Gaddar Telangana Film Awards 2024: ‘గద్దర్’ అవార్డుల ప్రకటన.. సీఎం రేవంత్ రెడ్డి గురించి చిరంజీవి ఏమన్నారంటే?

తెలంగాణ రాష్ట్ర ప్రభుత్వం ప్రతిష్ఠాత్మక గద్దర్ సినిమా అవార్డులను ప్రకటించింది. 2024 సంవత్సరానికి గానూ గురువారం (మే 29) జ్యూరీ పర్సన్ జయసుధ, టీఎఫ్‌డీసీ చైర్మన్ దిల్ రాజు ఈ అవార్డు గ్రహీతల పేర్లను ప్రకటించారు. త్వరలోనే ఈ పురస్కారాలను ప్రదానం చేయనున్నారు.

CM Revanth Reddy, Chiranjeevi

Basha Shek |
Updated on: May 29, 2025 | 7:43 PM

ప్రతిష్టాత్మక గద్దర్ సినిమా అవార్డులను తెలంగాణ ప్రభుత్వం గురువారం ప్రకటించింది. టీఎఫ్ డీసీఛైర్మన్ దిల్‌రాజుతో కలిసి జ్యూరీ చైర్‌పర్సన్‌ జయసుధ అవార్డు గ్రహీతల పేర్లను ప్రకటించారు. ఈ అవార్డుల కోసం మొత్తం 1248 నామినేషన్లు రాగా వాటిని పరిశీలించిన అనంతరం అవార్డు గ్రహీతల పేర్లను ప్రకటించారు. కాగా సుమారు 14 ఏళ్ల తర్వాత రాష్ట్ర ప్రభుత్వం సినిమా పురస్కారాలను అందించనుంది. జూన్ 14న హైదరాబాద్ హైటెక్స్‌లో 2024 గద్దర్ ఫిలిం అవార్డుల ప్రదానోత్సవం జరగనుంది. కాగా ఈ అవార్డుల్లో ‘పుష్ప 2’ చిత్రానికి గానూ అల్లు అర్జున్‌ ఉత్తమ నటుడిగా ఎంపికయ్యారు. అలాగే ప్రభాస్ కల్కి ఉత్తమ చిత్తంగా నిలిచింది. వీటితో పాటు పలువురు సినీ ప్రముఖులు, చిత్రాలకు గద్దర్ అవార్డుల్లో స్థానం దక్కింది. ఈ క్రమంలో గద్దర్ అవార్డు విజేతలకు పలువురు సినీ ప్రముఖులు అభినందనలు, శుభాకాంక్షలు తెలియజేస్తున్నారు. తాజాగా మెగాస్టార్ చిరంజీవి గద్దర్ అవార్డు గ్రహీతలకు శుభాకాంక్షలు చెప్పారు. ఈ మేరకు సోషల్ మీడియా వేదికగా ఆయన ఒక పోస్ట్ పెట్టారు.

‘ ప్రతిష్ఠాత్మక గద్దర్ అవార్డులు అందుకోబోతున్న విజేతలు అందరికీ శుభాకాంక్షలు. ఇలాంటి అవార్డులు మన లాంటి నటులకు రెట్టింపు ఉత్సాహాన్ని ఇస్తాయి. తెలంగాణ ప్రభుత్వం ఈ అద్భుతమైన సంప్రదాయాన్ని పునరుద్ధరించడం చాలా సంతోషం. ఇందుకు కృషి చేసిన ముఖ్యమంత్రి రేవంత్ రెడ్డికి, ఆయన మంత్రివర్గానికి, అధికారులకు ధన్యవాదాలు’ అని చిరంజీవి పేర్కొన్నారు. అంతకు ముందు టాలీవుడ్ ఐకాన్ స్టార్ అల్లు అర్జున్, యంగ్ టైగర్ ఎన్టీఆర్ కూడా గద్దర్ అవార్డు విజేతలకు అభినందనలు తెలిపారరు.

ఇవి కూడా చదవండి

మెగాస్టార్ చిరంజీవి ట్వీట్..

Hearty Congratulations to each and every winner of the First #GaddarTelanganaFilmAwards for the year 2024. 👏👏

State recognition is extremely precious and motivating for any Artiste and Technician in the Creative fraternity. It’s greatly encouraging to see the Government of…

— Chiranjeevi Konidela (@KChiruTweets) May 29, 2025

అల్లు అర్జున్ రియాక్షన్..

I am truly honoured to receive the first Best Actor award for #Pushpa2 at the #GaddarTelanganaFilmAwards 2024.

Heartfelt thanks to the Government of Telangana for this prestigious honour .

All credit goes to my director Sukumar garu, my producers, and the entire Pushpa team.

I…

— Allu Arjun (@alluarjun) May 29, 2025