Rakshit Shetty: చెంతకు వచ్చి చేజారిపోతుంది.. రక్షిత్ శెట్టి జీవితంలో ప్రేమ కలిసి రావడం లేదా ?..

కన్నడ సినీ పరిశ్రమలో అత్యధిక ఫాలోయింగ్ ఉన్న హీరోలలో రక్షిత్ శెట్టి ఒకరు. 2010లో నామ్ ఏరియల్ ఒండ్ దిన సినిమాతో ఇండస్ట్రీలోకి అడుగుపెట్టాడు. ఆ తర్వాత 2013లో సింపుల్ అగి ఓంద్ లవ్ స్టోరీ సినిమాతో భారీ విజయాన్ని అందుకున్నాడు. ఈ మూవీ తర్వాత బ్యాక్ టూ బ్యాక్ సినిమాలతో ఇండస్ట్రీలో తనకంటూ ఓ గుర్తింపు సంపాదించుకున్నాడు. మొన్నటివరకు తెలుగు ప్రేక్షకులకు రక్షిత్ అంతగా పరిచయం లేదు. కానీ అతను నటించిన 777 చార్లీ సినిమా పాన్ ఇండియా లెవల్లో విడుదలై సూపర్ హిట్ అయ్యింది. ఈ సినిమాతో తెలుగులోనూ అతడికి ఫాలోయింగ్ పెరిగింది. ఇటీవలే సప్త సాగరాలు దాటి సైడ్ ఏ సినిమాతో మరోసారి తెలుగు ప్రేక్షకుల ముందుకు వచ్చాడు రక్షిత్. ఈ సినిమాకు కన్నడలోనే కాకుండా తెలుగులోనూ మంచి రెస్పాన్స్ వచ్చింది. అయితే ఇప్పుడు ఈ మూవీ సెకండ్ పార్ట్ సప్త సాగరాలు దాటి సైడ్ బీ సినిమాతో మరోసారి టాలీవుడ్ బాక్సాఫీస్ వద్ద సందడి చేసేందుకు రెడీ అయ్యాడు. ఈసినిమాను తెలుగులో నవంబర్ 24న రిలీజ్ చేసేందుకు ప్లాన్ చేశారు మేకర్స్. ఈ క్రమంలోనే తెలుగులో వరుస ఇంటర్వ్యూలు ఇస్తూ ఫుల్ బిజీగా ఉంటున్నాడు రక్షిత్. ఈ సందర్భంగా ఓ ఇంటర్వ్యూలో ఆయన మాట్లాడిన మాటలు నెట్టింట తెగ వైరలవుతున్నాయి. ముఖ్యంగా రక్షిత్ శెట్టి కాలేజీ ప్రేమకథకు సంబంధించిన కామెంట్స్ మాత్రం నెట్టింట చక్కర్లు కొడుతున్నాయి.

కాలేజీలో రక్షిత్ శెట్టి ఓ అమ్మాయిని ప్రేమించాడట. రోజూ ఆ అమ్మాయి కాలేజీకి బస్సులో వెళ్లేదట. అదే బస్సులో తన స్నేహితుడు కూడా వచ్చేవాడని తెలిపాడు. అయితే చాలా రోజులుగా ఆ అమ్మాయిని ప్రేమించిన రక్షిత్.. ఓసారి ఆమెకు ప్రేమలేఖ రాశాడట. ఆ అమ్మాయికి నేరుగా ఇవ్వకుండా తన స్నేహితుడికి ఆ లెటర్ ఇచ్చి తనకు ఇవ్వమని చెప్పాడట. ఆ తర్వాత ఆమె నుంచి ఎలాంటి రియాక్షన్ గానీ, రెస్పాన్స్ గానీ రాలేదట. ఆ తర్వాత రెండేళ్లకు అసలు విషయం తెలిసిందట. అసలు తన స్నేహితుడు ఆ లవ్ లెటర్ ను ఆ అమ్మాయికి ఇవ్వనేలేదని.. విచిత్రం ఏంటంటే.. వారిద్దరూ ఇప్పుడూ పెళ్లి చేసుకున్నారని చెప్పుకొచ్చాడు రక్షిత్. ప్రస్తుతం ఇందుకు సంబంధించిన వీడియో నెట్టింట చక్కర్లు కొడుతుంది.

ఇవి కూడా చదవండి

నిధి అందాల వల.. శ్రీలీల క్యూట్ లక్స్.. అనన్య స్టైలీష్ లుక్స్..

'మా బాపు బొమ్మకు పెళ్లంటా' హీరోయిన్ ఎంతగా మారిపోయిందో చూశారా ?..

'అతడు నా ప్రేమను రిజెక్ట్ చేశాడు.. ఎంతో బాధపడ్డాను'.. పాయల్..‏

'అందరిని నమ్మకు..'శివాజీకి కొడుకు సలహా..

Mithra Dhrohi 😳#sapthasagaraaludhaati #rakshithshetty #Telugu #kannada #twitter #trending #viral2023 #friends pic.twitter.com/xNb3oQhCOh

— Life.of.entertainment (@Lifeofentrtnmnt) November 13, 2023

ఇదిలా ఉంటే.. రక్షిత్ శెట్టి జీవితంలో ప్రేమ విఫలం కావడం ఇది మొదటిసారి కాదు. గతంలో హీరోయిన్ రష్మిక మందన్నాతో నిశ్చితార్థం జరిగి ఆ తర్వాత ఏడాదికి వీరిద్దరి విడిపోయారు. 2017లో విడుదలైన కిరిక్ పార్టీ సినిమాలో రష్మిక మందన్నా, రక్షిత్ శెట్టి కలిసి నటించారు. ఈ మూవీతోనే రష్మిక కన్నడ ఇండస్ట్రీలోకి అడుగుపెట్టారు. ఈ సినిమా చిత్రీకరణ సమయంలో వీరిద్దరి మధ్య ఏర్పడిన పరిచయం ఆ తర్వాత ప్రేమగా మారింది. కొన్నాళ్లు ప్రేమలో ఉన్న వీరు ఆ తర్వాత 2017లో ఇరు కుటుంబసభ్యుల సమక్షంలో నిశ్చితార్థం చేసుకున్నారు. కానీ ఆ తర్వాతి ఏడాది 2018లో తమ ఎంగెజ్మెంట్ బ్రేక్ చేసుకున్నారు.

View this post on Instagram

A post shared by Rakshit Shetty (@rakshitshetty)

మరిన్ని సినిమా వార్తల కోసం ఇక్కడ క్లిక్ చేయండి.