేట్ చేశాయి. మరి ఈ సినిమా రిలీజ్ తర్వాత రమేష్ వర్మ పవన్ కోసం స్క్రిప్ట్ ను సిద్ధం చేయనున్నారని తెలుస్తుంది.  మరి ఇందులో వాస్తవమెంతన్నది చూడాలి.

మరిన్ని ఇక్కడ చదవండి :

Bangarraju: ఓటీటీలోకి అడుగుపెట్టనున్న బంగార్రాజు.. స్ట్రీమింగ్ ఎప్పుడంటే..

Aadavallu Meeku Johaarlu: భారీ ధరకు శర్వానంద్ సినిమా థియేట్రికల్ రైట్స్.. కుర్రహీరో కెరీర్‌లోనే అతిపెద్ద డీల్

UnstoppableWith NBK: మెగాస్టార్‌ ఎపిసోడ్‌ ఉండుంటే అన్‌స్టాపబుల్‌ మరో లెవెల్లో ఉండేది.. టాక్‌ షో డైరెక్టర్‌ ఆసక్తికర వ్యాఖ్యలు..