Kajal Aggarwal: అందాల చందమామ అమ్మ పాత్రలకు ఓకే చెప్పిందా..? నిజమే అంటున్నారే..!

అందాల చందమామ కాజల్ అగర్వాల్ అమ్మ పాత్రలకు సై అన్నారా.. అంటే అవుననే టాక్ వినిపిస్తుంది. గౌతమ్ కోచ్లు ను వివాహమాడిన తర్వాత కాజల్ ఆచితూచి సినిమాలను ఎంచుకుంటుంది.

Kajal

TV9 Telugu Digital Desk | Edited By: Rajeev Rayala|
Updated on: Jul 10, 2021 | 9:39 PM

Kajal Aggarwal: అందాల చందమామ కాజల్ అగర్వాల్ అమ్మ పాత్రలకు సై అన్నారా.. అంటే అవుననే టాక్ వినిపిస్తుంది. గౌతమ్ కోచ్లు ను వివాహమాడిన తర్వాత కాజల్ ఆచితూచి సినిమాలను ఎంచుకుంటుంది. అయితే పెళ్లితర్వాత ఈ అమ్మడికి కాస్త ఆఫర్లు తగ్గాయన్న గుసగుసలు కూడా వినిపిస్తున్నాయి. ప్రస్తుతం ఈ భామ సీనియర్ హీరోల సరసన చేసేందుకు ఓకే చెప్తుంది. ఇప్పటికే మెగాస్టార్ కు జోడీగా ఆచార్య సినిమా చేస్తుంది. అలాగే విశ్వనటుడు కమల్ హాసన్ సరసన ఇండియన్ 2లో నటిస్తుంది ఈ భామ. మోసగాళ్లు సినిమాలో మంచు విష్ణుకు అక్కగా నటించిన కాజల్ ఇప్పుడు అమ్మ పాత్రకు ఓకే చెప్పిందని వార్తలు వస్తున్నాయి. ఇటీవల కాజల్ తమిళంలో ‘రౌడీ బేబీ’ అనే చిత్రంలో నటించడానికి గ్రీన్ సిగ్నల్ ఇచ్చింది. హారర్ థ్రిల్లర్ గా తెరకెక్కే ఈ చిత్రంలో ఆమె ఓ అమ్మాయికి తల్లిగా నటించనుందట కాజల్.

అలాగే, ఇందులో కాజల్ సాదాసీదాగా డీ-గ్లామరైజ్డ్ గా కనిపిస్తుందని అంటున్నారు. శరవణన్ దర్శకత్వం వహిస్తున్న ఈ చిత్రంలో ప్రముఖ నటి రమ్యకృష్ణ కీలక పాత్రలో నటించనున్నారు. పెళ్లి అయిన తర్వాత సినిమాల ఎంపిక విషయంలో ఆమె కాస్త జాగ్రత్తలుతీసుకుంటుంది కాజల్. గ్లామర్ పాత్రలకు నో చెప్తూ.. నటనకు ప్రాధాన్యత ఉన్న పాత్రలను ఎంచుకుంటుంది. ఈ క్రమంలోనే ఉమా అనే లేడీ ఓరియెంటెడ్ సినిమాలోనూ నటిస్తుందని తెలుస్తుంది.

మరిన్ని ఇక్కడ చదవండి :