Actor Sunil : మరో సినిమాను అనౌన్స్ చేసిన సునీల్.. ఈ సారి భయపెట్టనున్న కమెడియన్ కం విలన్
స్టార్ కమెడియన్ గా తనదైన టైమింగ్ తో ప్రేక్షకులను కడుపుబ్బా నవ్వించిన సునీల్ ఆతర్వాత హీరోగా మారి ఆకట్టుకున్నాడు. దర్శక ధీరుడు రాజమౌళి తెరకెక్కించిన మర్యాద రామన్న సినిమాతో సునీల్ హీరోగా మారారు.
Actor Sunil New Movie : స్టార్ కమెడియన్ గా తనదైన టైమింగ్ తో ప్రేక్షకులను కడుపుబ్బా నవ్వించిన సునీల్ ఆతర్వాత హీరోగా మారి ఆకట్టుకున్నాడు. దర్శక ధీరుడు రాజమౌళి తెరకెక్కించిన మర్యాద రామన్న సినిమాతో సునీల్ హీరోగా మారారు. ఆతర్వాత వరుసగా సినిమాలు చేసిన సునీల్ సరైన హిట్ ను అందుకోలేక పోయారు. హీరోగా మారిన ఆయన సిక్స్ ప్యాక్‌ కూడా చేశాడు. తొలుత రెండు మూడు హిట్లు దక్కినా ఆ తర్వాత వరుస ప్లాఫులు ఎదురయ్యాయి. ఆతర్వాత తిరిగి కామెడీతో మెప్పించాలని ప్రయత్నం చేశారు. ఆ తర్వాత సునీల్ విలన్ గా అవతారమెత్తారు. మాస్ రాజా రవితేజ నటించిన ‘డిస్కో రాజా’ సినిమాతో సునీల్ విలన్ గా మారాడు. ఆ తర్వాత ఇటీవల వచ్చిన కలర్ ఫోటో సినిమాలో విలన్ గా భయపెట్టాడు సునీల్.
ఇక ఇప్పుడు హీరో విభిన్నమైన కథలను ఎంచుకుంటూ సినిమాలు చేస్తున్నాడు. ఇటీవల క్రైం థ్రిల్లర్ కనబడుతా లేదు అనే సినిమాను అనౌన్స్ చేసిన సునీల్ మరో సినిమాను ప్రకటించాడు. ఈ సినిమాకు డి టీ ఎస్ అనే ఇంట్రస్టింగ్ టైటిల్ ను ఫిక్స్ చేశారు. ‘డేర్ టు స్లీప్’ అని క్యాప్షన్ ఇచ్చేశారు. టైటిల్ చూస్తుంటే ఈ సినిమా హారర్ నేపథ్యంలో ఉండబోతుందని తెలుస్తుంది. అభిరామ్ పిల్లా ఈ సినిమాకు దర్శకత్వం వహిస్తున్నాడు.
ఈ మూవీని తెలుగు కన్నడలో ద్విభాషా చిత్రంగా తెరకెక్కించనున్నారు. ఈ సినిమాలో శాండల్వుడ్ హీరో చేతన్ ఈ సినిమాలో కీలక పాత్రలో నటిస్తున్నాడు. అదేవిధంగా.. కన్నడ భామలు డోనాల్ నటాషా హీరోయిన్లుగా నటిస్తున్నారు. ఎస్ఎస్ స్టూడియోస్ బ్యానర్ పై ప్రముఖ టాలీవుడ్ మ్యూజిక్ డైరెక్టర్ సాయి కార్తీక్ నిర్మించడమే కాకుండా సంగీతాన్ని కూడా అందిస్తున్నారు.
మరిన్ని ఇక్కడ చదవండి :
