Bhola Shankar: మెగా ఫ్యాన్స్‌కు కిక్ ఇచ్చే న్యూస్.. భోళా శంకర్ మూవీపై కీలక అప్డేట్
మెగాస్టార్ బ్యాక్ టు బ్యాక్ సినిమాలను లైనప్ చేసిన విషయం తెలిసిందే.. ఆచార్య సినిమా తర్వాత చిరు చేస్తున్న సినిమా గాడ్ ఫాదర్.
Updated on: Jun 11, 2022 | 11:26 AM
మెగాస్టార్ చిరంజీవి(Megastar Chiranjeevi) బ్యాక్ టు బ్యాక్ సినిమాలను లైనప్ చేసిన విషయం తెలిసిందే.. ఆచార్య సినిమా తర్వాత చిరు చేస్తున్న సినిమా గాడ్ ఫాదర్. మోహన్ రాజా దర్శకత్వం వహిస్తున్న ఈ సినిమా ప్రస్తుతం షూటింగ్ దశలో ఉంది. ఈ మూవీ తర్వాత మెహర్ రమేష్ దర్శకత్వంలో చేస్తున్నారు మెగాస్టార్. చాలా కాలంగా మెహర్ రమేష్ సైలెంట్ గా ఉంటున్నారు 2013లో వెంకటేష్ హీరోగా నటించిన షాడో సినిమా తర్వాత ఇప్పుడు సినిమా చేస్తున్నారు రమేష్. ఈ మెగా మాసివ్ యాక్షన్ ఎంటర్‌టైనర్ కు “’భోళా శంకర్” అనే పవర్ ఫుల్ టైటిల్ ను ఫిక్స్ చేశారు. ఇప్పుడు ఈ సినిమా కొత్త షెడ్యూల్ కోసం సిద్ధమవుతోంది. రామబ్రహ్మం సుంకర నిర్మిస్తున్న ఈ భారీ చిత్రం కొత్త షూటింగ్ షెడ్యూల్ జూన్ 21 నుంచి ప్రారంభం కానుంది. ‘మెగావైబ్ తో కొత్త షెడ్యూల్ కోసం ఉత్సాహంగా ఎదురుచూస్తున్నాం”అని చిత్ర యూనిట్ ట్వీట్ చేసింది.
మహా శివరాత్రి శుభ సందర్భంగా విడుదలైన ఈ సినిమా ఫస్ట్ లుక్ కి అన్ని వర్గాల ప్రేక్షకుల నుండి భారీ రెస్పాన్స్ వచ్చింది. ఫస్ట్ లుక్ లో మెగాస్టార్ చిరంజీవిని మెగా స్టైలిష్ గా కనిపించి అలరించారు. ఈ కమర్షియల్ ఎంటర్‌టైనర్‌లో జాతీయ ఉత్తమ నటి కీర్తి సురేష్ చిరంజీవి చెల్లెలుగా నటిస్తుండగా, డాజ్లింగ్ బ్యూటీ తమన్నా మరో ప్రధాన పాత్రలో కనిపించనుంది. క్రియేటివ్ కమర్షియల్స్‌తో కలిసి అనిల్ సుంకర ఎకె ఎంటర్‌టైన్‌మెంట్స్ ఈ చిత్రాన్ని నిర్మిస్తోంది. మహతి స్వర సాగర్ సంగీతం అందించగా, డూడ్లే సినిమాటోగ్రఫీ అందిస్తున్నారు. సత్యానంద్ కథ పర్యవేక్షకుడిగా, తిరుపతి మామిడాల డైలాగ్ రైటర్ గా , మార్తాండ్ కె వెంకటేష్ ఎడిటర్ గా, ఎఎస్ ప్రకాష్ ప్రొడక్షన్ డిజైనర్ గా పని చేస్తున్న ఈ చిత్రానికి కిషోర్ గరికిపాటి ఎగ్జిక్యూటివ్ నిర్మాత. ఈ ఏడాది చివర్లో భోళా శంకర్ ప్రపంచవ్యాప్తంగా థియేటర్లలో విడుదల చేయడానికి సన్నాహాలు చేస్తున్నారు.
Pumped up with the Mega VIBE ⚡
Team #BholaaShankar ? is ecstatic to begin the new schedule ? from JUNE 21st ?
Mega?@KChiruTweets @MeherRamesh @AnilSunkara1 @tamannaahspeaks @KeerthyOfficial #MahathiSwaraSagar @AKentsOfficial @BholaaShankar pic.twitter.com/maNsNwj63f
— BholāShankar (@BholaaShankar) June 9, 2022
మరిన్ని సినిమా వార్తలు కోసం ఇక్కడ క్లిక్ చేయండి .
