పుట్టిన వెంటనే పిల్లలు ఎందుకనీ గుక్కపట్టి ఏడుస్తారు..? నవ్వొచ్చుగా..

తల్లి గర్భం నుంచి బయటకు వచ్చిన వెంటనే నవజాత శిశువు నవ్వడం కాకుండా.. ఎందుకని బిగ్గరగా ఏడుస్తారో మీరెప్పుడైనా ఆలోచించారా? నిజానికి.. తల్లి గర్భం నుంచి శిశువు బయట కొత్త ప్రపంచంలోకి అడుగుపెడుతుంది. గర్భం లోపల ఉష్ణోగ్రత స్థిరంగా ఉంటుంది. తక్కువ వెలుతురు, తక్కువ శబ్దం ఉంటుంది. కానీ బిడ్డ బయటకు వచ్చిన వెంటనే తీవ్రమైన వెలుతురు, బయట చల్లని, వేడి వాతావరణం, వివిధ శబ్దాలు చెవులను తాకుతాయి. ఈ ఆకస్మిక మార్పుకు శిశువు శరీరం వెంటనే స్పందిస్తుంది. ఈ ప్రతిచర్య ఏడుపు ద్వారా వ్యక్తమవుతుంది. ఇది శిశువు శక్తికి సంకేతం. ఏడుపు బిడ్డ శరీరం కొత్త వాతావరణానికి అలవాటు పడుతోందని సూచిస్తుంది.

వైద్యుల అభిప్రాయం ప్రకారం.. శిశువు మొదటి ఏడుపు మంచి ఆరోగ్యానికి మొదటి సంకేతంగా పరిగణించబడుతుంది. గర్భంలో శిశువు ఊపిరితిత్తులు పూర్తిగా అభివృద్ధి చెందవు లేదా చురుకుగా ఉండవ. ఎందుకంటే వాటికి జరాయువు ద్వారా ఆక్సిజన్ సరఫరా చేయబడుతుంది. తల్లి గర్భం నుంచి బయటకు వచ్చిన వెంటనే పిల్లలు స్వయంగా గాలి పీల్చుకోవల్సి ఉంటుంది. ఈ సమయంలో పిల్లలు బలవంతంగా గాలి పీల్చుకుని, వదలుతారు. ఆ సమయంలో వారి ఊపిరితిత్తులు విస్తరిస్తాయి. వారిలోని ద్రవ పదార్థం బయటకు వస్తుంది. ఈ ప్రక్రియ వారు స్వతంత్రంగా శ్వాస తీసుకోవడానికి వీలు కల్పిస్తుంది.

మొదటి ఏడుపు కేవలం శబ్దం కాదు. ఇది మొత్తం శరీరానికి ఒక మార్పు. ఈ ఏడుపు హృదయ స్పందన రేటును పెంచుతుంది. హృదయ స్పందన, నాడి సజావుగా కొట్టుకోవడం ప్రారంభమవుతుంది. రక్త ప్రసరణ ప్రారంభమవుతుంది. అదే సమయంలో శరీర మార్పు ప్రక్రియ ప్రారంభమవుతుంది. ఆక్సిజన్ మొత్తం శరీరానికి అందించబడుతుంది. అందుకే వైద్యులు తరచుగా పుట్టిన తర్వాత శిశువు ఏడుపు వినడానికి కొంతసేపు వేచి ఉంటారు. ఎందుకంటే శిశువు ఏడుస్తుంటే దాని ఊపిరితిత్తులు, గుండె సరిగ్గా పనిచేస్తున్నాయని అర్థం. కానీ పుట్టిన తర్వాత పిల్లలు ఎందుకు నవ్వరు? అనే సందేహం కూడా చాలా మందికి ఉంటుంది. నవ్వు అనేది ఒక భావోద్వేగ, సామాజిక ప్రతిస్పందన. ఇది మెదడు అభివృద్ధితో ముడిపడి ఉంటుంది. కొన్ని రోజుల తర్వాత ఈ భావోద్వేగం ముఖంలో కూడా కనిపించడం ప్రారంభమవుతుంది. అప్పుడు శిశువు సహజంగానే నవ్వడం ప్రారంభిస్తుంది.

మరిన్ని ఆరోగ్య కథనాల కోసం క్లిక్‌ చేయండి.