Jr.NTR: ఆ సమయంలో డిప్రెషన్లోకి వెళ్లాను.. ఎమోషనల్ కామెంట్స్ చేసిన ఎన్టీఆర్..
ప్రస్తుతం ఆర్ఆర్ఆర్ సినిమా కోసం దేశవ్యాప్తంగా అభిమానులు ఎదురుచూస్తున్నారు. దర్శకధీరుడు రాజమౌళి తెరకెక్కించిన
ప్రస్తుతం ఆర్ఆర్ఆర్ సినిమా కోసం దేశవ్యాప్తంగా అభిమానులు ఎదురుచూస్తున్నారు. దర్శకధీరుడు రాజమౌళి తెరకెక్కించిన ఈ మూవీపై అంచనాలు భారీగానే ఉన్నాయి. యంగ్ టైగర్ ఎన్టీఆర్.. ఇందులో చరణ్ మన్యం వీరుడు అల్లూరి సీతారామరాజుగా కనిపించనుండగా.. తారక్ గిరిజన వీరుడు కొమురం భీమ్ గా నటిస్తున్నాడు. ఇద్దరు స్టార్ హీరోస్ కలిసి నటిస్తోన్న ఈ మూవీ కోసం భాషతో సంబంధం లేకుండా ఫ్యాన్స్ వెయిట్ చేస్తున్నారు. ఇటీవల విడుదలైన ఆర్ఆర్ఆర్ ట్రైలర్ యూట్యూబ్ను షేక్ చేస్తుంది. ఈ పాన్ ఇండియా లెవల్లో అత్యంత ప్రతిష్టాత్మకంగా రూపొందుతున్న ఈ మూవీ వచ్చే ఏడాది జనవరి 7న ప్రేక్షకుల ముందుకు రాబోతుంది. ఈ క్రమంలో ప్రమోషన్స్ చేస్తున్నారు చిత్రయూనిట్. ఈ సందర్భంగా ఇటీవల ఓ ఇంటర్వ్యూలో ఎన్టీఆర్ కీలక విషయాన్ని బయటపెట్టారు.
ఒకానొక సమయంల తాను డిప్రెషన్లోకి వెళ్ళానని.. అందులోంచి బయటపడటానికి రాజమౌళినే కారణమన్నారు ఎన్టీఆర్. 18 ఏళ్లకే సినీ పరిశ్రమకు హీరోగా ఎంట్రీ ఇచ్చా.. రెండో సినిమాకే స్టార్ స్టేటస్ చూశా. ఆ తర్వాత వచ్చిన కొన్ని చిత్రాలు వరుసగా ప్లాప్ అయ్యాయి. ఆ సమయంలో డిప్రెషన్కి గురయ్యాను. సినిమా హిట్ కాకపోవడంతో బాధపడ్డాను. భవిష్యత్తు ఎలా ఉండబోతుందనే విషయంపై మానసిక ఒత్తిడికి గురయ్యాను. ప్లాప్ కావడం కష్టంగా అనిపించింది. ఆ సమయంలో పని కూడా చేయలేకపోయేవాడిని. అంత గందరగోళంగా అనిపించేది. ఆ పరిస్థితి నుంచి నన్ను బయటకు తీసుకొచ్చింది మాత్రం రాజమౌళి. కష్టకాలంలో నా వెంటే ఉన్నాడు. నాలోని ప్రతికూల ఆలోచనలను పోగొట్టి ఉన్నత వ్యక్తిగానే కాదు..చక్కటి నటుడిగా తీర్చిదిద్దాడు అని ఎన్టీఆర్ చెప్పుకొచ్చారు.
Year Ender 2021: ఈ ఏడాది దుమ్మురేపిన మాస్‌ మసాలా సాంగ్స్‌.. ఊ అంటావా అంటూ.. ప్రేక్షకులను ఊపేశాయి..
