Namrata -Mahesh Babu: ‘ఆరోజు మా జీవితాల్లో భయానకమైనది.. ఎప్పటికీ మర్చిపోలేము’.. ఆ క్షణాన్ని మళ్లీ గుర్తు చేసుకున్న నమ్రత..
పెళ్లి తర్వాత మహేష్ తో తన జీవితం ఇంత ఆనందంగా ఉండటానికి కారణం.. ఒకరిపై మరొకరికి ఉండే నమ్మకమని అన్నారు నమ్రత
Updated on: Dec 18, 2022 | 1:30 PM
గౌతమ్ సితార పుట్టిన తర్వాత తమ జీవితాలు పూర్తిగా మారిపోయాయని.. ఒక తల్లిగా ప్రతి క్షణాన్ని ఆస్వాదిస్తున్నానని అన్నారు సూపర్ స్టార్ మహేష్ బాబు సతీమణి నమ్రత. ఇటీవల ఓ ఇంటర్వ్యూలో ఆమె వ్యక్తిగత.. ఫ్యామిలీ విషయాలను పంచుకున్నారు. పెళ్లి తర్వాత మహేష్ తో తన జీవితం ఇంత ఆనందంగా ఉండటానికి కారణం.. ఒకరిపై మరొకరికి ఉండే నమ్మకమని అన్నారు. నమ్రత మాట్లాడుతూ.. ” ఇద్దరి వ్యక్తుల మధ్య నమ్మకం ఉంటే ఏ బంధమైన సంతోషంగా సాగుతుంది. మహేష్తో నా వివాహం జరిగిం 17 ఏళ్లు అవుతుంది. పెళ్లి కాకముందు మేమిద్దరం మంచి స్నేహితులం. అన్ని విషయాలను పంచుకునేవాళ్లం. మా మధ్య రహస్యాలు , అనుమానాలు, అపనమ్మకాలకు చోటు లేదు. ఒకవేళ ఆయన ఎప్పుడైనా బయటకు వెళ్తే ఎక్కడికి వెళ్లావు ? ఎవరితో ఉన్నావు ? ఏం చేస్తున్నావు ? అని పదిసార్లు ఫోన్లు చేసి విసిగించను. అనుమానించను.. ఆయన కూడా అంతే. ఇక గౌతమ్.. సితార పుట్టిన తర్వాత మా జీవితం పూర్తిగా మారిపోయింది.
ఒక తల్లిగా ప్రతి క్షణాన్ని నేను ఆస్వాదిస్తున్నాను. గౌతమ్ పుట్టిన రోజుని మేము ఎప్పటికీ మర్చిపోలేం. అది మా జీవితాల్లో ఓ భయానకమైన సమయం. ఏడో నెలలో చెకప్ కోసం ఆసుపత్రికి వెళ్లాను. బాబు పేగు మెడలో వేసుకున్నాడని.. ఊపిరి తీసుకోలేకపోతున్నాడని, హార్ట్ బీట్ సరిగా లేదని వైద్యులు చెప్పారు. మహేష్ కు ఫోన్ చేశారు. మహేష్ ఆ సమయంలో హైదరాబాద్ ఫిలింసిటీలో ఓ షూట్ లో ఉన్నారు. వెంటనే ఆసుపత్రికి వచ్చారు. సర్జరీ చేసి బాబును బయటకు తీశారు. అప్పుడు తను 1.5 కేజీలు మాత్రమే ఉన్నాడు.
బాబు విషయంలో మేము ఏం చెప్పలేమని వైద్యులు మహేష్ కు ముందే చెప్పేశారు. మూడు వారాలపాటు బాబుని వైద్యుల సంరక్షణలోనే ఉంచాం. రోజుకు కేవలం 40 గ్రాములు మాత్రమే పాలు పట్టించాలని..ప్రతి రోజూ 10 గ్రాముల బరువు పెరగాలని సూచించారు. ప్రతి రోజు నిద్రపోయే ముందు గౌతమ్ బరువు పెరగాలని దేవుడ్ని కోరుకునేవాళ్లం. గౌతమ్ ఇప్పుడు ఇలా ఉన్నాడంటే అందుకు వైద్యులే కారణం ” అంటూ చెప్పుకొచ్చారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
