Kushboo Sundar: హీరోయిన్ ఖుష్బూ ఇంట తీవ్ర విషాదం.. ఇష్టమైనవారికి వీడ్కోలు చేప్పే సమయం వస్తుందంటూ ఎమోషనల్..

తెలుగులోనే కాకుండా.. తమిళం, మలయాళం భాషలల్లో ఎన్నో హిట్ చిత్రాల్లో నటించి తనకంటూ ప్రత్యేక స్థానం సంపాందించుకున్నారు ఖుష్బూ.

Kusboo

Rajitha Chanti |
Updated on: Dec 17, 2022 | 5:05 PM

సీనియర్ హీరోయిన్ ఖుష్బూ ఇంట తీవ్ర విషాదం నెలకొంది. ఆమె సోదరుడు అబ్ధుల్లా ఖాన్ కన్నుమూశారు. ఈ విషయాన్ని తెలియజేస్తూ.. ఇన్ స్టా వేదికగా ఎమోషనల్ నోట్ షేర్ చేశారు ఖుష్బూ. మనకు ఇష్టమైనవారికి వీడ్కోలు చేప్పే సమయం వస్తుందంటూ భావోద్వేగానికి గురయ్యారు. ” మనకు ఇష్టమైనవారు ఎప్పటికీ మనతోనే ఉండాలని కోరుకుంటాము. కానీ వారికి కూడా వీడ్కోలు చెప్పే సమయం వస్తుంది. మా అన్నయ్య ప్రయాణం ఈరోజుతో ముగిసింది. ఆయన ప్రేమ , మార్గదర్శకత్వం ఎల్లప్పుడూ నాతో ఉంటుంది. ఆయన కోసం ప్రార్థించిన ప్రతి ఒక్కరికీ ధన్యవాదాలు.. అన్నయ్య చెప్పినట్లుగా, జీవిత ప్రయాణం దేవుడిచే నిర్ణయిస్తాడు. నేను ప్రతిరోజూ, అడుగడుగునా ఆయనను మిస్ అవుతాను. ఆయన ఆత్మకు శాంతి చేకూరాలని కోరుకుంటున్నాను అంటూ ఎమోషనల్ ట్వీట్ చేశారు.

తెలుగులోనే కాకుండా.. తమిళం, మలయాళం భాషలల్లో ఎన్నో హిట్ చిత్రాల్లో నటించి తనకంటూ ప్రత్యేక స్థానం సంపాందించుకున్నారు ఖుష్బూ. మెగాస్టార్ చిరంజీవి, వెంకటేష్ వంటి స్టార్స్ తో కలిసి నటించారు. ఒకప్పుడు అగ్రకథానాయికగా కొనసాగిన ఖుష్బూ.. ప్రస్తుతం సెకండ్ ఇన్నింగ్స్ లోనూ సత్తా చాటుతున్నారు. సహయనటిగా పలు కీలకపాత్రలలో కనిపిస్తున్నారు. అటు వెండితెరపైనే కాకుండా..ఇటు బుల్లితెరపై కూడా పలు రియాల్టీ షోలలో పాల్గొంటున్నారు ఖుష్బూ.

ఖుష్బూ ఇన్ స్టా పోస్ట్..