మందార పూలతో ఇంట్లోనే నేచురల్ హెయిర్ కండిషనర్ తయారీ.. రఫ్‌గా ఉన్న జుట్టు మెరిసిపోవాలంటేలా?
జుట్టును సిల్కీగా, షైనీగా, ఆరోగ్యంగా ఉంచుకోవడానికి చాలామంది రకరకాల హెయిర్ మాస్క్‌లు, కండిషనర్లను ఉపయోగిస్తుంటారు. అయితే, మార్కెట్లో దొరికే ఖరీదైన కెమికల్ ఆధారిత కండిషనర్లు కొన్నిసార్లు జుట్టుకు మేలు చేయడానికి బదులుగా హాని కలిగిస్తాయి. అంతేకాక వాటి ప్రభావం తాత్కాలికంగానే ఉంటుంది. ఇలాంటి సమస్యలకు చెక్ పెట్టడానికి, పూర్తిగా సహజమైన పద్ధతిలో ఇంట్లోనే హెయిర్ కండిషనర్ తయారు చేసుకోవచ్చు. డిజిటల్ క్రియేటర్ శ్వేతా ఖైర్నార్ మందార పూల సహాయంతో అద్భుతమైన నేచురల్ కండిషనర్ తయారు చేసే విధానాన్ని సోషల్ మీడియాలో పంచుకున్నారు. దీని గురించి పూర్తి వివరాలు తెలుసుకుందాం.
Updated on: Nov 01, 2026 | 4:38 PM
జుట్టును సిల్కీగా, షైనీగా, ఆరోగ్యంగా ఉంచుకోవడానికి చాలామంది రకరకాల హెయిర్ మాస్క్‌లు, కండిషనర్లను ఉపయోగిస్తుంటారు. అయితే, మార్కెట్లో దొరికే ఖరీదైన కెమికల్ ఆధారిత కండిషనర్లు కొన్నిసార్లు జుట్టుకు మేలు చేయడానికి బదులుగా హాని కలిగిస్తాయి. అంతేకాక వాటి ప్రభావం తాత్కాలికంగానే ఉంటుంది. ఇలాంటి సమస్యలకు చెక్ పెట్టడానికి, పూర్తిగా సహజమైన పద్ధతిలో ఇంట్లోనే హెయిర్ కండిషనర్ తయారు చేసుకోవచ్చు. డిజిటల్ క్రియేటర్ శ్వేతా ఖైర్నార్ మందార పూల సహాయంతో అద్భుతమైన నేచురల్ కండిషనర్ తయారు చేసే విధానాన్ని సోషల్ మీడియాలో పంచుకున్నారు. దీని గురించి పూర్తి వివరాలు తెలుసుకుందాం.
కావలసిన పదార్థాలు:
ఈ సహజమైన కండిషనర్ తయారు చేయడానికి మన ఇంట్లో సులభంగా దొరికే కేవలం 4 పదార్థాలు చాలు.
సుమారు 20 మందార పూలు
అర కప్పు ఆవిసె గింజలు
తగినంత నీరు
ముందుగా నానబెట్టి ఉంచుకున్న గొండ్ కతీరా
కండిషనర్ తయారీ విధానం:
ముందుగా మందార పూలను శుభ్రమైన నీటితో చక్కగా కడగాలి. ఒక గిన్నెలో కొద్దిగా నీరు పోసి, అందులో శుభ్రం చేసిన మందార పూలను వేసి చేతులతో బాగా మెత్తగా మలచాలి. దీనివల్ల పూలలోని గుజ్జు, జిగురు పదార్థం బయటకు వస్తుంది. ఇప్పుడు ఆ మిశ్రమంలో అర కప్పు ఆవిసె గింజలను వేసి బాగా కలపాలి. ఆ పాత్రను స్టవ్ మీద పెట్టి సుమారు 15 నిమిషాల పాటు తక్కువ మంటపై ఉడికించాలి. మిశ్రమం అడుగున అంటుకోకుండా మధ్యమధ్యలో కలుపుతూ ఉండాలి. కొద్దిసేపటికి మిశ్రమం చిక్కబడి జెల్ రూపంలోకి మారుతుంది. అప్పుడు స్టవ్ ఆపివేసి, వేడిగా ఉన్నప్పుడే ఒక గుడ్డ సహాయంతో జెల్‌ను వడకట్టాలి. వడకట్టిన ఆ జెల్ పూర్తిగా చల్లారిన తర్వాత, అందులో ముందుగా నానబెట్టిన గొండ్ కతీరాను వేసి మిక్సీలో మెత్తగా బ్లెండ్ చేయాలి. అంతే, మీ హోంమేడ్ నేచురల్ హెయిర్ కండిషనర్ సిద్ధం!
View this post on Instagram
జుట్టుకు ఎలా అప్లై చేయాలి?
మీరు తలస్నానం చేసిన తర్వాత ఈ నేచురల్ కండిషనర్‌ను జుట్టు కుదుళ్లకు కాకుండా కేవలం జుట్టు పొడవుకు పట్టించాలి. సుమారు 15 నుంచి 20 నిమిషాల పాటు అలాగే ఉంచి, ఆ తర్వాత సాధారణ నీటితో శుభ్రంగా కడిగేయాలి. ఈ సహజ కండిషనర్ వాడటం వల్ల పొడిబారిన, చిక్కుపడిన జుట్టు నిమిషాల్లో మృదువుగా మారుతుంది. క్రమం తప్పకుండా దీన్ని వాడితే జుట్టులో సహజమైన మెరుపు వస్తుంది. అయితే వాడే ముందు మందార పువ్వులు శుభ్రంగా ఉన్నాయో లేదో చూసుకోవడం, అలాగే అలర్జీ టెస్ట్ చేయడం మంచిది.
