Mani Ratnam: మరో లవ్ స్టోరీ లోడింగ్.. మణిరత్నం దర్శకత్వంలో టాలీవుడ్ యంగ్ హీరో..

మణిరత్నం.. దేశంలోనే అత్యున్నత దర్శకులలో ఒకరు. ఆయన సినిమాలు అంతర్జాతీయ వేదికలపై ప్రదర్శించబడ్డాయి. సాధారణ ప్రేమికులకు దేశ సమస్యను ముడి పెడితే ఎలా ఉంటుంది. అదే మణిరత్నం సినిమాలు.. పూర్తిగా డెప్త్ ఉన్న సబ్జెక్ట్ సినిమాలనే ప్రేక్షకులకు అందిస్తాడు మణి. దేశం ఎదుర్కొంటున్న ఎన్నో సమస్యలను ఓ సాధారణ ప్రేమజంట ముందుంచుతాడు.

Maniratnam

Rajeev Rayala |
Updated on: Feb 16, 2025 | 5:11 PM

మణిరత్నం.. సినిమా ఇండస్ట్రీలో మణిరత్నం పేరు తెలియని ప్రేక్షకులు ఉండరు. ఎన్నో సూపర్ హిట్ సినిమాలు తెరకెక్కించి ప్రేక్షాదరణ అందుకున్నారు. ప్రేమ కథ చిత్రాలకు మణిరత్నం కేరాఫ్ అడ్రస్ అనే చెప్పాలి. మణిరత్నం సినిమాలకు ఉండే క్రేజ్ వేరు. అందమైన ప్రేమకథలు మాత్రమే కాదు సమాజానికి మెసేజ్ కూడా ఇస్తుంటాయి మణిరత్నం సినిమాలు. చివరిగా మణిరత్నం దర్శకత్వంలో వచ్చిన పొన్నియన్ సెల్వన్ సినిమా మంచి విజయాన్ని అందికుంది. ఈ సినిమాను రెండు భాగాలుగా తెరకెక్కించాడు ఈ స్టార్ డైరెక్టర్. పొన్నియన్ సెల్వన్ సినిమా తర్వాత మణిరత్నం కమల్ హాసన్ తో సినిమా చేస్తున్నాడు. ఈ సినిమాకు థగ్‌లైఫ్ అనే టైటిల్ ను ఖరారు చేశారు.

ఇది కూడా చదవండి : 40ఏళ్ల వయసులో ప్రేమలో పడిన బ్యూటీ.. సోషల్ మీడియాలో పరిచయం చేస్తూ పోస్ట్..

ఈ సినిమా త్వరలోనే హిటింగ్ జరుపుకోనుంది. ఈ సినిమా తర్వాత మణిరత్నం ఓ యంగ్ హీరోతో సినిమా చేస్తున్నాడని తెలుస్తుంది. ఆ యంగ్ హీరో ఎవరో కాదు తెలుగులో తన టాలెంట్ తో ప్రేక్షకులను ఆకట్టుకుంటున్న నవీన్ పోలిశెట్టి. తెలుగులో ఈ యంగ్ హీరో చేసిన సినిమాలు తక్కువే కానీ మంచి క్రేజ్ తెచ్చుకున్నాడు. ఏజెంట్ శ్రీనివాస్ ఆత్రేయ సినిమాతో హీరోగా పరిచయం అయ్యాడు. ఆతర్వాత జాతిరత్నాలు సినిమాతో మంచి విజయాన్ని అందుకున్నాడు. ఆతర్వాత మిస్ శెట్టి, మిస్టర్ పోలిశెట్టి సినిమాతో మరో హిట్ తన ఖాతాలో వేసుకున్నాడు.

ఇది కూడా చదవండి :ప్రభాస్ స్పిరిట్ మూవీలో ఛాన్స్ కోసం అప్లై చేసిన హీరో.. నెటిజన్స్ ఏమంటున్నారంటే

మిస్ శెట్టి, మిస్టర్ పోలిశెట్టి సినిమాలో హీరోయిన్ గా అనుష్క శెట్టి నటించింది. ఈ మూవీ తర్వాత నవీన్ ఓ ప్రమాదానికి గురయ్యాడు. ప్రస్తుతం ప్రమాదం నుంచి కోలుకుంటున్నాడు. త్వరలోనే ఈ యంగ్ హీరో మణిరత్నం దర్శకత్వంలో సినిమా చేస్తున్నాడని తెలుస్తుంది. అంతే కాదు ఈ సినిమా ఓ అందమైన ప్రేమకథతో తెరకెక్కుతోందని తెలుస్తుంది. త్వరలోనే దీని పై క్లారిటీ వచ్చే అవకాశం ఉంది. ఈ వార్త నిజమైతే నవీన్ పోలిశెట్టి రేంజ్ పెరిగిపోవడం ఖాయం.