Salaar : ఆ విషయంలో మరోసారి క్లారిటీ ఇచ్చిన ‘సలార్’ మూవీ మేకర్స్.. ఇంట్రెస్టింగ్ అప్డేట్..

ఇప్పుడు అంతా ‘సలార్’ కోసమే ఎదురుచూపులు. దాదాపు మూడు నెలల తర్వాత ఇటలీ నుంచి హైదరాబాద్ చేరుకున్నాడు యంగ్ రెబల్ స్టార్ ప్రభాస్. గత కొన్నాళ్లుగా మోకాలీ నొప్పితో బాధపడుతున్న ప్రభాస్.. ఇటీవల ఇటలీలో సర్జరీ చేయించుకున్నారు. అనంతరం అక్కడే విశ్రాంతి తీసుకున్న ఆయన.. బుధవారం తిరిగి రాగా.. ఇందుకు సంబంధించిన ఫోటోస్, వీడియోస్ సోషల్ మీడియాలో వైరలయ్యాయి. ప్రభాస్ తిరిగి రావడంతో ‘సలార్’ ఆగయా.. కింగ్ ఈజ్ బ్యాక్ అంటూ సంతోషం వ్యక్తం చేశారు ఫ్యాన్స్. ఇక త్వరలోనే సలార్ మూవీ ప్రమోషన్స్ స్టార్ట్ కానున్నట్లు తెలుస్తోంది. కేజీఎఫ్ సెన్సెషన్ డైరెక్టర్ ప్రశాంత్ నీల్ దర్శకత్వం వహిస్తున్న ఈ సినిమాపై ఇప్పటికే భారీ అంచనాలు నెలకొన్నాయి. ఇందులో శ్రుతిహాసన్ హీరోయిన్ కాగా.. మలయాళీ నటుడు పృథ్వీరాజ్ సుకుమారన్, జగపతి బాబు కీలకపాత్రలు పోషిస్తున్నారు.

కేజీఎఫ్ చిత్రాలతో బాక్సాఫీస్ ను షేక్ చేసిన నీల్.. ఇప్పుడు ప్రభాస్ ప్రధాన పాత్రలో సలార్ చిత్రాన్ని రెండు భాగాలుగా తెరకెక్కిస్తుండడంతో ఈ మూవీని ఎప్పుడెప్పుడూ చూడాలా అని వెయిట్ చేస్తున్నారు ఫ్యాన్స్. ఇప్పటికే షూటింగ్ కంప్లీట్ చేసుకుని పోస్ట్ ప్రొడక్షన్ పనులు జరుపుకుంటున్న ఈ సినిమా క్రిస్మస్ కానుకగా డిసెంబర్ 22న విడుదల కానుంది. ఈ క్రమంలోనే త్వరలోనే ఈ సినిమా ప్రమోషన్స్ షూరు కానున్నట్లు తెలుస్తోంది. దేశంలోని వివిధ ప్రాంతాలలో సలార్ ఈవెంట్స్ జరగనున్నాయని.. అన్నింటిలోనూ ప్రభాస్ పాల్గొని మీడియాతో ఇంట్రాక్ట్ కానున్నట్లు సమాచారం.

ఇవి కూడా చదవండి

నిధి అందాల వల.. శ్రీలీల క్యూట్ లక్స్.. అనన్య స్టైలీష్ లుక్స్..

'మా బాపు బొమ్మకు పెళ్లంటా' హీరోయిన్ ఎంతగా మారిపోయిందో చూశారా ?..

'అతడు నా ప్రేమను రిజెక్ట్ చేశాడు.. ఎంతో బాధపడ్డాను'.. పాయల్..‏

'అందరిని నమ్మకు..'శివాజీకి కొడుకు సలహా..

💥💥💥#SalaarCeaseFireOnDec22 pic.twitter.com/VxZMyKL9QI

— Salaar (@SalaarTheSaga) November 8, 2023

ఈ క్రమంలోనే తాజాగా సలార్ రిలీజ్ డేట్ పై మరోసారి క్లారిటీ ఇచ్చారు మేకర్స్. ఈ సినిమాను ముందుగా ప్రకటించినట్లుగానే డిసెంబర్ 22న విడుదల చేస్తున్నామని చిన్న క్లిప్ షేర్ చేస్తూ క్లారిటీ ఇచ్చేశారు. దీంతో ఇన్నాళ్లుగా సలార్ వాయిదా అంటూ నెట్టింట జరుగుతున్న రూమర్లకు చెక్ పడింది. అలాగే హిందీ థియేట్రికల్ రైట్స్ విషయంలో సమస్యలు ఉన్నాయని.. దాంతో మరోసారి సినిమా వాయిదా పడుతుందని టాక్ నడుస్తోంది. దీంతో సినిమా విడుదల తేదీపై క్లారిటీ ఇచ్చేసింది చిత్రయూనిట్. ఈ సినిమాను హోంబలే ఫిల్మ్స్ బ్యానర్ పై విజయ్ కిరంగదూర్ భారీ బడ్జెట్ తో అత్యంత ప్రతిష్టాత్మకంగా నిర్మిస్తున్నారు.

പ്രിയപ്പെട്ട 𝐊𝐞𝐫𝐚𝐥𝐚-ത്തിൽ #SalaarCeaseFire അവതരിപ്പിക്കാൻ @PrithvirajProd-മായി പങ്കാളിയാകുന്നതിൽ ഞങ്ങൾക്ക് അതിയായ സന്തോഷമുണ്ട്! അവിസ്മരണീയമായ ഒരു സിനിമാ അനുഭവത്തിനായി തയാറായിക്കോളൂ.#Salaar #Prabhas #PrashanthNeel @PrithviOfficial @shrutihaasan @hombalefilms @VKiragandur… pic.twitter.com/pAt0ezaaAR

— Salaar (@SalaarTheSaga) November 6, 2023

మరిన్ని సినిమా వార్తల కోసం ఇక్కడ క్లిక్ చేయండి.